أي نوع من الأطفال كنت ؟؟؟




يختلف الأطفال في سلوكهم وتصرفاتهم ونفسيتهم ..
لذلك .. هناك نماذج مختلفة من الأطفال كنا في يوم من الأيام مثلهم ..




الطفل البريء

في المنزل تجده حبوب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الإصابات في وجهه .. لأنه ما يدافع عن نفسه ..

الطفل العنيد

يطبق نظام البيت بالعكس .. يسوي اللي براسه ..
مايخاف من الأب أو الأم .. لو قلت له هذا خطر لا تقربه .. عناد فيك يسويه ..
يُــضرب كثيراً في طفولته .. ومع ذلك عنيد ما يغير رايه ..

الطفل الحنّـون

يستخدم وسيلة الحنة لتلبية رغباته
له نغمه خاصة في المنزل ..
تلبى رغباته كـُرهاً .. يعانون أهله من الصداع المستمر ..

الطفل المادي

هذا الطفل ما يرد السلام إلا ( بفلوس ) ..
تعامله مع أهل المنزل .. مادي بحت ..
يستخدمونه لتوصيل طلبات المنزل .. ونقل السوالف.. وكل شي بحسابه .. هه

الطفل الفتّــان

تجد عند هذا النوع جميع أخبار المنزل ..
يجد المتعة في إذلال غيره بالفتنة عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى أخبارك ثاني يوم في الصفحة الرئيسية .. في الجريدة الرسمية .. ههههه

الطفل الدلوع

هذا دلوع ماما وبابا .. يكرهونه باقي الأطفال لأنه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..

الطفل العله

يزعجك بأسئلته إلي ما تنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
وأكثر الأوقات ما تلقى اجابه لأسئلته .. لأنك في الحقيقة تجهلها .. ههههه

الطفل المتشرد

هذا الطفل مستحيل يجلس في المنزل ..
يعيش في الشارع أكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..

الطفل الصريح

يستانسون أهله على سوالفه .. فصيح جداً ..
ويلقط العبارات والمفردات بسرعة مذهله ..
يسبب احراج دائم لأهله .. من الممكن أن يقول كلمة بالغلط للضيوف أو الأقارب ..
يتميز أحيانا بقلة الذوق والوقاحة إذا انفعل ..
لا ينصح باستفزازه أبدا ..

الطفل اللزقه

تلقاه مسنتر عند باب البيت .. محد يطلع إلا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يـُـضرب كثيراً .. وخاصة من إخوانه اللي اكبر منه .. او خواته ..
لأنه عبارة عن رادار على طلعاتهم ..
أحيانا يضطرون يطلعون من نافذة المنزل للهروب منه ..
ولكن للأسف يجدونه بانتظارهم في السيارة ..ويسألهم ليش تأخرتوا عليّ .. هههههه حقارة

الطفل الهادي

هذا الطفل ماله صوت ابد .. وين ما تحطه تلقاه ..ههه
أحيانا يهملونه أهله .. لأنهم ناسينه ..
وأحيانا يلقى اهتمام زائد من أهله ..
لو يموت من الجوع ما تكلم ..
في كثير من الأحيان تلقى أهله ناسينه بالسوق أو عند الأقارب أثناء الزيارات .. هه

الطفل القوي:

أهله دائماً في إحراج و مشاكل مع الناس ..
هرمون الأجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع .. ههه
يمثل القائد والفتوه .. يهابونه الأطفال ..
يتقرب منه الكبار ويتوددون له حفاظاً على سلامة أطفالهم ..



يا ترى انتوا من أي نوع إذا تذكرون؟؟

كنت


كنت


كنت

إقتباس:

المشاركة الأصلية كتبت بواسطة ام سلمه الهاشمي أي نوع من الأطفال كنت ؟؟؟ الطفل اللزقه تلقاه مسنتر عند باب البيت .. محد يطلع إلا وهو لازق معاه .. حتى الضيوف من الممكن تلقاه يلزق فيهم ويطلع معاهم .. يـُـضرب كثيراً .. وخاصة من إخوانه اللي اكبر منه .. او خواته .. لأنه عبارة عن رادار على طلعاتهم .. أحيانا يضطرون يطلعون من نافذة المنزل للهروب منه .. ولكن للأسف يجدونه بانتظارهم في السيارة ..ويسألهم ليش تأخرتوا عليّ .. هههههه حقارة

انا بصراحة طفولتي مشكله من بين هالاطفال
يعني من كل طفل تلقين فيني صفة