10-17-2006, 07:13 AM
| المشاركة رقم: 1 | ||||||||||||||||||||||||||||||
| المنتدى :
الكلمة الموزونة  الصريفه /على نمط الشعر الشعبي العراقي [poem font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"] صريفه اجيتك ياوطن من بعد غربه سنين الدمع همال والحاله كسيفه اجيتك من بعد ماضيعت عشرين والله يعين من فارگ وليفه اذا مر الغروب وچلچل الليل گلبي على الوطن يكثر رفيفه تحملنا القهر والغربه مرات ماعدنا ذنب ذنب الخليفه ماردنا نحصل ذهب لومال ومحرومين من ابسط وظيفه نفز من الفجر والليل بعده ينام لن نفوسنا على الذل خفيفه وردنا نموت لكن موت طيبين وتظل خلافنا الچلمه الشريفه ولادگينا عالجيران بيبان رغم الجوع انفسناعفيفه تغربنا چثير وصعدت الناس وتتفاخر اذا لبست قديفه شئ لبست تراچي ولبست گلادات ونست كل ذيچ عشرتنا النظيفه اجيتك ياوطن والگلب مكسور وظيم اللي علي ظيم الوصيفه اذا دمعي نزل لحدود الحزام شلون تريد اسولفلك طريفه تدري بيش افكر بيش محتار؟ اذا رديت احصل لي صريفه صريفه على النهر وياها فانوس لاتعتقد هالطلبه سخيفه صريفه وبالوطن تسوى ملك قارون بلاد الغرب لتفكر تظيفه ضيف اللي يقدم تمر كنطار وطاسة لبن والخبزه لطيفه اذا هو الوطن باعوه بالسوگ شبقت بس البواري ام السفيفه ومن حفر المواضع خربت الكاع وحسافه على النخل بس باقي ليفه يالساكن اببيت وتقفل الباب حگك ماتعرف العاش ضيفه خلصنا العمر نسكن بلايجارونفطنا يروح لولاد الشريفه اذا يمكم صريفه ولو ايجار اريدنها ولو متروسه جيفة لان ريحة البصره مسج فواح وخيعونه اليحصل له صريفه نفتر عالمدارس والدكاكين والعنده بخت حصل سقيفة كلها تسددت بوجوهنا البوب وچم شيخ التعذرنا مضيفه والتفت علينا العرب صوبين وصار البلد ماتعرف لفيفه وصاحوا بالوطن فرهود فرهود وصرنا اجناب والعيشه ضعيفه واخبرنك المهره الچانت تجول من گد الهظم صارت نحيفه حتى الوكت مابي رحم عالناس وعلينا تحالفوا صيفه وخريفه وشمسنا تريد تنزل تحرگ الگاع وظلعي من البرد تسمع رجيفه وسطرات الوكت تكتل بالمچان مابيهن رحم كلهن عنيفه وعمت عين الليالي شلون وكحات وياليله التمر ماهي مخيفه خلت چم فقير يبات جوعان يفز بالليل ويدور رغيفه اذا هو الرغيف ارتفع للغيم وسكن بالهوى وضيع صفيفه لاتعتب على اللي عاش تعبان وجرح الگلب ممبطل نزيفه اذا عمره الگضاه ونين بونين وعينه من البچى صارت كفيفه من عافوه اخوته وعاش محروم ولا سير عليه واحد يضيفه واذا ضاعت العشره اننسى المعروف وكل واحد مشى وشايل شليفه مثل ذيب السرگ بالليل حايوف بس وي الهوى تسمع حفيفه اذا انت اخوي وتجفي بالضيج تاكل تمر وتذب لي الحشيفه وتسمع شور مرتك وانت محتار وتسويلك عذر تقره بصحيفه صحيح نجوع لكن ابد منموت وكسرات الخبز تطفي اللهيفه هان عليك دمعي وفركة الايد وصرت وي الوكت من دگ چليفه نسيت الرحم والدر الشربناه ووصية الوالدة الاخ لاتعيفه جنت شيال حمل البيت والجار اشو هسه الوكت سواني شيفه مر بيه ولك شاركني الهموم وخفف من حمل دهري النصيفه لتغرك الدنيا وتصعد صعود باوع ليورى وشوف التعيفه هو الموت واحد والعمر محسوب وچم انسان مامات بقذيفه شمحلى الموت لو يلفيك بين اخوان ويظل موت الغرب موته كسيفه ومگبرة النجف يالمدفن الزين وعليها الدمع مايبطل ذريفه واخبرنك زماني عنده تاريخ بيه مكتوب ماعندي صريفه مع تحيات عمكم ابو حيدر الشريفي / النرويج[/poem]
| ||||||||||||||||||||||||||||||
|  | ||||||||||||||||||||||||||||||
| العلامات المرجعية |
| يشاهد الموضوع حالياً: 1 (0 عضو و 1 ضيف) | |
| |
المواضيع المتشابهة | ||||
| الموضوع | كاتب الموضوع | المنتدى | مشاركات | المشاركة الأخيرة |
| أشهر أنواع ~{{الزيوت}}~ وفوائدها... للشعر مع- الصور | حفيدة رسول الله | الهاشميات | 7 | 09-23-2010 08:46 PM |
| اسباب الشعر الشايب - الشيب المبكر - الشعر الابيض للشباب والبنات: | الطاهرة | صحتكم بالدنيا | 3 | 05-04-2010 07:55 PM |
| الجمال تقدم لك وصفات منزلية لتلوين الشعر | السنديانة | المنتدى العام المفتوح | 2 | 03-16-2009 06:23 PM |
| ملف متكامل للعنايه بصحة وجمال شعرك . | فراشة الحجاز | الهاشميات | 7 | 08-09-2006 08:11 PM |
| خمس لمسات تزيد شـعـرك وهـجا وتألـقـا طبيعين | فراشة الحجاز | الهاشميات | 0 | 04-07-2006 07:29 PM |
ابوحيدر الشريفي 
العرض الشجري
