عيش ياوطن دايم مكرم ومحشوم=في ظل ابو متعب وسلطان له عون
دين ثم وطن أثنين ما فيهم السوم=وللمواطن حق لإقواله يصغون
بإهتمام في حاجته صار مكروم=يالله يارب العباد خالق الكون
تحفظ ملوك المملكة دايمٍ دوم=هم قادة الإسلام وللحق يرعون
ويالله تعز المملكة شامخة تدوم=على مدى الأزمان تحفظها وتصون
نفديك بالأرواح لاجالك لزوم=شعب وقيادة تلتحم فيك بالعون
وجيش وحرس وقوات أمنٍ لك تروم=هم البواسل عن حدودك يذودون
أمن الوطن في جباهنا وسم مختوم=أفعالنا وأقوالنا صدق مضمون
ومنا الولاء لآل السعود أمر محسوم=هم الملوك برايهم دوم يسدون
لنصرة قضايا أمة العرب بعزوم=وللكوارث مدوا جسراً يغيثون
وفي خدمة البيتين حاكم ومحكوم=يقدموا كل التساهيل جادون
على مدار العام نستقبل قدوم=حجاج لبيت الله ولطيبة يزورون
لقبر الرسول اللي من الله معصوم=وفي كل عام في عددهم يزيون
وفي المشاعر كم مرافق بها خدوم=وجسر الجمار عملاق وفي أدواره يبنون
حتى يسهل للحجيج رمي مرجوم=تفويجهم ميسور يروحون ويجون
والمنصفين قالوا الحقيقة فلا لوم=إلا الذي أعمى بصيرة ماهي عيون
ماهمنا جاحد وبفكارة مسموم=طمس الحقيقة حِسد وفي الغي ماضون