أعتذر عن وضع صورة برنامج سخافة ومجون وإنحراف أخلاقي ويبث أفكار تغريبيه وتتجه إلى إنحطاط أتباعها وياكثر الي طاحوا في البرنامج وبعضهم وصل تفكيره يتابع أخبارهم وين مايروحون ماباقي يعرف وش نوعية فانيلته وكم مقاسها !

ولا يجي واحد مدرعم يسئل كم رقم المشارك بيصوت له يقولك معجب فيه وبستايله ياعيني على الستايل حاط سلسلة بالرقبه أو سواره على يديه تقل بنيه لا والسروال وأنت بكرامه شوي ويطلع لنا ملابسه الداخليه بس هو مسوي تمويه مطلع نصها والنص الآخر تتصوره بعقلك


ولا يهون يأخوان ويأخوات تجيك بنت طاقه سوالف وميانه وشوي وتقعد في شليل أحد الحثاله من حثالات البرنامج وهم يضحكون وفرحانين ويجي واحد مشاهد يقول ياحليلهم يحبون بعض , لابارك الله فيك ولا بذا الحب , مأدري كيف اهله راضين يطلعون عيالهم بالبرامج لهذي الدرجة وصلت الوقاحه والقذاره فيهم ؟!


أو هذا مايسمى بالفري ؟
الفري يعني تنسى أخلاقك وقبل هذا كله تنسى دينك وإنك مسلم وفي أمور واجب عليك تحافظ عليها , بس بيجي يوم يعرفون وش فائدة إنه يطلع بالبرنامج وحتى المتابع يشترك بالموضوع لأن سبب نجاح أو فشل أي برنامج هو المشاهد !!


ترى حنا الي نشوف البرنامج محاسبين على الي نشوفه
ياحليلنا ماندري العين واليد والأذن بتشهد علينا بيوم الله يعين عليه والله يسهله علينا قولوا آمين


طيب ماتجيكم حالة غبنه من البرنامج لما تشوفون أو وأنت تحرك القنوات وتشوف لقطه منه مايضيق صدرك ؟ ماتجي لك كتمه وقهر مايعلم به إلا الله ؟

او أنا مريض وفيني بلاء ؟!
يعني الواجد لما يخرب وتفسد أخلاقه يبقى فيه شوية كرامة وهذا البرنامج مافيه ذرة كرامة وإحترام للمشاهد العربي وقبل ذلك المسلم , يعني بالله عليكم حلقة اليوم وانا اغير بالريموت وقفت على لقطة من البرنامج وكانت عباره عن بلونات حمراء وديكور حمر في حمر والقصد واضح عيد الحب !!


قسم بالله استغربت هل لهذي الدرجة حنا مقلدين وأغبياء وماعندنا قناعة بالدين الأسلامي حقنا أو بعاداتنا وتقالدينيا الي ماتنافي العقيده الأسلامية , يأخي ليه هم يفتخرون بدينهم بعكس بعض المسلمين تحصله ينتقد دينه أو ينتقد من يمثل دينه والقصد واضح


الغرب حاربنا فكرياً وإنتصر بس ماودكم نراجع أنفسنا ونشوف حالنا ونقتنع حنا أفضل بس مجرد قناعة والعمل عليها والدين الأسلامي كامل وصالح لجميع الأوقات لأنه دين رباني وهو آخر الأديان يكفي الكتاب الوحيد السماوي الذي لايزال موجود بدون تحريف أو نقص والله متعهد علينا بحفظه , ولا يوجد شخص بالكوره الأرضية درست حياته وفصلت أكثر من تفصيل حياة سيدنا وحبيبنا وقدوتنا ورسولنا محمد صلى الله عليه وسلم , حتى وصل التفصيل بطريقة لبسه !


طيب خلاصة الموضوع أو زبدة الموضوع
وشرايك بهذا البرنامج السافل البعيد عن الأخلاق والقريب من المجون والدعاره والحقاره ؟!


وليه تتابع ؟ طيب تفكر تتركه ؟ طيب ممكن تقولي سبب الأقتناع فيه ؟
وإلى من تابعه وش أستفدت ؟ أكيد إنك متحسر وندمان أو حسيت إنك مو حقير وغبي بوقتها أو مالك هدف بالحياة ؟
هدفنا إرضاء الله ورسوله , وبالنسبة لي سويت الي علي أتوقع وأكيد الموضوع مو كامل وفيه أخطاء بس مثل مايقولون هذا الجود من الماجود وعلى الله التوفيق