اعترف!! كيف كانت طفولتك

**قرشية وأفتخر** · 10-31-2009, 09:21 PM

اعترف!! كيف كانت طفولتك

الطفل البريء

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..

الطفل العنيد

يطبق نظام البيت بالع** .. يسوي اللي براسه ..

مايخاف من الأب أو الأم .. لو قلت له هذا خطر لاتقربه .. عناد فيك يسويه ..

يُــضرب كثيراً في طفولته .. ومع ذلك عنيد مايغير رايه ..

الطفل الحنّـان

يستخدم وسيلة الزن لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..

الطفل المادي

هذا الطفل مايرد السلام الا ( بفلوس ) ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..

الطفل الفتّــان

تجد عند هذا النوع جميع اخبار المنزل ..

يجد المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..

الطفل الدلوع

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..

الطفل العله

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تطنشه ..

واكثر الاوقات ماتلقى اجابه لاسئلته .. لانك في الحقيقه تجهلها ..

الطفل الداج

هذا الطفل مستحيل يجلس في المنزل ..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح اذا كبر مهندس طرق ..

الطفل الملسون

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح باستفزازه ابداً ..

الطفل اللزقه

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..

الطفل الهادي

هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..

الطفل القوي

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..

بكل صراااااااااااااااحه .. اي الانواع كنتم

**أم فهد** · 10-31-2009, 11:51 PM

قرشية الانواع هذي غالبا تنطبق على الأولاد اما الببنوتات طفولتهم وانواعهم غير الا الحننننننة عندي بنت الله يهديها زنانة بشكل ينرفز يجيب الشقيقة المستمرة مو الصداع

**الهاشمية القرشية** · 11-01-2009, 11:57 AM

ما فيه الطفل الحساس ؟؟

هذا نوعي

مع اني ماني بعيدة عن الطفل العنيد هههههههههه

الطفل العنيد

يطبق نظام البيت بالعكس .. يسوي اللي براسه ..

مايخاف من الأب أو الأم .. لو قلت له هذا خطر لا تقربه .. عناد فيك يسويه ..

يُــضرب كثيراً في طفولته .. ومع ذلك عنيد مايغير رايه ..

(يُــضرب كثيراً في طفولته) إلا هذي مستحيل أحد يقربني وأبويا موجود

**الهاشمية القرشية** · 11-01-2009, 12:02 PM

إقتباس:

المشاركة الأصلية كتبت بواسطة أم البنات

قرشية الانواع هذي غالبا تنطبق على الأولاد اما الببنوتات طفولتهم وانواعهم غير الا الحننننننة عندي بنت الله يهديها زنانة بشكل ينرفز يجيب الشقيقة المستمرة مو الصداع

الله يخليهم لكي فديت كل البنوتات
عندي بنت أختي عليها زن يفلق الراس

المواضيع المتشابهة
الموضوع	كاتب الموضوع	المنتدى	مشاركات	المشاركة الأخيرة
الطريق الروحي إلى مكة	الهاشمية القرشية	الحكواتي	2	05-25-2011 10:38 PM
دورة جرافولوجية مجانية	الهاشمية القرشية	الجرافولوجي Graphology	277	06-21-2010 09:55 PM
ورد مجرم	alabasi	المنتدى العام المفتوح	5	06-14-2010 12:34 AM
الدكتور أبو الحسن بني صدر يكشف أسرار الخميني	محمد العطية العلواني	المنتدى العام المفتوح	0	07-08-2009 05:47 PM
قصه الفتات رجاء	الجواد الابيض	الحكواتي	1	12-19-2008 06:12 PM

يشاهد الموضوع حالياً: 1 (0 عضو و 1 ضيف)

الإهداءات

تشغيل بواسطة Data Layer