http://up100.arabsh.com/files/i5ltnj7jbw83czjd5ran.gif










[poem font="Arial,5,darkblue,normal,normal" bkcolor="purple" bkimage="http://www.alhashemih.com/vb/images/toolbox/backgrounds/17.gif" border="solid,4," type=0 line=0 align=center use=ex num="0,black"]
من أول مارجعت من السفر ماشفتك فيه
وأنا لي كنت أحسبك قبل أدوس أرض المطار تجين
تكونين أنت أول شخص عيني تحتضن عينه
وكنت أتخيلك من زود فرحت رجعتي تبكين
وأشوف بدمعتك حكي وأعرفه قبل تحكينه
وأجيب أحلى من الي بتحكينه وأتركك تحكين
تقولين الوطن نور وأقول بنور مضوينه
تقولين لي غديت أحلى وأقول عيونك الحلوين
كلامً نام في بشفاك وخفتي لا تصحينه
ذخرتي لغرام ألي ينام ويتركك تصحينه
تغاتمتي غيابي لين رجحتي موازينه
تعلم من أيديك لمس الكفوف وعلمك تجفين
وليتك لاقيه به شيء فيني ماتلاقينه
مهوب غرورلكن خابرك مالك أمل تلقينه
تغافلتي بغلا ولحلا مهو من زينه
تزينه الصور بس الصحيح أبن الحلال زوين
وأنا ماني بنقاص عنه يوم أنك تبدينه
نصيبي هو نصيبي لو يسددها من الصوبين
قنوع بمظاهري والسم مايذبح ثعابينه
على قول مثل ماني حلو لكن ماني شين
أذا أهداك الزهر مره فانا أهديتك بساتينه
وأذا ألهاك بفرح ليلى فأنا تهت لبكاك سنين
وأذا أستضعفتك أملاكه وشتتك ملايينه
أنا حتى فتات الخبزه أقسمها معس نصفين
طموحي بس أجي وأظفر بشيً تستحقينه
تدينته سلفته سرقته ماهو مهم منين
كأني من كثر مأرضى بكل الي تمنينه
لو أنك تطلبين ان الله يعنيني بقول أمين
أنا ماالعب على الحبلين وقت الطيش وسنينه
تبين ألحين يوم أني كبرت ألعب على الحبلين
ترى عند البدو بذات عيب ألي تسوينه
حلاتك لعشقتيني تعشقيني ليوم الدين
غرامً نسكن ضلوعه حشيمه من مجانينه
جفا يجمع معزتنا ولاعشقايذل أثنين
كثار ألي تحدوني وقالو لي تحبينه
أمانه لاتخليني صغير في عينهم تكفين
لأني كل ماقالو تخون أقول مسكينه
عليك الله وأمانه علميهم من المسكين
أنا خايف لطاح الجمل تكثر سكاكينه
وأنا ماعادت ضلوعي تحمل طعنت السكين
مثل ماقالو المكتوب واضح من عناوينه
لو أرحل منك للغربه بسافر من ظلامك وين
كفايه كل حلم يمر في رقادي تزورينه
كفايه من تفارقنا وأنا ما غمضت لي عين
قبل يومين شفتك في المنام وقمت من حينه
ونمت أمس ورجع نفس المنام ألي قبل يومين[/poem]



http://up100.arabsh.com/files/i5ltnj7jbw83czjd5ran.gif