أخواني الكرام أخواتي الكريمات

لا يخفف الاحزان سوى الفزع الى الله ولا تسلو نفس من تاه في صحراء السنين العجاف الا بذكر من يحب واولهم الوالدة الحنونه
هذه الابيات كتبت في( الشريفه نوره كتبها خادمها نوفل) حفظها الله ووالديكم

[poem font="Tahoma,5,,bold,italic" bkcolor="transparent" bkimage="" border="groove,4,orangered" type=2 line=1 align=center use=sp num="0,black"]
أركب الصبر في صحراء ألسنين ألعجاف =حسبي ألله هو حسبي ونعم ألوكيل
كم عذلت ألفواءد وكل ماشاف عاف =كم عدلته ومال ولا زرعته يحيل
دام عيني تشوف ألنور مابي خلاف = نوره الي هواها في غصوني يميل
عمري الي فداياها ألضلوع النحاف = عندها قلب نوفل هي غّسّلّته غسيل
حب نوره تمكن بالعروق الصخاف = عند رجلينها جنه وظلً ظليل
كل ما قيل نوره قلبي الي يّحَاف = وكل ما كتب نوره عيني الي تسيل
الحّصَان الرزان الطاهره والعفاف = بالعلوم الكريمه باع نوره طويل
تنثر الخير بكفوفي ومنها اللحاف = وعن سموم الصحاري عند نوره مقيل
الفواءد الحنون الي علي كم يخاف= كم نهارً قضى رحمه وليلً ثقيل
بنت من يذبح الحايل بوقت الجفاف= وأخت من يطعم المحروم وابن السبيل
سابعً قلب عدوانه وسيع المظاف = البداح العدول وكل طبع نبيل
في ضحى الحرب منهم للنواصي قطاف = وبالمحاريب جنح الليل نوح وعويل
اهل قولة هلا واهل القلوب النظاف = ما بهم درق غدر مزبنين الدخيل
اهل (نوره سمى قلبي وهي له غلاف) = أمي الي ليا ضاقت لعيني دليل
امي الي بروق الخير فيها تشاف = وكل ما أستسقي الرحمة فهي لي مخيل
كم نهارً وانا بالكتف طال الوقاف= وكم صباحً وانا نايم تخيطه بليل
غاليه عاليه مثل الجبل ماتناف = أعظم الناس في عيني بعظمً نحيل
يالله اني طلبتك عد من جاء المطاف = أحفظ امي وعطها كل خيرً جزيل [/poem]


وسلامتكم
نوفل بن عبدالله بن محمد بن نوفل الرياض 19/4/1428هـ