بسم الرحمن نبدأ في بعض ما تختص بيه لهجتنا الحجازية الغاليه :

مصطلحاتنا :
في كتير من المصطلحات الحجازية اللي من الصعب انو اي واحد غير حجازي يفهمها واتفضلوا هدي بعضها يمكن تعرفو البعض الاخر :


اندر بره : اخرج |(مختصه بداكاترت الجامعه )

العن سنسفيلك : اهزأك

اديلو : اعطيه

الدهليز : مدخل البيت

الكرتة : الفستان

الكنتره : الجزمة اكرمكم الله

اقيس :اظن

دحين :الان

مصرفدة : مستعجله

دولا دول _هؤلاء او هم

امزع رقبتك : اخلع رقبتك
داير مدار :حولين
القنعه : العبايه
دغري :على طول
وي :للتعجب


الكرويتة : دكة خشبية

الزقاق : الشارع الضيق

وأعتقد أنها أصبحت كلمة معروفة بفعل النزح المكاوي على المدن الأخرى، وهو المعروف عند أهل نجد بالدعتسوس الداعوس <---- زقاق أهون وربي


باختصار هو الشارع الضيق



دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم

دحديرة : نزلة او منحدر

الدبش : اغراض العروسة قبل لا تتزوج

القابلة : بكره = اللي تولد الحوامل

المملك : المأذون الشرعي

الدقيسي :الفراغ اللي تحت الدرج أو المخزن

المرقعة : الدلع والمياعه في الكلام والتصرف

- القروشة : الازعاج
يتتريق : يستهزء

اللغوصة : نقل الكلام وتسبيب المشاكل
امصع ادنك : اجرها
الصمرقع :الجنان
لدحلسة : اذا كنت بتتمصلح مع واحد عشان تبغى منه شي تقول يدحلس .
مخمج : معفن
بقبقت : انتفخت
اسمنو : على الاقل
بكش -نصب كدب
هججوني : ازعجوني

قوامن : بسرعه , حالاً
اطرش الباب : سكروه
اندر: اخرج

مقرحف ؟: ناشف
عساك بالطافوح : عساك السم للمفجوع هههههههههههه

قحروط : بخيل
مرعته (بتشديد الراء( = يعني زادت أمه في دلعو
تكرن مخه = قفل مخه

ما صفطناكم = ما شبعنا منكم

بسك ياحمزه= واحد يقول موضوع وانت ما تصدقه يعني كذاب
بمبه قاروري = اللون الفوشي
استيته = الأخت الكبرى
اتقيت = لقيت
السنطران : السنترال هههههههههههههههههه
مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون

حتى أن أحدهن قالت : وي يا فايقة يا أختي .. والله جوزي صدقة جابلي مضليون والمضليون هو البروش الدهب


الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر ( نفسي وضعي الان هههههههههه)


المرمشة: يمين بالله علينا كلمات فلّه

المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء


الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام


العكننه : وهي التنكيد على شخص معين،

و في مصطلحات كتيرررررررررر غيرها .

2- أمثال حجازية :

إذا جيت رايح كتر من الفضايح.
او إذا جيت رايح كتر من الملايح

بعد ما أكل واتكا قال ريحته مستكا.

حاجه ما تهمك وصي عليها جوز أمك.

ست وجاريتين على قلي بيضتين.

دلع الكبار زي الشقدف على الحمار.

اللي ماله أم حاله يغم.

كل حبه مسوسه لها كيال أعور.

على قد زيتوا سرجلوا.

الخايبه تتعلق بالحبال الدايب.

عقربه في الغار ولا ضره في الدار.

خاتم بفصو وكل شي ترصوا.

أهري وانكتي يا جاره وأنا ثابته زي العماره.

شايل لنا طيران عبد القادر

لو لك شي عند الكلب قول له يا سيدي

سكتنا له دخل بحمارووو


ما يقدروا على الحمار يقدروا على البردعة

ايش عرف الحمير بأكل الجنزبيل



البيض الفاسد يدحرج على بعضه




اذا تعاندوا الحمير يا بخت الركاب



البيضه ما تخابط حجر



حبيبك يمضغ لك الزلط وعدوك يعد لك الغلط



حمارتك العرجة تغنيك عن سؤال اللئيم



داخل لبيت العروسه نادر من بيت العريس



ياريتني بيضه وعرجه اصلوا البياض فرجه(بضم الفا). هههههههههههه فديت البياض



يااخد القرد بماله يروح المال ويبقا القرد على حالو



الله من محبته في عبيدو جعل العمر والرزق بيدو.



اللي يشوفني بعين اشوفوا باتنين.



كنس بيتك ورشه ماتدري مين يخشوا.



مين يشوفك يالي في الضلام تغمز



على قد زيتوا سرجلوا



ماتعرف خيري لين ماتجرب غيري


فقير اتجوز فقيرة خلفوا وجع القلب



كبيرهم فلفل وصغيرهم زنجبيل واللي في الكوفلة يقول من العايدين هههههههه اموت بلهرجه



خاتم بفصو وكل شيء ترصوا



خشوني لاتنسوني ولعوا الشمعة وشوفوني



عمية تحفف مجنونة وتقولها حواجبك سودا ومقرونة



الصرمة والقبقاب صاروا أصحاب



يا داق الموية في المهراس يا مربي وليد الناس



كل عيش البخيل ولا تأكل عيش المنان



أدب ولدك وان زعلت امه



يابخت من بكاني وبكى الناس عليه ولا من ضحكني وضحك الناس عليه.




رضينا بالهم والهم ما رضي بينا


اتملت العدوة وقلت المروه


أكلوا الملوخية وصاروا أفندية


لمن كنا ما كانوا ولمن رقدنا قاموا


قالوا متى طلعت القصر قالوا أمس العصر


العروسه للعريس والجري للمتاعيس


سلامتك والهيل والقرنفل قمامتك


اللي يشيل قربه مخروقه تنقط على راسه


الحجر من الارض والدم من راسك


أخوانك من أمك زي الدهب في كمك و أخوانك من أبوك زي القوم لما ينهبوك


من بيت أصقع لبيت أرقع


مطبق العاده و معصوب كل يوم
ههههههههههههههههههههههههه


في كل محضر بالتوب الاخضر

باب المجلس يقول باب السطوح .. اللي يجي يجي .. واللي يروح يروح


خليها في القلب تجرح و لاتخرج بره ترمح

الحر من غمزة والحمار من رفزه
يضرب هذا المثل لايضاح الفرق بين النبيه والبليد.

حمار الحكومة حكومة
يضرب هذا المثل للموظف الصغير المتسلط على الناس


خطبوها اتعززت تركوها اتندمت
يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان



دلع الكبار زي الشقدف على الحمار
يضرب هذا المثل لخروج العجوز عن وقاره وجديته

والشقدف عشان الاسئلة بس:ما كان يوضع على الجمل ليجلس فيه المسافرون


قلبي على ولدي انفطر وقلب ولدي عليا حجر.


و لا تنسوا ارضى بقردك لايجيك اللي أقرد منوو

الحب عياقة ...توب بلا ياقة ههههههههه



الالقااااااااااااااب :
عندنا في الحجاز وخصوصا مكه والمدينة في اسماء يعطوها كنيه او لقب على سبيل المثال واحد اسمو عبد الله يقولولو أبو عابد ... وهذي بعضها :

أحمد : حمتو
عمر : أبوسراج
حسن : أبو على
حسين : أبو هلال
يوسف : أبو يعقوب
عبدالله : عبادي او ابو عابد
عبدالرحمن : الوجيه
عبد الرحيم : أبو رحمه
فيصل : أبو عبدالله
عبد العزيز : عزيز أو ابوسعود
فاطمة : فتو
مريم : منّة
ابراهيم : أبو خليل




كمان الحجازيين فيهم اخلاق و احترام مافي بعدها


لما يطلب منك سكينه ايش يقول ؟

يقولك الله يخليك اديني سكينة في قلب العدو

لما يقلك كنت ب أكل


يقلك كنت ب أتعشى مثلاً فضله خيرك

اشياء و تراجمها :


بيت الما: وهو ما يعرف حاليا (بدورة المياه) وقد سماه الجيل الصاعد المكاوي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما.

المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!

الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور.

القرندي: بفتح القاف والراء وتسكين النون وكسر الدال <<<مشوار ها؟
وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)
ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه.

الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه.
حيث تداعب أولادها بـ (تعال الله يفقدك)

توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف).

المغراف:هو نوع من أنواع الكاسات التوتوا ، في حين انه تمت إضافة معلومة من علماء الجن المذكورين سابقا
انه في مرة من المرات قامت أم تداعب ولدها لصغير (الشقي) اللي يلعب يالمغراف وقالتله الله يفقدك بس
وبعدين قالت خلاص يامغراف خده وفي لمح البصر اختفى الولد ، والمغراف هو نوع من أ نواع الجن
وكان بالصدفة متواجد في مكة هذا الجني ههههههههههههههههههههه ياحبه القلب



على طبطابي .. : يعني على مزاجي

مِرَسْتَكَه ..: يعني متأنتكه يعني مرة شياكة .. ومرتبّة يامرستك ههههههههههههه


وايق : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي ..


و لا أهبدك اللين أجدد ايمانك

تزل ... : يعني تمر

مرحبمبك ... : يعني مرحبا بك .. بس باختصار شوية

باطِرمَة ... : يعني جلسة ... كنب حاجة زي كده ...

كَرَاوِيتَه : ... حاجة خشب كده ... يحطوا عليها الباطرمة ....

مَدَريهه : ...... مراجيح ...

ندرت عينك من حُقّها ... : يعني خرجت عينك من محلها .... كده ::]

شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) .. ::]

قيّسْتَك : ... يعني حسّبتك .... توقعتك .... هقيتك

يعني مثلاً .. ( قيستك ياواد حتزل على عمتك فتّو ) ... وه ياستيته ..

اكيد تعرفو شمعنات ستيته
بُ
خْنُق ... : اللي يتلبس في الراس ويكون مخيّط على قده .... :SMIL:

مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟ :-@

دهليز : يعني سيب (... سيب وانا اسيب )..... يعني محل كده زي اللي يكون قدام ابواب العماير

من جوّه ...

زنبيل : ... يعني كيس ...

زلطة : .... سَلطة بعد التعديل ... |324|

يدعك : ... يعني يفرك ... يعني مثلا .. ( ايش بتسوي يابت :-@ ... بادعك الاسورة .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله ولا مشغله
... :-@ )

مجغجغ : مليان مويه




لعيونكم كمان محادثه مكاويه :



ماجد ابو صدقه / يواد يامعمر
عمر ابو سراج / هلا مجود
ماجد ابو صدقه / كيف الحال والتحوال
عمر ابو سراج / خليها على ربك ياشيخ
ماجد ابو صدقه / بلا في شكلك ... خاربها من بدري ... اشبك
عمر ابو سراج / لا بس البزوره جابولي القلق
ماجد ابو صدقه / صفقهم احسن لك
عمر ابو سراج / يابن الحلال الحرمه دي زي المرض قاعدتلي
ماجد ابو صدقه / من جد ... المهم رايح القهوة
عمر ابو سراج / قدام ... والله مره المنجا عندي يبغالها ترويق
ماجد ابو صدقه / هه مايبغالك الا باعشن
عمر ابو سراج / من جد ... سرينا
ماجد ابو صدقه / خلاص بعد نص ساعه امرك
عمر ابو سراج / هيا لا تتاخر ... تراها واصله معايا
ماجد ابو صدقه / بس تره مفلس
عمر ابو سراج / لا تشيل هم .. انا منقرش
ماجد ابو صدقه / الله عليك ياعمده .. او كي يالله القاك هناك
عمر ابو سراج / على خير

اتمنى الموضوع يعجبكم
واي واحد عندو اضافات أتمنى انو ما يبخل علينا والله يديكم العافيه


احيانا والله اعلم يقولو السمك عرّق!!!!!!!!!!!!!!!!!!!!!!!!!! !!!!!!!!!
يعني نزله عرق
ليه ياربي؟؟
وهذا يدل على سوء القلي





و في النهايه أقول أهل الحــــــــــــــــــــــــــجــــــــــــــــــاز عســـــــــــــــــــــــل

فديت اللي يمر على مواضيعي 000000000 تحياتي

يسلمو على هيك مواضيع

الهاشمية فينك هبت هبوب الحجاز في المنتدى

اهلين ابوعابد حياك الله اكيد الحجازيين والاشراف خاصه كلهم عسل يسلمو علمرورالرائع - فراشتنا مراحب يالغاليه ودياتك ياربي
احلى هبوب هبوب الحجاز العظيم فديت ترابه يسلمو علمرور الحلو فروشه _حكاية احساس يامرحبا وسهلا ياميه مرحبا فديت الضحكه ياعسوله انتي الحلوة بنت عمو يسلمو علمرور اللي نورنا يائمر - -عاد وصلنا لحبيبة البي الهاشميه القرشيه فديتك لاانا يمناوية ههههههههه وانشاء الله الجايات اكتر تامرين امر يا عين سهاد تحياتي اسعدتني طلتكم الحلوة وربي

يمطول مواضيعك <<<<<<

الله يعطيكي العافيه

طبعا لهجه جميله .. وجميع الجمل هي لغه عربيه اصيله

كانو يستخدموها اجدادنا من زمان هذا الي قرأته عنها

وبعد تطور العالم الي يسمونه تطور طلعت كلمات جديده تلوع بالكبد

وأحنا بدولة قطر لسه عندنا كلمات وجمل قديمه نوعا ما

الله يستر من الجيل الجاي


كل الشكر لكي بنت العم

دائما مميزه بأختيارك للمواضيع


بدر الهاشمي

حياك الله بدر الهاشمي يامرحبا وسهلا اي والله صحيح بس قتلك البارح راح اقصر انشاء الله حلوة الصراحه هههههههه وصحيح اغلبها لغه عربيه يعطيك العافيه علمرور الرائع والله الله علدوحة من دخلها ترد روحه انا اشهد مابغيت اطلع اصلن هههههههههههه- ياريت تكتبلنا عن بعض الكلمات القطرية تقبل تحياتي يابن العم واشيد باختيارك لصورة الجزيرة تحياتي سهاد الهاشمي

اختى هذه لهجات دخيلة على المجتمع مااظن ان لهجتنا خصوصا نحن الاشراف

نفس هذه اللهجة الا بعضهم الذين لهم احتكاك مباشر مع حضر مكة

طبعا كلنا نعرف ان اغلبهم ليسوا في الاصل من مكة

دمتي بود

ابن عجلان الشريف

اهلين ابن عجلان والله هدا كلمنا من زمان حتى سالت جدي عن كلمات طيلع يعرفها بس يمكن اصلها تقصد صحيح بعضها اصولها مصريه زي قروشه وكذا كلمة من هلكلمات تحياتي لشخصك الكريم ويسلمووو علمرور سهاد الهاشمي