|
ضيقة عصير ضيقة عصير لـ محمد بن فطيس المري الضيقه اللـي دايمـاً تالـي عصيـر وش حيلتـي واردّهــا لا تجيـنـي لاطال ظل العود حزة عشـى الطيـر كنها على سجـن الحديـد تحدينـي يضيق صدري كل ما جـت واسيـر ولا يخفـف سـوج رجلـي حنينـي لاحولنـا مشـراف ولا اقـدر اطيـر يالله قسـمـة خـيـر لا تبتليـنـي وعقارب الساعه توقف عن السيـر ولاكن في الدوحه سواتـي حزينـي والعبره اللي تاصل الحلـق وتحيـر ياقربها لـو قيـل لـي ( ياعوينـي) امل شـوف النـاس وردّ ومصاديـر واللي يقول اشفيـك كنْـه يهجينـي يعني على ماقيل من بـاب تصويـر ( لحد ٍ ابي قربه ولا احـد ٍ يبينـي) اروح ادوّر( خط) ما بـه( دواويـر) وادوّر الـلـي هـادهـا تهديـنـي واخذ مع الهاجـوس سجـه وتفكيـر واراجع اللـي فـات بينـي وبينـي واحسّـب ذنوبـي وادوّر لتكفـيـر وعسـاي ماقصـرت فـي والدينـي وعساي ماقارنت مـن ينفـخ الكيـر واللي يحمل المسـك جعلـه قرينـي ويطري علي يوم الحشر واطلب مجير ما اعطى كتابي في شقيقـة يمينـي ويطري على صدقان كثـر الدنانيـر اللـي تعادينـي الـى كثـر ديـنـي وراع الهروج اللي سوات المناشيـر اصـد عنـه وادري انـه يعنيـنـي الله حسيبه يـوم عـرض القواريـر والله حسبي مـن صـواب ٍ مكينـي والى طرالـي واحـد ٍ كانـه صغيـر امـا اصغـر بيوميـن ولا سنينـي دريت وش قومـي وعينـت تفسيـر للضيقه اللـي مـن زمـن تعترينـي حبه بصدري سالفة سـر فـي بيـر وكـن الفـواد يقـول هـذا زبينـي اشفق على علم ٍ يجي منه من غيـر مايسمع اللي سولفـوا بـه ونينـي العام اجيهم مـن حسـاب المساييـر واليوم حـال عـداي وينـه ووينـي ياكثرهم غيـره ولكـن خبـر خيـر ماغير شوفه فـي الوجـود يهنينـي رايـي كـذا ياعاشقيـن الغنـاديـر ماله على وجـه البسيطـه وزينـي خطاي تعليق الامـل فـي المدابيـر إليـن راح وشفـت حقـري بعينـي صبر جميـل وخابـر انهـا مقاديـر والله على تخفيـف حزنـي عوينـي ذي حالتي لين اتغبا الشمس واصيـر معطى صراحي عقب ما انا سجينـي والى امتلا جوف الشجر بالعصافيـر طلبـت مـن رب العبـاد يهديـنـي يعتقني المذن عقب ضيقـة عصيـر اللي على سجـن الفـراق تحدينـي دمتم بود |
رد على: ضيقة عصير صح لسان قايلها وتسلم يد ناقلتها دمتي بخير |
رد على: ضيقة عصير صح لسان قايلها وتسلم ايدين نا قلهااااااااااااااااااااااااااااااااااااااااااااااا اااااااااااااااااااااااااا |
رد على: ضيقة عصير امل شـوف النـاس وردّ ومصاديـر واللي يقول اشفيـك كنْـه يهجينـي يعني على ماقيل من بـاب تصويـر ( لحد ٍ ابي قربه ولا احـد ٍ يبينـي) قووووووووي الشاعر وقال تجربت شاعر قبله يوم قال في غيبتك كل الملأ عندي أغراب ،،،،،،،،، محداً أبي قربه ولحدً يبيني سبحان الله ، أغلب الشعار في وقت العصر تضيق صدورهم هذا شاعر ثاني يقول : يقول من عدى على روس الطوال النايفات ،،،،، من ضيقة في الصدر كانيها ، وحزتها عصير يالله يا أعظم من الأسماء وأجل من الصفات ،،،،،،،،، يارب يالله ياعظيم وياسميع ويا بصير يمكن هذا الوقت تضيق صدور الناس لأن الشياطين تنتشر أنا عن نفسي العصر بكوم ، وباقي اليوم بكوم شكراً يالهاشمية على القصيدة |
رد على: ضيقة عصير إقتباس:
مو الشعار بس اللي تضيق صدورهم أول العصر عادي أعتبره تتمه للظهر بس من ينتصف العصر تبدأ الضيقة وآخر العصر يا لطييييف ضيقة مو معقولة شئ لا يطاق بدون سبب واضح السبب أنه العصر هههههههههههه حتى القيامة تقوم وقت العصر يا ساتر وقت كئيب شاكرة مرور الجميع وشاكرة اضافتك أخ عبدالله نورتني وأنا فاكرة بن فطيس أول من تطرق لضيقة العصرونية مالي خبرة في الشعر ولا الشعراء دمتم بخير |
| كل الأوقات هي بتوقيت GMT +3. الساعة الآن 02:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Search Engine Optimization by vBSEO ©2011, Crawlability, Inc.