06-17-2008, 08:15 AM
|
المشاركة رقم: 1 |
| المعلومات | | الكاتب: | | | اللقب: | عضو نشيط | | البيانات | | التسجيل: | Jun 2008 | | العضوية: | 2506 | | المشاركات: | 437 [+] | | بمعدل : | 0.07 يوميا | | اخر زياره : | [+] | 
| معدل التقييم: | | | نقاط التقييم: | 10 | | الإتصالات | | الحالة: | | | وسائل الإتصال: | |
| المنتدى :
الكلمة الموزونة  قصيده رثاء في الشاعر الشريف غالب بن منصور بن لؤي
CC0000قصيدة عزاء ومواساة في فقيد الشعر والادب الشاعر\ غالب بن منصور بن لؤي الشريف رحمه الله 0 لشاعر رنية الكبير الشاعر حمود بن زامل السبيعي
الايامل عين كن وسط اصبيها ملموس
احاولها على المرقد وعيت ترقد اعيوني
تهل دموعها والحزن في قلبي يدوسه دوس
ولو عيني تصب دموعها ماتبرد احزوني
سبب علم لفاني صابني بالهم والهاجوس
الا ياليتهم عصر الاحد بالعلم ماجوني
رحل عنا الاديب اللي زرع له في القلوب ادروس
دروس تنفع العراف واللي مايعرفوني
غدره الموت ماكمل صلاته والعباد اجلوس
ياليت الموت خذ غيره من الرديان مليوني
ياليته حط في قبره هل المشعاب واهل الفوس
دعابيل الرخوم اللي عن الواجب يصدوني
لو ان الموت شاورنا عكسنا رايه المعكوس
جردنا دون ابن منصور حد السيف مسنوني
لكن الموت مامور على الطيب بدون فلوس
ومره اللي له عباده يصلون ويحجوني
لكن الله يعوضه في حياته جنت الفردوس
هل الوديان تدعي له وكل الناس يدعوني
ومن الساحل ليا الساحل الى صنعا الى قابوس
جميع اهل الخليج الشعب والحكام يبكوني
يحق ال هم يخلون العلم طول السنه منكوس
يخلون العلم منكوس قدر له وقانوني
اديب من شبابه لين شيب عاشق الناموس
عشيق للمراجل كلها مايتبع الهوني
اديب وهاشمي مافيه من كل الحسوس احسوس
ليا سير على الحكام قدرله يفزوني
اديب يدخل المجلس وتخضع له كبارالروس
ليا جر السوالف كلهم صوبه يلدوني
حكيم الراي لا شاف الدعاوي حبلها ممسوس
تحل اعقودها يابو لؤي بالهون وتهوني
حليب للصحيب وللمعادي مثل حد الموس
وجيرانه وربعه من جنابه مايملوني
اديب لبس شعر النبط من غالي الملبوس
يبعون الرواة بسوقه الغالي ويشروني
بعد ماغاب عن شعرالنبط شان ودخله السوس
ون طاعوني الشاعر عقبه مايغنوني
|
|  |
المواضيع المتشابهة 
الجريح 
العرض الشجري
