[poem font="Andalus,7,darkblue,normal,normal" bkcolor="transparent" bkimage="" border="inset,5,orange" type=2 line=1 align=center use=ex num="0,black"]
خوية درب عمري ما خذاني دونه النسيان
وانا يا اهل الملامه ما رغبت العيش وحداني
ابي لي مهرهٍ ماعسفت صغيره وبنت حصان
ابوها اللي يفك المشكله ويزبن الجاني
واخوها لا تعزوا باسمها فزوله العربان
يحق لها الفخر في قوله آآل فلان جداني
ابيها في بحر عشرين لا زود ولا نقصان
ابيها اقصر طويله والوصوف اشكال الواني
ابي الجبهه كما الصبح وكما القوس اسود الحجان
وابيها ناعسات ونرجسيه سود الاعياني
ابي رمش كما ريشٍ يغطي الثلج ف الاوجان
وابي جفن يشيل الرمش طربانٍ وكسلاني
ابي خدٍ كما وردٍ تنما في طرف بستان
وابي خشمٍ صغير مثل حد السيف شاماني
ابي البسمه كما البرق وثناياها كما المرجان
وشفاها جمرتين وفمها خاتم سليماني
ابي شعرٍ مثل ذيل الفرس لا طبت الميدان
او الشلال لامن بات ليله بين الامتاني
ابي جيدٍ سوات ابريق فضه ناتقٍ مليان
وصدرٍ كنه مرايه عليها طلع رماني
ابي ظهر كما جدول وقدٍ مثل غصن البان
وخصرٍ مثل مجدول العنان وجسم روياني
ابيها نابيه ردفٍ وبطن ضامرٍ جوعان
ابيها مدمجتٍ ساق وقدمها السان ثعباني
ابيها بنت عزٍ من رغدها ينعم الفستان
ابي الرقه وابي الدقه لها باطرافها شاني
ابي المشيه كما اَللي طالع من المعركه كسبان
وابيها ترش مع خطواتها مسكٍ وريحاني
ابي صوتٍ الامني سمعته كن فيه الحان
يدغدغ مسمعي ويثير كل السحر ف اشجاني
ابيها حب واخلاص وهواجيس وفرح واحزان
ابيها مثل ما دكتور اهالي العشق وصاني
ابيها لوحه ما صورتها ريشه الفنان
ابيها جوهره ما جابها قاصي ولا داني
ابيها تنتصر لي من زمانٍ حطني نيشان
وتبشر بالغلا اللي ما لفابه واحدٍ ثاني
مهرها قلب وشعر يهز القلب والوجدان
والبسها القصيد وتصبح اوزاني وقيفاني
ابي اللي فات واللي فات صعب ومن لقا العنوان
يرد العلم ولا افضل ابقى اعيش وحداني [/poem]




لناصر القحطاني

صح لساانك

نقل رااائع لشااعر مبدع ومتمكن

نااصر القحطااني شااعر محبوب

الله يعطيك العافية على امتااعنا معك في هذه القصيدة الجيلة

مشكوور

ننتظر كل جديد منك

صح لسانك ولسانه
وسلمت يمينك نقل مبارك
أخاف تكون تكتب باليسار ههههه (سلمت يسارك)
وإلا أقول
سلمت يداااااااااااااااااك

أخي الكريم ولسيد الشريف

أشكرك على مرورك وأسعدني تعليقك

وياعسى الزمن يطيعك

تقبل ودي

أختنا الفاضله بسمة بني هاشم

أشكركِ على المرور والتعليق

وتسلمين يا أختاه الله يعطكِ العافيه