نش[poem font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="1,black"]
تكي لرب السماء

ياعراق السكته طالت ليمتى گلي السكوت
تعودت عالموت كلش ماتهم باللي يموت
انت بحر وميتگيش وماتهمك الف حوت
وچان للطيبين حرثه صوب بيتك لليفوت
چانوا يصلون عندك بس الك يحلى القنوت
وچنت بيرغ للعشيره وهزتك تخورس الصوت
گوم ياعصاة موسى ليمتى گلي السكوت؟
0000000000000000000
من سكتتك طمعت الجيران بينه والعرب شدوا وزار
ونسوا كل افعالنا وياهم الزينه وضيعوا حرمة الجار
واحنا ملك الموت بس يحصد بهلنا ويشعل بربعتنا نار
ولافزع بيهم شريف وگال حيهم والعگل لبست العار
احنا ثبتنا عگلهم عالچفافي وچان خيرهم لزم باب المطار
ولو چلب مچلوب من بغداد ينبح صفگوله وگالوا اليوم انتصار
وهمه يدرون العراقي نار كبره لو عطس عطسه يحسبونه انفجار
00000000000000000000000000000000000
ليش سكتوا هسه من دارت علينه وننست ايامنه وطگ التفگ
وفرهدونه بلليله ظلمه بغير شوف وحللوا فرهود اهلنا بلايه حگ
احنا مشغولين بس ندفن باهلنا ومادرينه فلان بالچفه سحگ
لان غدر اذياب بيهم وبطبعهم واللحگ ينده النام ومالحگ
وننست حوبة فقير المات سكته ووگف گلبه ومن شهگ
وچم شهيد المات بديار الغريبه ودمه من جرحه دفگ
والحسافه الراح كلشئ بليلة ظلمة والخسر چفه صفگ
000000000000000000000000000000
وين ذيچ الجمعه والغيره عربيه ووگفة العز والاباء
من اجينه وگلنا جينه ابد ماردنا الجزاء
ردنا وگفتكم ويانه نصيح كلنا ويرتفع هذا النداء
وانتو تشوفون حالتنا التعيسه لاكو ماء لاكهرباء
وحللوا كتلة شعبنا بغير فتوى ولاكو رحمه بهالنساء
والحدود اتفتحت بسم الجهاد وهذا من اكبر بلاء
ضاگت الدنيا الوسيعه ونشتكي لرب السماء

ابو حيدر الشريفي [/poem]

ضـاگت الدنـيـا الوسيـعـه ونشتـكـي لــرب السـمـاء

لله الأمر من قبل ومن بعد
لله المشتكى والمفزع

ربنا ينصركم ويخفف عنكم وجميع المسلمين

صح لسانك يا مبدع

الله يفرج لأخوانا المسلمين

الله عليك يا عراق والله إني أحب العراق ولنا هناك أهل وحبايب

وا حسرتنا عليك يا عراق

الله كريم الله يأذن بالفرج عاجلاً غير آجلاً

صح لسانك

والشكوى لله

الله يحفظ اهل العراق ويفرج كربتهم عاجلا غير آجل