12-20-2006, 09:45 AM
|
المشاركة رقم: 1 |
| المعلومات | | الكاتب: | | | اللقب: | عضو | | البيانات | | التسجيل: | Sep 2006 | | العضوية: | 365 | | المشاركات: | 177 [+] | | بمعدل : | 0.03 يوميا | | اخر زياره : | [+] | 
| معدل التقييم: | | | نقاط التقييم: | 10 | | الإتصالات | | الحالة: | | | وسائل الإتصال: | |
| المنتدى :
الكلمة الموزونة  ذبوني
ذبوني
ذبوني بهيمه ودنيا ظلمه وثوب اللي علي مشگوگ نصين
ضر بيه العطش والبرد چتال وبس ذياب تفتر علي صوبين
صحت بصوت وين الچانوا وياي رجع بس الصدى ويگول ماشين
اباوع عالنجوم انشد على سهيل يجاوبني يگلي روحتك وين
گتله العطش ضرني وگطع چلاي وعلي بردت الدنيا وانا بالطين
گال الموت راحه وموت مرتاح لان ماكو نفل ويمد اليدين
كلها تنكرت من الحمل طاح وصارت خبزتك عالناس بالدين
يعيرونك اذا جابولك لحاف وماعندك مره تغطي الرجلين
ولاعندك ولد بي مرجله وزود ولا بت الاجت تنشد على الزين
اسكت لاتسولف بعد ميفيد طلعت منهم غريب بخزرة العين
بعد شتريد مو سوولك الچاي؟ والدشداشه مو غسلوها مرتين
اذا انت غريب شتطلب الناس؟اسكت لاتسولف عالسلاطين
ماعندك اخو بالعرب نغار لان الخوة دارت للنساوين
كلها تگوم تركص لبو الدولار والخير مچانه على الحياطين
والجيبه انترس لو ضرط ضراط كلها تگول عنه كفو ونعمين
لان دنياك غمه تريد بدذات ولا فد يوم خاوت ناس طيبين
گتلك من زمان انتبه للناس ولتغرك الدنيا وطول السنين
عاشرلك صديج تعرفه وفاي يوگف لك بيوم يطگك البين
ماخذت النصيحه وگلت مو هيچ حيل وياك صدگت الملاعين
ماتنفع بعد عضات البهام فات الفوت ميفيد المجفين
تدور الدنيا والايام دولاب لون تدوم چادامت للحسين
وتذكرون الحچي واللي جرى وصار ويمر بيكم وكت كلش وكت شين
وتبچون ابواچي مالها حدود وبعد شيفيد لو تبچون سنتين
غرتكم الدنيا ورحتوا بعيد ونسيتوا الچان الكم غرف چفين
بعد شتريد اسولف كافي الصار وماترتاح اذا شفت النياشين
وحگ الگالت اگلط ياهلا بيك ثواب نريد بيك لوگفة الدين
مع تحيات عمكم ابو حيدر الشريفي
الاربعاء 20/12/2006 ]
|
|  |
ابوحيدر الشريفي 
العرض العادي
