الرجال هما كذا ما يتغيروا

**بسمة بني هاشم** · 04-12-2008, 08:45 PM

مــســاء / صــبــاح الـخـيــر للـجـمـيـع

أ / انتي ياهيه ..وين شماغي .. . ( والمشكله الشماغ جنبه الله لا يعمينا )

ب/ بروح اكشت مع اخوي .. ... (الله يلعن بليس أحد يكشت مع أخوه )

ت / تراني بتأخر اليوم .....( ماجبت شي جديد متعوده الحرمه )

ث/ ثواني وانا عند الباب ..اجهزي ( ولا يجي الا بعد ساعه وهي ملطوعه عند الباب..يامسكينه )

ج/ جاي تعبان من الدوام ماني فاضي لك.. ( كأنه مايشتغل الا هو وما يتعب إلا هو )

ح / حريم مايجون الا بالعين الحمراء ... ( جملتهم المفضله )

خ/ خذي اولادك وفارقوا عني .. صجيتوني ( كنهم اولادها لحالها )

د / دوري احد يوديك ويجيبك ..( وانت وش شغلك )

ذ/ ذيك الصيفيه مسافرين هالسنه مافيه.. (تلاقيها ماسافرت الا من 4 سنين)

ر/ راتبك مانزل ياعمري .. ( توه يجي الكلام السنع يوم نزل الراتب)

ز/زيدي العشى ترى اصحابي كثروا ..( والعشاء استوى وخلص وشلون تزيده )

س/ سيارتي فاضي بنزينها وماعندي . .عندك سلف ( سلف ومايرجعه؟؟كيف تصير هذي )

ش/ شيلي الاغراض شوفيها عند الباب ( ليش ماتشيلها انت )

ص/ صديقي بيسافر برى بروح معاه ( خايف عليه يضيع والا وشلون )

ض/ ضايق صدري ..ضايق صدري ..كل مادخل للبيت ( وهو عند اصحابه ضحكه واصل للبيت )

ط/ طالق . ..طالق ...طالق >>هذي ان خربت الاخلاق عاد هههههههههههه

ظ/ظالمتني ياقلبي والله ماغازلت >>> فضح نفسه خخخخخخ

غ/ غالي هذا ..دوري غيره ..( طيب جامل قول دوري احلى )

ف/ فلاااان تزوج على حرمته ثانيه ..( يلمح الرجال ؟؟)

ق/ قومي بلا دلع ..مافيك الا العافيه ( وهي مصخنه و ذايبه من التعب )

ك/ كل كلامه هواااااا اااااااش ماعنده تفاهم (اللي يشوف الله ماخلق رجال الا هو)

م/ معزوم في الإستراحه ( عزومه اللي كلها لعب بلوت )

ن/ ناااااادرا ماايشكرها على شي سوته (مسكينه وربي )

هـ / هيه ..انتي >طبعا هذا اسمها في الاماكن العامه (خوش اسم)
عاد اذا قال هي انتي كل الحريم تدور له وش هالفشيله ويا هالرجال هههههههههه المفروض يرقموها هي انتي واحد وهي انتي 2 و..... هههههههههههه

ل/ ليش ماتسمني شوي ..وان سمنت قال ..وليش ماتنحفي يادبه ( خير هي لعبه ان رعصت زرار سمنت والا نحفت )

ي/ يااااااجمال هالمذيعه ( ياخي استح على وجهك ,, اللي جنبك قوطي,,والا تعال شوف كيف هو شكله؟؟

مـــن جــد والله اغلبها صحيحه ..
ث/ ثواني وانا عند الباب ..اجهزي ( ولا يجي الا بعد ساعه وهي ملطوعه عند الباب..يامسكينه )
والله ثم والله هذي ميه بالميه اتحدى اذا واحد مايسويها مدري وش الفايده ؟؟
حتى السواويق تعلموها ..

ودمــتــم بــخــيــر ,,

**[ حكاية احساس ]** · 04-12-2008, 09:40 PM

جبتيهآ .. بالظبط هذول همـُ

لاتحسنت اخلاقهـ قام وداها هرفي

ولايهونون الباقيُ

عشان لانظلم احدُ

**YAS** · 04-12-2008, 10:02 PM

هههههههههههد

فعلاً هذا اللي حاصل

بس يلا مشوها للرجال هو لازم يكون كذا

/ انتي ياهيه ..وين شماغي .. . ( غلطان يوم اسألك)

ب/ بروح اكشت مع اخوي .. ... (أكشت مع الحرمه ساكته زي كاس الشاهي )

ت / تراني بتأخر اليوم .....( المفروض تخليها تنحرق وانت ماجيت )

ث/ ثواني وانا عند الباب ..اجهزي ( طبعاً لازم كذا والا هو اللي ياكل اللطعه في السياره )

ج/ جاي تعبان من الدوام ماني فاضي لك.. ( شبعانه نوم اختنا في الله واللي عندها عمل هيا تقول كذا)

ح / حريم مايجون الا بالعين الحمراء ... ( يقصد الحب باللون الاحمر )

خ/ خذي اولادك وفارقوا عني .. صجيتوني ( يلا حبايبي نوم نوم )

د / دوري احد يوديك ويجيبك ..( ذبحتونا ودي جيب اكره الكلمتين هذي )

ذ/ ذيك الصيفيه مسافرين هالسنه مافيه.. ( كفارات عشير )

ر/ راتبك مانزل ياعمري .. ( طبعاً تكافل اقتصادي ودهن سير)

ز/زيدي العشى ترى اصحابي كثروا ..( حتى انا ورطان )

س/ سيارتي فاضي بنزينها وماعندي . .عندك سلف ( مجبوره تدفعين والا مافي روحه لأهلك )

ش/ شيلي الاغراض شوفيها عند الباب ( طبعاً يقصد الشغاله مو انتي هههههه )

ص/ صديقي بيسافر برى بروح معاه ( فكه )

ض/ ضايق صدري ..ضايق صدري ..كل مادخل للبيت ( من الوناسه اللي لاقيها عندك )

ط/ طالق . ..طالق ...طالق >> (للتخويف فقط)

ظ/ظالمتني ياقلبي والله ماغازلت >>> (مايغازل الا اذا عنده فراغ عاطفي)

غ/ غالي هذا ..دوري غيره ..( المفروض تراعين الوضع الاقتصادي)

ف/ فلاااان تزوج على حرمته ثانيه ..( اذا شاف منك برود)

ق/ قومي بلا دلع ..مافيك الا العافيه ( ياحبكم للتميرض يالحريم )

ك/ كل كلامه هواااااا اااااااش ماعنده تفاهم (طبعاً مسوية شي غلط )

م/ معزوم في الإستراحه ( 24 ساعه عند جارتك وزميلاتك )

ن/ ناااااادرا ماايشكرها على شي سوته ( لا شكر على واجب )

مشكووووووووووووره بسمة بني هاشم موضوع فلللللللللللله

تحياتي

04-13-2008, 01:29 AM

ههههههههههههههه مشكورة يابسمة بصراحة اشد على ايدك على المشاركة الي تحكي معانتنا مع التماسيح تهي تهي

ح / حريم مايجون الا بالعين الحمراء ... ( يقصد الحب باللون الاحمر )
حلوة التصريفةيا YAS هههههههههههه

**""بنت الزهراء""** · 04-13-2008, 01:41 AM

ههههههههههههه الحياة حلوة بس نفهمها

بس اختلف معاك يابسمة في الأخيرة هم الا المواعيد لازم تكون مضبوطة

شكرا ع الموضوع الحلو

**الهاشمية القرشية** · 04-13-2008, 02:54 AM

ههههههههههههه

كله كلام سليم وأشوفه واقع على النساء عن يميني وشمالي وأمامي وخلفي

سترك يا رب

**الشريف العماري** · 04-13-2008, 05:56 AM

ارفع اعتراضي في هذا الموضوع

كل واحد يطالع في اصابيعه مثل بعض والا لا

المهم القليل من هالشاكله

اما البقيه لا لا اعتقد كذلك اطلاقاً

انما لاتنسو ان كان للشخص كل هالكلام فالمراءه وراها اشياء لو اعددها كان مانتهيت
ابرزها
اذا كانت تبي تروح عرس او اي مشوار
انتم ذكرتوا بأن الرجل يلطعها
معليش مايترك حرمته عند الباب الا رجل عديم الغيره ومايستحي بصراحه
وشلون اترك اهلي عند الباب ساعه
المهم تقوم البنت تتجهز لطلعه او لزواج او لأي مشوار
البلاغ سار الظهر بأن بعد المغرب الكل جاهز
متى المغادره تتوقعون يعني
ههههههههههههههههههههههههههه
طبعاً المغرب يجي والعشاء يجي والساعه 11 في الليل حضرتها تنتهي من نفسها
اسألكم بالله هذي ماهي في النساء
اتحدى واحد يقول لا

تحياتي

واشوف العنصريات تشتغل في المنتدى
الله يعين بس

04-13-2008, 10:30 AM

هذولا هم الحريم
ما يعجبهم العجب ولا الصيام في رجب
الحمدلله ان الاسلام حلل لنا اربعه لان حريمنا كارثه وازمة قلبيه وانتكاسه اقتصاديه
اجل بعد ما ستر عليها وتزوجها قامت تنكر وتتنكر وتكبر وتذم وتتذمر

من ضربك على يدك وقال لك تزوجي
لا تقولين لي ابوك غصبك عشان ياخذ شويه من المهر اللي هو واصل الحين حول 100 الف وال 150 الف

اخواني خلونا نستعرض الحريم من قبل الزواج الين الخطوبه الين العرس الين تصير خزان مويه لابس عبايه
ههههههههههههههههههههههههههههههههههههههه
فترة البنت عند اهلها
بابا بابا بروح حفله عيد ميلاد صديقتي وبعده حفلة تخرج
( يعني تلمح تبي فستان جديد عشان تصير انا البنت اللتي كشخه وهي توها قبل اسبوع رايحه زواج وماخذه فستان بشي وشويات وكوافير عل وعسى يجي عريس الغفله ياخذها قبل يفوتها قطار الزواج)
بابا بابا شفت جوال يجنن ..طبعا هي جوالها العنيد الازرق اللي اذا طاح من البلكونه وانت تكلم خويك تنزل تحت تلقى خويك يقول الوو وينك يا زلابه سافهني!!
( تبي تسوي البنت اللي اهلي مدلعيني وطلباتي محققه ونا البنت اللتي مدلعه وهي اصلا متشحتفه على البلوتوث والكاميرا عشان يصير نكها بالبلوتوث ..اسفه نيوتن انا الجاذبية !! )

فترة الخطوبــه اللي كلها نصب بنصب

انا احسن وحده تطبخ ولو تذوق شي من يدي تلحس صوابعك وراه..طبعا هي متاثره بالمسلسلات المصريه ليالي الحلميه والشهد والدموع
(واصلا هي اذا تطلب منها بيض عيون جابت لك الصحن والبياض مخلوط بالصفار كانه خريطه العالم الاسلامي ايام الاستعمار !!!)
راح اخليك تنسى البنات وما تشوف احد غيري وانت اصلا امك داعيت لك انك بتتزوجني
(وهي اصلا سحليه ركبها سودا وذابحها المشق وتستخدم شبه بدل الديودرنت وشعر ابطها من طوله تسويه جدايل واذا طفشو اخوانها الصغار سدحوها بالارض ولعبو بشعر اباطها شد الحبل !!)

فترة الزواج وشهر العسل
هنا تتفقش الحقائق ويبدا الاصطدام بالواقع المرير

الحين هذا اسميه شهر عسل اسبوعين في المغرب او تركيا ؟؟ طبعا مو عاجبها اختنا بالله
( على طول نست ان مهرها كان حول 100 الف ومصاريف عرسها وكذا اجمالي واصل 150 الف ودين وحاله...وهي اصلا لو ما اخذتها كان لقيت ابوها حاط لوحه على جدار البيت يقول فيها ...تزوج واحده واحصل على اختها مجانا وسارع فالكميه محدوده...هو يقول سارع الكميه محدوده لانه خايف ان البضاعه تخرب اذا وصل عمرها 35 ههههههههه )

بعد سنيتن جات الاخت تقول الشقه بايخه وابي اغيرها وبالمره نغير الاثاث اووف وش يقولون علينا الناس سنتين بنفس الاثاث

(طبعا هي غرفتها اول مثل العلية حقت سالي سالي قصة الانسان..والحين تبي تغير شقتها عشان شافت خويتها تزوجت وشقتها جديده وذبحتها الغيره... يا رب الطف بنا من بنات حوى)

ما ودي اكمل عشان ما يزعلون البنات علينا ولا هين انا ما وراي شي راح اكمل الين تنسحب عضويتي مثل ما سحبو الاسم اللي اخترته لنفسي
وعلى فكره يا شباب نصيحه اخ لكم لازم البنت تصارخ عليها وتقسى عليها شوي لانهم ما ينعطون وجه هاليومين
والقطووو ترى ما يحب الا خنااااااقه (مقوله تعبر عن علاقه الرجل بالمراه السعوديه)
صحيح سحالي اخر زمن
ريحتها بصل وطبخ وشوشتها طايره كانها اسبوع الشجره واذا جات بتكشخ في عام 2008 لبست جينز شارلستون بني وبودي اخضر وووع والبنات الحين جينزات لو ويست وحاطين تاتوو باخر الظهر وحركات واااااااااااو ومن زود الدفاشه الله المستعان تلقاها تتفل وتطق واذا جات تبي تسوي انثى رومنسيه وهيهات هيهات ان تكون انثى رومنسيه جاتك وقالت احبك يا مرووح واموت فيك يا حمار !!!

يا شباب لحد يتزوج من السعوووديه وقاطعوهم فتره يمكن شبح العنووسه يخليهم يهتمون بانفسهم اكثر ويصيرون اكثر واقعيه وعقلانيه ويبطلون حركات الشميسي عنهم
قاطعووهم هههههههههههههههههههههههههههههههه

انصحكم يا عيال نروح نجاهد في سبيل الله احسن بلا زواج بلا قهر وحرقه دم

معليش يا بسمه بني هاشم موضوعك طلع عليك وعلى البنات اكثر من بيع السوق

تقبلي مروري وتعليقي بصدر رحب ولكن مافيه نار بدون دخان

المواضيع المتشابهة
الموضوع	كاتب الموضوع	المنتدى	مشاركات	المشاركة الأخيرة
كيد النساء أم كيد الرجال ؟	عابر وطن	الحكواتي	8	02-06-2011 07:01 PM
الحجاب الشرعي وحجاب النفاق .	ريحانة الوادى	الإسلامي العام	1	07-05-2010 02:16 PM
90% من الرجال يحترمون المرأة الجريئة والقوية	ابنة الاسلام	لحياة اجتاعية أفضل	14	01-16-2010 06:24 PM
اتحداااااكم ماتضحكو ( راعي الديك وابنه)	فراشة الحجاز	ابتسم وامرح	2	12-08-2007 08:49 PM
قلوب النساء اقوى واطيب كثيرا من قلوب الرجال	ست الاشراف	لحياة اجتاعية أفضل	5	06-01-2007 01:01 AM

يشاهد الموضوع حالياً: 1 (0 عضو و 1 ضيف)

الإهداءات

تشغيل بواسطة Data Layer