10-24-2007, 12:30 AM
|
المشاركة رقم: 1 |
| المعلومات | | الكاتب: | | | اللقب: | عضو | | البيانات | | التسجيل: | Nov 2006 | | العضوية: | 464 | | المشاركات: | 238 [+] | | بمعدل : | 0.04 يوميا | | اخر زياره : | [+] | 
| معدل التقييم: | | | نقاط التقييم: | 10 | | الإتصالات | | الحالة: | | | وسائل الإتصال: | |
| المنتدى :
المنتدى العام المفتوح  مين يتزوجني ؟؟؟؟؟؟؟؟؟؟؟؟؟؟
إيه ... مين بيتزوجني وأنا شكلي كذا إستغفر الله...
يالله وجهي تقولون تميس يابس...والا شعري صدقت أمي يوم تقول كأنه صوف منفوش أكل عليه الزمان وشرب....بس خشمي حلو ليش أخوي وأبوي دايم يضحكون عليه...
ترن ترن ...
بسم الله مين داق علي هالوقت... رقم غريب..أرد وإلا لا؟؟..نرد وش ورانا...لا دراسة ولاهم يحزنون..
(ملاحظة البنت نجمة والولد نجمتين)
*ألو ...** ياحي هالصوت...* مين معي؟؟...**معاك خالد ممكن أتعرف؟...*شوف هاذي آخر مرة تتصل على هالرقم..(المكالمة نمبر ون)
يقول صوتي حلو معقولة؟!
ياربييي دق مرة ثانية..خلوني أشوف وش سالفته
*نعم..**هلا عمري..*عمرك؟؟ من متى؟ههههه...** ياحبي لك على هالضحكة عساها دوم...ألو .. وينك ياقمر؟..م*إنت وش تبي بالضبط؟(بصوت أقل حدة من المرة الأولى) الله يخليك لاتدق مرة ثانية..** الله يخليك أبي أشكي لك همومي صدري ضايق مرة عشان كذا دقيت عليك هالوقت...*حتى أنا والله كلي هموم ومشاكل** أفاااا ليش حياتي إشكي لي أنا صدري واسع لكل الناس..*ياكذاب..توك قايل لي صدرك ضايق كيف هالحين بيوسعني؟؟<<<مسوية فيها نبيهة..**ياقلبي من شاف هموم ا لناس هانت همومة*والحين إنت وش مدريك بهمومي؟؟شفت إنك تلعب علي...<<<خطيرة البنت تربية أبوها..**ياروحي مايحتاج تقولين...صوتك يقول لي إنك أكبر مهمومة بهالدنيا*والله تبي الصراحة أنا ماعرفت طعم السعادة..**ليش عيوني فضفضي لي..*تخيل تو أخوي رافسني على ظهري يقول قومي سوي لي شاهي إنتي وخشمك ذا...**هههههه<<<ماقدر يمسك الضحكة*تضحك؟؟؟؟**ياعمري ليش تفهميني غلط.....إنتي ماسمعتي بالمثل اللي يقول شر البلية مايضحك..تبين الصراحة إنتي في مصيبة عظيمة،إنتي عند ناس ماتقدر النعمة!...*....<<<<تبكي..**تبكين ياروحي الدنيا ماتستاهل..وبعدين مهما صار هذولا أهلك..لا أنا ولاغيري بننفعك؟...يالله حياتي أمسحي دموعك وروحي نامي ولاتخلين للشيطان طريق عليك<<<<وهل هناك فرق بينك وبين الشيطان يا مجرم...*ليه بتروح تنام؟<<<بصوت متحجرش بالبكاء...**أنام وأمي التعبانة مين يسهر معها .....يالله باي عمري ما أقدر أتأخر أكثر من كذا<<نذالة(إنتهت المكالمة نمبر تو)
&&&بعد يومين&&&...
ياربي هذا وش فيه ماأتصل علي أكيد ضايقته بكلامي صدق إني غبية شكلي أنا اللي بتصل عليه<<<أما من ناحية غبية ماكذبتي فيها
(المكالمة نمبر ثري)
*ألو<<بصوت خافت..**ألو مين معي؟*ماعرفتني ياخالد؟** أووووه...الا عرفتك حياتي بس والله إنشغلت<<<كذاب مابعد عرفها من كثر البنات اللي يكلمهم*تصدق يوم قلت إنك تسهر على راحة أمك كبرت في عيني وقلت ياليت كل الشباب مثلك<<الله يخلف على أمك اللي جابتك*....<<أوه هاذي الخبلة أم خشم**ألو..وش فيك ساكت؟*لا بس تعبان من الدوامات اللي أهلكتني تخيلي دوام بالليل ودوام بالنهار مع إن الخير واجد وأبوي مو مقصر علينا بشئ وباسطنا عالآخر بس يبي يعودنا عالشغل عشان نصير رجال<<<شف الكذاب تو أبوه طاردة من البيت عشانه كان يدخن والحين هو بسيارته نايم*ماشاءالله على عايلتكم<<وقسم إنك مخفة**ماعلينا المهم أنتي كيف اهلك معاك؟*هذولي مابيتغرون طول حياتهم..يجرحون فيني مع إني حليوة وطيبة قلب**الجمال جمال الروح حياتي..وبعدين البنت حلاتها بأنوثتها*الله ما أحلى كلامك**حياتي تصدقين شوقتيني أشوفك*وشو<<قوية ماشاء الله**لاتفهمين غلط ..إنتي شكلك حتى أهلك تفهمين هم غلط...يالله مع السلامة إنتي تشكين بكل الناس<<عصب الرجال*ألو ..ألو..الله يخليك لاتسكر(إنتهت المكالمة نمبر ثري)
&&&لي ثلاث أيام أتصل عليه مايرد شكلي بتزين وأصور نفسي بالجوال وأرسلها له...لا لا أخاف يهددني فيها وبعدين يذبحوني أخواني وأبوي...بس هو ابن حلال وماأتوقع يسوي هالحركة..أنا صدق شكاكة وأنا متأكدة حياتي بتبدأ معاه<<<كفو.. أثر فيهاكلامه ....
جاري إرسال الرسالة<<يامصيبتي&&&
بعد لحظات من إرسال الرسالة....
*هلا والله هلا بالجمال كله...وين الخشم اللي يقولون صدق ماعندهم ذوق**صدق والله*أجل أمزح ياعيوني باقي ربي يحاسبهم على جحدان النعمة وتقولين ماقال خالد<<والله ماكأنها إلاشغالة جيرانا السيرلانكية<<ماشاء الله يعرف شغالة جيرانهم...*الله يخليك ياعمري**طيب وش رايك نتقابل*لا يرحم والديك** طيب والصورة اللي معي يابعدي*وش فيها الصورة؟**شكلها بتوصل لأبوك إذا ماتركتي الإستهبال ياأم خشم*أم خشم؟؟**أقول حددي لك مكان نتقابل فيه وعن الاستهبال$$$$$$$(إنتهت المكالمة نمبر فور)
(الطلعة نمبر ون)
؟!
(الطلعة نمبر تن)
؟!
وضاعت البنت<<<ضاعت أم خشم
((كتبت هذه القصة لتوضح الواقع اللذي نعيشه اليوم وليس تبريرا للبنات بأن مايفعلنة هو نتاج قسوة أهاليهن فكل إنسان أنعم الله عليه بعقل ليميز به))
أقول لكل أب وكل أخ وكل شاب
:::
:::
:::
:::
: :: :: ::::::::::::::::::
رفقابالقوارير
منقووووووووووووووووول
| توقيع : هاشميه | | غيرت مرقدي يوما ففارقني السكون فبربك اول ليلة في القبر كيف تكون.........؟؟ | |
|  |
هاشميه 
العرض الشجري
