عراقي وهندي وياباني، الهندي قال: حفرنا على عمق 100 متر تحت سطح الارض واكتشفنا بقايا اسلاك تلفون، هذا دليل على ان اجدادنا كانوا يستخدمون التلفون قبل عدة قرون!
الياباني قال: احنا هم حفرنا، بس على عمق 200 متر تحت سطح الارض واكتشفنا بقايا اسلاك تلفون، هذا دليل على ان اجدادنا كانوا يستخدمون التلفونات قبل الهنود!
العراقي قال: احنا هم حفرنا على عمق 300 متر تحت سطح الارض، وما شفنا شي، لا اسلاك تلفون ولا بطيخ!.. هذا دليل على ان اجدادنا منذ عدة قرون كانوا يستخدمون الموبايل!!!!

************************************************** ***********************************

ياباني وامريكي وعراقي كاعدين سويه.. الياباني شال ايده وكام يحجي ويه الساعه، صفنوا بيه شافو ان الساعة مالته اساسا هي ساعة وهي جهاز موبايل بنفس الوقت!
الامريكي راد يفيك، كام يحجي ويه نفسه.. باوعو بيه زين شافو ان احد سنونه هو موبايل وديحجي بيه!
العراقي استحى، كال والله لا اخربط احوالهم. شال نفسه وركعها بالكاع ركعة، خرعهم. كالوله: يمعود هاي شبيك مو فززتنا.. كاللهم : لا ماكو شي.. بس استلمت ماسج!!!

************************************************** ***********************************

هاي يكلك بوش سأل مدير الاستخبارات مالته كلله: لك اكلك، اشو هذوله العراقيين يدرون بخططنا قبل ما ننفذها. شني السالفه بويه؟؟.. فمدير الاستخبارات كاله لبوش: سيد بوش، هاي بسبب عملية (( شكو ماكو )) اللي يستخدمها العراقيين هوايه. فبوش كاله: زين لعد ، راح اجربها. فبوش طول لحيته ولبس عكال وغطرة ودشداشة، ونزل للشورجه يتمشى، فشاف حجي كاعد بالجمبر مالته. فكلله بوش للحجي: الله يساعدهم حجي. الحجي كال: هلا بويه هلا. بوش سأل: اي حجي.... شكو ماكو؟؟؟؟. الحجي كاله لبوش: والله بويه ماكو شي، بس يكولون بوش ديفتر بالشورجه!!!!!.

************************************************** ***********************************

عصبي كتب بطاقة دعوة لعرسه:
اللي يجي، لايمصخها.... واللي يتأخر، يطبه مرض، ترى ما راح يتزقنب عشا.... واللي ما يجي طز بيه، بس مو صوجه، صوج اللي عزمه.... دنعل ابوكم لأبو العزمكم يا قشامر!!!.

************************************************** ***********************************

حبيبه كالت لحبيبها : كولي كلمة تشعرني بيها بالدفء.. كالها: قمصلة!!!

************************************************** ***********************************

فد مرية عجوز خيروها بين الروحه لمكة لو الزواج، كالت: يعني مكة ما طايرة!!!.

************************************************** ***********************************

واحد ديعزي ناس: شلون مات المرحوم؟؟... كالوله: بحادث سيارة... كاللهم: شنو...اثول؟؟ ما يشوف؟؟ طيح الله حظهَََ!!!.

************************************************** ***********************************

هو نفسه ديعزي بفاتحة لخ، سال اهل المتوفي: شلون مات المرحوم.. كاللوله: طلقه تايهه جتي براسه... كاللهم: الله ستر ما جت بعينه!!!.