صباح الأزهااااااااااااااااااااااااار

يسعدلي صباحكم


ما علينا ترى الموضوع طبيعي يعني ما يخوف ذاك الخوف

بس هوا في هدا اليوم كنا قاعدين أنا وصحباتي نتكلم عن شقاوة أيام زمااااااااان

وعن المضاربات اللي كانت شغالة أيامها

والله كان أخويا له سوابق في المضاربات

و خيلاني كمان كانوا ما شاء الله رؤساء عصابة مثل علي بابا وكل يوم هوشة ومضاربة

وأنا لما كنت صغيرة كنت بنوتة بالمرة هااااااااادية

ومشكلتي أني ما أتذكر أنو عمري عملت هوشة

بس مرة من المراات ......صار لي موقف قلت بس راح يصير اليوم مضاربة وشغلانة ....

أيامها يعنيييييييييييييييييييييي مو مرة زمااااااااان

قلتلكم لما كنت صغيرة

كنا نروح نحضر عيدنا وننبسط عند أهلنا في مكة

وكان عيديتنا أنوه واحد من خيلاني يجمعنا ويودينا للبقالة

وأنتو عارفين إيشي حلويات وإيشي مشروبات وآخر دلع محد يقولنا لا تشتري هذا ولا داك

و زي ما أنتو عارفين في العيد الله الله الله على الشياكه

و الجزمة الخضراء اللميعة ام فيونكة

والشعر كمان لا تنسوا حظه ونصيبه من الفيونكة

وأحيانا الشعر مقسوم قسمين كل قسم مربط ومعقد بشرايط

اكره نفسي كل ما أتذكر اني كنت لابسه شيء زي كدا

ما علينا المهم كنت متشيكة آخر شياكة يا عم مين قدي لابسة فيونكة

مهي سبب الهوشة هالفيونكة (قال آخر شياكة قال)

المهم وإحنا في الطريق إلا وذاك الواد الشقي يدفني

والفيونكة وززززززززززززززززززززززززز على الأرض

و كانت البكلة شييء مررررة كبيرة ممكن تنحط في حوض زراعي

قلت ما بدهاش ما يصير أسكت على حقي ولازم أدافع عن بكلتي ( ياااااااااااااااااااادي البكلة )

المهم

قلتله لو سمحت ممكن تديني بكلتي (هذي اللي تبغى تضارب )

قال ومين يقول انها بكلتك ؟

قلت لأنها كانت في شعري

قلتله ليه كل هالحجم وما شفتها في شعر !

والله اللي في آخر السكة يشوفها

قال بس لا تكثري هرج

عشانها كانت في شعرك صارت بكلتك

هيا بس انقلعي

وي أنا يقولي أنقلعي

المهم لاني ما اضارب رحت ادور على فزعه تجي تلطش الولد و تردلي ممتلكاتي...

فطبعا مالي غير أختي الكبيرة هيا كانت اللي بتلطش الأولاد

قعدت أدور عليها ليمن ما لقيتها تلعب كورة مع عيال الجيران

و أول ما قلتلها أخذتها الحمية و مسكتني مع يدي

قالت تعالي وريني فين الولد .. شكله ما سمع عني قبل كذا

رحت ور يتها الولد

راحت قالته ها تديها بكلتها و لا لا ؟

قال لا مني مديها بكلتها وريني ايش راح تعملي

قالت طييييييييييييييييييييب

أحم أحم

والله الولد شكله جرئ ووجهه قوي ورده بجح

وهذا كله مو مهم

المهم والأهم

أنه

فالمهم ألتفتت عليا وقالت ما أظن هذي بكلتك

هذي أصلا أكبر من راصك

والله لأقول لأمي أنك تفتري على ولد جيراننا

هيا سلمي على الولد وتأسفي منه

طيب والبكلللللللللللللللللللللللللللللللللة ؟

يا بنت خلاص دام الكندرة لميعة ولا يهمك مو لازم بكلة

ههههههههههههههههههههههه

الله يرجك يا بسمة رجاً مبرحا أنتي وبكلتك

هههههههههههههههههههههههههه


الله لهدرجه مهمه البكله