[poem font="Simplified Arabic,5,orange,normal,normal" bkcolor="transparent" bkimage="http://www.alhashemih.com/
vb/images/toolbox/backgrounds/21.gif" border="double,6,orange" type=2 line=0 align=center use=ex num="0,black"]
المايثبت حرام يصير موضوع
(المايثبت حرام يصير موضوع )ولتصدگ البواچي وصب الدموع
حرگنا ارواحنا بساعات الوداع وبعضنا من بخل مايشعل اشموع
لان گلبي غشيم وصدگ الناس مايدري بطبعهم سحگ الظلوع
نصحته سنين وسفه وابد مافاد وگلت له بيعهم لتكون مبيوع
لاتركض على اللي طاح لومات ومنهو المر عليك وچنت موجوع
ولك حتى الغريب الماتعرفه بعيد خذته الغيره من ونيت مسموع
ضم حزنك ببطنك بالك تبوح مابيهم شهم للحمل دافوع
ياخذ شور مرته من تشور عليه واذا فرت وجهه گال ممنوع
وسفه على الشوارب ترتجف خوف وزلم هذا الوكت متعرفه يا نوع
دور لك صديج تعرفه مثبوت مصلصل من خواله وعرجه مشلوع
اذا هدت الهده يكون موجود وگبل صيحة الحيهم يفزع افزوع
مثل الذيب يخطف ساعه ويروح ماتعرف غيابه ويمتى الطلوع
لو تلگه مثل هذا وتخاويه لو ظل بثنيتك لو متت جوع
لان الدنيا توزن چنها ميزان وخل وزنك ذهب والفضه مرجوع
وفك عينك عدل لاتغفى وتنام الناس ذياب بيها الغدر مطبوع
جرب كل صديق وشوفه بالضيج المايثبت حرام يصير موضوع
ابو حيدر الشريفي[/poem]
03-29-2008, 04:45 AM
المايثبت حرام يصير موضوع 
المواضيع المتشابهة 
ابوحيدر الشريفي 
العرض العادي
