حقائق الشعب السعودي

**فراشة الحجاز** · 04-10-2008, 04:51 PM

حقائق الشعب السعودي

للدكتور صعب بن محمد الزعيمر الشراري {عكاظ} 528

حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم اربع مرات . وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون .
حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .
حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .
حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .
حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .
حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .
حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .
حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .
حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.
حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .
رغم الحقيقة والألم ..
حنا السعوديين أحسن المسلمين والعرب.(هيّن بس ) .!!

ملاحظة : كل المعلومات الواردة في المقال صحيحه وعلى حسب الإحصائيات

**YAS** · 04-10-2008, 05:37 PM

ههههههههيييييييههههااااااااااااااااااااااااي

انا بترك الجنسية السعودية خلااااااااص

فضييييييييييييييحة خلونا ساكتيييييييييييييين

ياسلااااااام عالجنسية السودانية آي نعم نحنا مابنتكلم على بلدنا لكن بنحب السعودية

اختي الفاضلة بنت الحجاز لكي مني جزيل الشكر والاحترام والتقدير

صراحة فطست من الضحك الدكتور شكله مخه في تنسييييييييييييييييييم

تحياتي

04-10-2008, 05:57 PM

ههههههههههههههههه شوية ياYAS منسم اتوقع مرقوع بعد
مشكورة فراشة على المقال الرائع

04-11-2008, 06:17 AM

بارك الله فيك يا فراشه الحجاااااااااز وهذا الكلام اللي مفروض الناس تقووله
اولا الجنسيه السعوديه لا تعني لي اي معنى سوى حبر على ورق
وحنا اشرف من اننا نسمى سعوديين
ولا راح يكون لي الفحر بيوم اني سعودي
فخرنا الاسلااااااااااااام
وعزتنا الاسلااااااااااام
ولكن للاسف الناس تركت الدين للعادات والتقاليد تحت مسمى العروبه
وما كان عليه اباء البدو الاولون بحكم انهم اصحاب القرار بكل مكان حاليا
وهم اشد كفرا ونفاقا
يدعون السنه والاسلام ويوالون الكفار ويتخلون عن اخوانهم المسلمين
فاذا كان رب البيت بالدف قارعا فشيمة اهل البيت الرقص
بارك الله فيك
وكثر الله من امثالك يالحجازيه

**saqr al7ejaz** · 04-12-2008, 01:23 AM

حبيت اطلع بالزبدة من هذة المقالة ماقدرت
ماادري ايش يقصد اخونا المشكلة دكتور

بس مدري منين ماخذ هذة الشهادة

بس حسيت انه مهستر وجالس يخربط

لوووووووول

**فراشة الحجاز** · 04-12-2008, 07:23 AM

من جد تحسه مهستر بس قال اشياء صحيحة

وكل شعب له عيوبه ومميزاته

أحبك يا السعودية

واللي ما يحبك يطلع برا الدنيا كبيرة وبيلاقي مكان يضفه

غيييييييييييييييييييور وحااااااااااااااااااااااااااسد

المواضيع المتشابهة
الموضوع	كاتب الموضوع	المنتدى	مشاركات	المشاركة الأخيرة
وصلنا 2012 ولا زال الشعب السعودي	ابنة الاسلام	ابتسم وامرح	5	12-21-2011 02:06 PM
حقائق الشعب السعودي	سيدة من بين السادات	لحياة اجتاعية أفضل	4	10-01-2010 07:18 AM
ممنوعات الشعب السعودي	فاطمة الهاشمية	لحياة اجتاعية أفضل	2	09-15-2010 08:38 PM
الشعب السعودي من يهن يسهل عليه الهوان	الجريح	لحياة اجتاعية أفضل	3	01-15-2010 09:14 AM
وهم الحكم بالشريعة في خصوصية الشعب السعودي - جديرا بالقراءة	السيد ماجد	المنتدى العام المفتوح	2	09-08-2008 05:33 AM

يشاهد الموضوع حالياً: 1 (0 عضو و 1 ضيف)

الإهداءات

تشغيل بواسطة Data Layer