قصيدة منقولة
ايامـنـا والليـالـى كــم نعاتبـهـاشبنا وشابت وعفنا بعـض الاحوالـي


تاعـد مواعيـد والجاهـل مكذبـهـاواللى عرف حدها من همهـاا سالـي


اذا اقبلـت يـوم ماتصفـى مشاربهـاتقفي وتقبـل ومادامـت علـى حالـي



فـي كـل يـوم توريـنـا عجايبـهـاواليوم الاول تراه احسن مـن التالـي



ايـام فـي غلبـهـا ويــام نغلبـهـاوايـام فيهـا سـوا الدهـر ميـالـي



جربت الايـام ومثلـى مـن يجربهـاتجريب عاقـل وذاق المـر والحالـي



نضحك مع النـاس والدنيـا نلاعبهـانمشي مع الفي طوع حيث مـا مالـي



كـم مـن علـوم وكـم اداب نكسبهـاوالشعـر مـازون مثقـال بمثقـالـي



اعرف حروف الهجا بالرمز واكتبهـاعاقل ومجنون حاوى كـل الاشكالـي



لكـن حظـى ردى والـروح متعبهـامافادنى حسـن تاديبـي مـع امثالـي



ان جيت ابي حاجـه عـزت مطالبهـاالعفو ماواحد فـي النـاس يـا والـي



قـوم الـى جيتهـم زفـت شوربهـابالضحك وقلوبها فيهـا الـردا كالـي



وقوم الـى جيتهـم صكـت حوجبهـاوابدت لي البغض في مقفاي واقبالـي



ماكنـى الا مسـوي حـال مغضبهـاوالكل فـي عشرتـه ماكـر ودجالـي



ياحيف تخفي امـورآ كنـت حاسبهـاواللي على بالهـم كلـه علـى بالـي



الجـار جافـي وكـم قـوم محاربهـاوالاهل واصحابنـا والـدون والعالـي



الـروح وش عذرهـا تـرك واجبهـاراح الحسب والنسب في جمع الاموالي



نفسي تبي العز والحاجـات تغصبهـاترمـى بهـا بيـن اجاويـد وانذالـي



المـال يحـي رجـال لا حيـاة ابهـاكالسيل يحي الهشيـم الدمـدم البالـي



عفت المنازل وروحـى يـوم اجنبهـامنهـا غنيمـه وعنهـا البعـد اولالـي



لا خير في ديرت يشقى العزيـز ابهـايمشي مع الناس فـي هـم واذلا لـي



دار بهـا الـخـوف دومٍ مايغايبـهـاوالجوع فيها ومعها بعـض الاحوالـي



جوعـى سرحينهـا شبعـى ثعالبـهـاالكلـب والهـر يقـدم كـل ريبالـي



عز الفتى راس مالـه مـن مكاسبهـايامرتضى الهـون لا عـز ولا مالـي



ذللت الروح ليـن ارخصـت جانبهـاوانا عتيبـي عريـب الجـد والخالـي



قومٍ تدروس الافاعـى مـع عقاربهـاولهـا عزايـم تهـد الشامـخ العالـي



خـل المنـازل وقـل للبيـن يندبـهـايبكـي عليهـا بدمـع العيـن هطالـي



لا تعمـر البيـت والقـالات تخربهـابيع الردى بالخساره واشتـرى الغالـي



دار بــدار وجـيـران نقـاربـهـاوارضٍ بـارض واطـلال ٍ باطلالـي



الناس اجانيـب ليـن انـك تصاحبهـاتكـون منهـم كمـا قالـوا بالامثالـي



الارض لله نمشـي فــي مناكبـهـاوالله قــدر لـنـا ارزاق واجـالـي



حـث المطايـا شرقـهـا وغربـهـاواقطع بهـا كـل فـجٍ دارسٍ خالـي



واطعن نحـور الفيافـي فـي ترايبهـاوابعد عن الهم تمسـي خالـي البالـي



مـن كـل عمليـه تقطـع براكبـهـافدافـد البـيـد درهــامٍ وزرفـالـي



تبعـدك عـن دارٍ قـوم وادرٍ تقربهـاواختـر لنفسـك للمنـزال منـزالـي



لو مـت فـي ديـره قفـرا جوانبهـافيها الوطى السبـاع الغبـس مدهالـي



اخير مـن ديـره يجفـااك صاحبهـاكـم ذا الجفـا والتجافـي والتعلالـي



دوس الخاطـر ولا تخشـى عواقبهـاالموت واحـد وبعـد العـز يجلالـي



ان المنـايـا اذا مــدت مخالـبـهـاتدركك لو كنت في جو السما العالـي



ماقرت الاسود فـي عالـي مراقبهـاتسعى على الرزق ماخلـت للاشبالـي



والشمس في برجها والغيـم يحجبهـاتقفى وتقبل لها فـي الفلـك مجدالـي



رب السمـاوات يامحصـي كوكبـهـايامجري السفن في لجـات الاهوالـي



ضاقت بنا الارض واشتبـت شبايبهـاوالغيث محنوس يامعبـود يـا والـي



يالله مـن مـزنـه هـبـت هبايبـهـارعادها بات له فـي البحـر زلزالـي



تسقى ديـارآ شديـد الوقـت حاربهـاما عاد فيها لبعـض النـاس منزالـي



ياجاهـل اسمـع تماثـيـل ٍ مرتبـهـافيها معانـى جميـع القيـل والقالـي



مثـل الدنانيـر زادت فـي قوالبـهـافي صرفها زايده عن قـرش وريالـي



يـارب توبـه وروحـى لا تعذبـهـايـوم القيامـه اذا ماضاقـت اعمالـي



وازكى صلاةٍ على المختـار نوهبهـاشفيعنـا يـوم حشـرٍ فيـه الاهوالـي