:d أنوآع بنآت الرٍيآض لاآيفوتكم..

--------------------------------------------------------------------------------

^
^
^
^
^

صـبآآآآح الخـــــير يآحــلوين

واللي يـقرى الـموضوع في الليل مسآآْء الخيــــــر


تــعآآلو نشــــوف أنــوآع البنآت في الرياض هههههههههه




* المواصفات و المعلومات العامه :

[ الياي ] :
- ماتتغطى على بالها محد يهمها (لكن ان كانت توها صاحيه من النوم اى هين تكشف انواع الخشوم والعيون المنفخه)

- وعباية عليها كل نقشات العالم + بوت مشي

- المشيه تنقز تنقز بزعمها جاقنق

- ومن رواد شارع العليا العام والتحليه والدبلوماسي

- ومطاعم السيزون والريف اللبنانى والايطالى وقلوب والكوارتو
ثانيا :
* اللى هى قرويه بس مسوى فيها موقرويه :

- تتلثم .. وعباية مخصر .. والعيون ترسمها 3 ساعات + تنس شوز

- المشيه حبه حبه بزعمها ناعمه مره

- من رواد المملكه والفيصليه والسيفوى وصحارى سنتر

- والمطعم البرازيلي ( الترازو ) و ستاربكس و دابينو والصينى

*ثالثا:
[ القرويه ] :

- برقع +نقاب ابو غطى .. عباية لف ضيقه + جزمه حمرا عاليه

- المشيه فيها هزه تروح يمين ويسار (كنها راكبه جمل) .. ماعندها توافق عقلى عصبي فمشيتها

- من رواد اليورمارشيه والجزيره والموسى وبي لس والاندلس والعروبه بلازا

- والمطاعم ..مكدونالدز وهرفي و كودو ويامال الشام

*الاهتمامات :

[ الياي ] :

- فلانه خطبها امير ؟!!

- تمارين رشاقه ودايت قبل الصيف

- ودى اتحجب السنه ( يعني ترا آخذ راحتي برا )

- متى ابطل تشوكليت

*اللى هى قرويه بس مسوى فيها موقرويه :

- فلانه طلقها زوجها

- ابي اروح السوق عندى مقاضي

- مسلسلات مصريه ومدبلجه

- تكلم 24 ساعه

[ القرويه ] :

- تروح زواجات

- تروح الخياط

- تحط حنا فشعرها ( وععع )

- تطبخ

* اول مايتعرف عليها واحد .. نوعية المواضيع اللى تحكى فيها معك :
[ الياي ] :

- عن وين سافرت اجازة الحج ..
- عن انها تبي تاخذ تان وتغير ستايلها ..
- عن ابوها وشركاته

* اللى هى قرويه بس مسوى فيها موقرويه :

- عن الشباب ومضايقاتهم ..
- عن انها دايم تغير موبايلها ..
- عن خطابها وكثرتهم

[ القرويه ] :

- عن طلاق اختها ..
- عن ابها وجوها ..
- عن اخوها انه مايوديها للزواجات

* لين جيت بتديتها :
[ الياى ] :

- تواعدك فالكواترو فى الفورسيزن .. والا تجيك بسيارتها ( والسواق وده يلعن خييرك )

* اللى هى قرويه بس مسوى فيها موقرويه :
- تواعدك فى الفيصليه ( ومعها كل خواتها ) .. والا تروح تاخذها من بيت صديقتها فى الروضه

[القرويه] :
تواعدك فى شاليهات الديره ( الثمامه ) ... والا تروح تاخذها من عرس( انواع الروائح بعد الرقص )

*لين بغت تتفشخر عليك :
[الياي] :

- تقول تصدق انو بابا يبي يغير البي ام حقى يقول خلاص له سنتين معك بس انا ماابي حبيت سيارتى خلاص احسها جزء منى ( بزعمها مايهمها )...
- والا تقول ههههاى الكردد حقى مافيه الا عشرين ريال انا مفلسه ( بزعمها واثقه من نفسها ) ..
- والا تقول ماما خيرتنى بين ساعه الماس والا تسفرنى ويك اند بيروت وش رايك ؟

* اللى هى قرويه بس مسوى فيها موقرويه :

- تقول شركة الاتصالات حراميه بزود تونى مسدده فاتورة جوالى 5 آلاف...
- والا تقول هالسنه محتارين نسافر القاهره و دبي والا نروح ماليزيا و تركيا ..
- والا تقول كل اسبوع لازم نروح الاستراحه ..
- والا تقول انامليت وانااعزم صديقاتى فى الفيصليه ابي اغير وين اعزمهم ؟
[القرويه] :
- تقول والله تونى شارية جوال ابوكاميره ( بزعمها قوه لوول ) ..
- والا تقول ابوى بيودينا لابها والشرقيه وحنا نبي سوريا ..
- والا تقول ياخى سواقنا ذا الاندلوسي وش زين سواقته ( بزعمها ماتطلع مع اخوها )

*لين قلتلها عرفى بشخصيتك او ميولك :
[الياى] :
انا انسانه ابحث عن كيانى .. اكره القيود .. محد له سلطه على الا عقلى .. اسمع فيروز و كاترين برادا وكلاسك ميوزك .. احب الرجل يكون شكله شرقى لكن له مايند غربي
* اللى هى قرويه بس مسوى فيها موقرويه :
انا صريحه .. اسمع راشدالماجد ..واحب الشعر .. برغم كثر مايخطبونى لكنى ابي زوج مثل خالد الفيصل .. عيبي طيبتى .. واموت فى (احمد السقا ) الممثل المصري .. غيوره حتى من نفسي

[القرويه] :
شف .. انا مانيب احب اللف والدوران يعنى احب الزبده .. ومنيب اجامل يعنى وجهى مغسول بمرق .. اه لو انك خالد عبدالرحمن .. اتمنى الاقى زى زوج اختى الكبيره تهانى .. احب البس تفصيل مااحب الجاهز

*كيف تكلمك على موبايلك ؟

[الياى] :
ترسلك مسج تقول اى مس يو .. يعنى عشانك خفيف ومتاكده انك بتكلمها على طول

*اللى هى قرويه بس مسوى فيها موقرويه :

تدق رنه وتسكر ..تقول اخاف يطلع رقمك فالفاتوره عند اهلها

[القرويه] :
تكلمك ربع دقيقه ..تقول كلمنى الحين مابقى فالرصيد الا 17 ريال ومخليتهم رسايل

*كيف وضعها معك وبأي طريقه تكلمك :
[الياي] :
لازم تقول .. اها .. ولين طاح منها اى شيى تقول اوتش .. وطول ماهى تكلمك تحاكى الشغاله بالانقليزى.. تقولك مااعرف اكلم الا ومعى كوشنز .. ونص المكالمة تسمعك اغانى بايخه.. وقبل لاتسكر تقول تيك كير

* اللى هى قرويه بس مسوى فيها موقرويه :
لازم تقولك انا متضايقه ابوى جايه خطيب كويس مره واخاف يجبرنى .. طول ماهى تكلمك امها تناديها بصوت عالى .. لين جتها اختها تحطك هولد تبي توريك عندهم سنترال ..لازم تقول تشاو قبل لاتسكر

[القرويه] :
لازم تقولك ابقوم احط لى عشاء.. تتصل عليك فاليوم 450 مره .. كل شوى تدبج فى ولد اختها وهى تكلمك .. تطلع السطوح تصلح الدش وانت معها عالخط .. ماتخلو اى مكالمه من الاهات والتنهدات.. تقولك ليش ماتتوظف ؟

* لين بغت تتركك لاى سبب :
[الياى] :
تقولك : ماعاد احس ان فيه بيننا كونكشن روحى .. وبليز اذكرنى بالذكر الكويس عند الناس واعتبرنى سحابة صيف

*اللى هى قرويه بس مسوى فيها موقرويه :
انا انخطبت ..ولو سمحت رجع صوري اللي خذيتها فعيد الحب وحطها لي فالمناسبات

‏[القرويه] :
أهلي يستعملون جوالي وياخذونه وتكفى رجع الدوب اللي شريته لك من اليورمارشيه

‏*لين تركتك فتره طويله ورجعت الفضاوه وأشتاقتلك
‏[الياي] :
تحط لك على الفويس ميل ( ياي عالفويس ميل ) أغنية ( هاو كان اي كاتش يو )
وترسل مسج مكتوب فيه :
اي نيد سم ون
هى ونت مى بت ووال بتوين اص وير ازت ؟
اي لوزت ؟

‏*اللي هي قرويه بس مسويه فيها مو قرويه :
تكلمك صديقتها تقولك كلم فلانه ضروري مسئلة حياة او موت وتتصل عليها تقولك أنا ماكلمتك الا محتاجه لك فعلآ عندي مشاكل وتعبانه نفسيآ أعتبرني أخت أو صديقه
‏[القرويه] :
تسجلك أغنية ابصملك على العشره وتدق عليك رنه وتسكره ٢٥٠ مره وأذا كلمتها تقول وشدعوه هالتغلي ياخي العشره ماتهون الا على عيال الحرام ..

افى شنو الموضوع ما عجب الاخوان الاعضاء بالرغم من مشاهده الموضوع ولكن بدون تعليق