يمه مريولي توسخ (( خاطره محزنه ورائعه))


مساء الخير ..
هذه اول مشاركه ليا وان شاءلله تنال اعجابكم
هذه خاطره .. أبكتني بعدما قرأتها .. لطفله .. مآتت امها ..
أتمنى انكم تقرؤنها ماراح تندمون....
وربي تكسر الخاطر..
.
صورة ...
قطعـت قلبي ..
صورة ..إعتصر قلبي كل مابه من دم ..
حتى خفت أنه جف دم عروقي ...
صورة رأيتهـا ..
أحسست بأن من يقول انه في عذاب ..
يكـذب ... !!
صورة .. أحسست أن كل مافي غيرهـا ..
هـو النعيــم ..
صورة رأيتهـا ..
وليتني لـم أراهــــا .....
أخرجت مني خاطره ..
أختلطت مع دم القلب ..
ودمع العيون ..
حاولت أن اقلل من دمعي ..
خوفي أن يراني أحـد على هذه الحاله ...
وتمنيت أيضاً ..
أن ازيد أكثر وأكثر من ذرفهـــا ...
ترددت كثيراً ..
أن اضع هذه الصورة ...
حارت أفكاري ..
أودت أن اضعها .. صور وفقـط ..
من غير أي تعليق ...
فهي كانت أكبر من أي تعليق ...
كتبت أنا منها مـا اعتصره قلبي ..
كتبت منهـا .. بلسـان فتاه ..
_____________________
يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟
يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..
يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريلولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا
يــمــه
يالله خلاص لاتمزحي
يالله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...
يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..
أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..
,,,,,,,,,,,,
خاطره اوربي قطعت قلبي و اعجبتني
انقلها لكم لتعبرو عن شعوركم لمشهد الطفله الحزين,,,

منقووووووول

ياعمري خاطرة مبكية ولاحول ولاقوة الا بالله

اللهم احفظ لي والدي وبارك لهما وارحمها كما ربياني صغيرا

شكرا لك