قد طلبالشريف / سلطان من الشيخ / محمد بن هادي بن قرملة أن يعطيه أو يبيعه جوادا من أشهر جياده فأجابه بهذه القصيدة :

يا راكب من عندنا فوق هجهوج
= سواج مواج بعيد معشاه

ما فوقه إلا الكور والنطع وخروج
= وسفيفتين فوق وركيه تزهاه

أسبق من الدانوق في غبة الموج
= ملفاك سلطان زبون المخلاه

يا العبدلي لا تكثر السوم بالغوج
= لو كان طارينا الثمن كان بعناه

شفي عليه بردة والغلب غوج
= إن حل بنحور السبايا مثاراه

وإن لجلج المجمول فوق الحنى العوج
= ذهل الغطا وأهل الرمك قام تنخاه

تناطحوا وأوقف على الزمل عمهوج
= من شح في عمره عسى الخيل تاطاه

نحدكم حد الجوازي عن الموج
= ونردكم رد البدن صوب مسناه

أهل سربة وإن دبرت ركضها عوج
= وإن أقبلت شروى الحرار المغذاه

وكم عندل تبكي على العم والزوج
= تجر صوت غافي النوم قزاه

وكم سابق تشرى من المال بخروج
= غدت بروس أرماحنا بالمثاراه

حريبنا ما يمرح الليل مفلوج
= الناس قد ناموا وعينه مقزاه

وعدونا لو قطب الخيل بسروج
= لازم يخلي منزله لا نصيناه

أنا جنودي كثر جوج وماجوج
= حريبنا لو هو بعيد نصيناه

ذا قول من يلوي على الهرج بهروج
= يلوي ولا يلوى على بعض ملواه

فلما وصلت القصيدة للشريف سلطان أجابه بهذه القصيدة حيث قال :

حي الكتاب اللي من الفخر ممزوج
= حيه وحي اللي لفى به وعناه

أهلا وسهلا به ولا هو بمسهوج
= حشمه لمن كزه ونرفا خطاياه

تكريم مثل الدر مخلوط ببلوج
= وأنوج من العنبر إلى غلي مشراه

القول له حشمه ومعنى ومهروج
= عند الذي يفهم جوابه ومعناه

جانا جواب معرب الجد معروج
= ومعوسر لكن حنا عرفناه

محمد اللي له حوالات ورموج
= بعيد بعزم رايه وبأرياه

تطري لنا إن الشح لازمك بالغوج
= يوم إننا جيناك ولا أعطيتنا إياه

من شح في ماله فلا هو بمهروج
= وأنت من اللي يستحقه ويزهاه

وكم طيع من فوقها اللبس مزنوج
= للشيخ ترخص ما نبي له مجازاه

في راي من يجعل مع السيف ساروج
= عند الذليل ويذعر الخيل بعزاه

سيد الجميع اللي له الحكم معنوج
= حكم البحر والبر يوم الله أعطاه

من حاربه حاله سقيم ومسنوج
= كن الدبا الحناب بالليل يرعاه

وش عاد لو عيا محمد على الغوج
= بخيل الطواله واحد كنه إياه

فيها ثلاثميه وتسعين مسروج
= غير الجنايب فوقها اللبس تزهاه

نعطي المهار اللي عراقيبها عوج
= وإلى عطينا مدة ما تلبناه

كم سابق تشرى من المال بخروج
= وإلى عطينا ما نبيله مجازاه

أنتم سهيل له مطاليع وبروج
= وحنا القمر في ليلة النصف غطاه

فإن كان قومك كثر جوج وماجوج
= كفرت بالطاغوت واّمنت بالله

السد من بين الحفيفين مرتوج
= بناه ذا القرنين يوم الله أعطاه

مشكورة الهاشميه على المرور

السبحه عندك الى الان اولا ؟

الها شميه الله يعطيك العا فيه


يا الخياله