01-23-2012, 10:29 AM
| المشاركة رقم: 1 | ||||||||||||||||||||||||||||||
| المنتدى :
المنتدى العام المفتوح  اضحك مع المبتعثين السعوديين / اقتباس: أنا صراحة ما مر علي ذاك الموقف الي يذكر...ولكن عندي صديق لي مشكلته انه طلع من القرية على أمريكا المهم أيام ما كان في المعهد طلبت المدرسة من كل طالب يطلع ويكتب جمله على السبورة. فطلع أخونا الكريم .. وهو ماشي طبعا لازم يتمتم له بكم كلمه بدويه ما بين سب ولعن وقليل من الالفاظ البذيئة فكتب على السبورة I'm a GAY from Saudi Arabia <<<< حييت يا بطل مرحبا و مسهلا في بلدك الثاني كان يبي يكتب I'm a GUY from Saudi Arabia فكان فيه سعوديين في الكلاس طبعا<<<<تلقاهم حتى لو ترفع حجار في راس جبال ايفيرست قالوا له تراك جبت العيد..فجلس يحلف لالي في الفصل انه غلط وانه على باله انه كتب انا شاب من السعودية  اقتباس: فيه موقف بايخ صار لنا وحنا راجعين بالقطار من مانشستر وكان المفروض ننزل بمحطه في مدينة ساوثامبتون عشان نطلع بورتسموث والاخوان مستمعين بالطرب العربي في الاي بود ومنسجمين ويسحب فيهم القطار لمدينة ناسي اسمها وكانت هي نهاية الرحله والوقت ليل وما عاد فيه غير التكسي وندور بالمحطه ما فيها غير السكارى ليلة الاثنين كان ويالله نلاقي تكسي ونطلع معه بـ 80 باوند هع هع والرحله لشخصين ذهاب واياب بـ 78 باوند للحين الشباب اذا تذكروه خذونا شماته وان شاء الله يمرون بنفس الموقف  اقتباس: شوفوا طال الله فعماركم هذا أول مرحت نيوزلندا أدرس لغه كااان معي 3 سعودين فالمعهد المهم أول يووم سواليف وتعارف ومن وين وكم لك وهل كلام دخلنى المحاظره وبعد ساعه ونص جانى بريك او وقت راحه يعني الي يبي يشرب كافي ولا شاي وأنا من قبل لرووح وانا خايف اني اكل خمزير الله يكرمك المهم قااعد أسأل الشباب محد فيكم مره أكل لحم حنزير بالغلط ولا.. الشباب لا ولله الحمد الله ماقد حصل طبعآ هذوول قبل تقريبآ بشهرين خلص البريك ورجعنا للمحاظره وبعديآ جا وقت الغداء وقلت لهم شباب انا اول يووم وين في مطاعم نرووح لها نتغداء قالوا هذا ماكدونالدز جيرانى مالك الا هو قلت يلى مشينا عااد هم يبون يخدموني ويقلولي تبي نطلبلك قلت الله يعطيكم العافيه أنا ابي اتعلم بطلب لنفسي بس خلك جنبي عشان اذا في غلط ولا شي الا أنت جنبي تصلحلي المهم هو يطلب لنفسه وسمعه يقول للموظف عطني ((بيج برجر)) طبعآ معنا كلمة بيج pig خنزير وعلى طول قلتله كم لك تاكل هل وجبه قالي شهريــــــــــن وأوموووووووت عليه من الضحك اقوله توني سألك ماقد كلت خنزير بالغلط وتقول لا وانت لك شهرين تاكل فيه ووالله ماصدقني لمن خذت المنيو حق المطعم ووديناه للمدرس وقاله الي انت تاكله كل هل مده خنزير وهو دااااق بصدره ويقول لالا ...  اقتباس: ههههههههههههههههه .. يآآآ كثر المواقف بالسفر .. << جآيب التنده الأخ .. خذ هالسآلفه .. يا طويل العمر مرتن من المراريت .. كنت أنا وعيال عمي في ماليزيا وتحديدا العآصمه كوالالمبور .. المهم وحنا بالفندق نبي ننزل نسبح .. ومير نركب الاصنصير .. شوي ونلقا ذيك البنت الي تطيح الطير من السمـآ .. << رآآآحت العضويه .. المهم وشكلها مآهيب عربيه أبدددددددددددددددد .. وقـآمو العيال واستلمو هالمسكينه .. واحد يقول .. أنا بقول لأمي تخطب لي وحده زي هالـطخمه ذي .. والثـآني يقول .. يآ عيال تهقون انها معجبه فيني ؟؟ هههههههههههههههههههههههه .. عآد يوم وقف الاصاصير << الله يشغلك انت واصنصيرك .. ومير تطلع وتكلم خويتها .. قالت لهآ .. أهلييييييييييييييين .. كيفيييييك يا ويلي ويلآه .. العـآل تنآثرو كل واحد نط لـه في جهه يتوزى فـيهآ من الفشـيله .. بس الـحمد لـله طلعت لبـنآنيه أبـشركم .. وعـدت عـلى خير .. ولا أنا مير بغيت أجيب العيد بس على آآآخر لحظه مسكت لسآني هههههههههههههههه ..  اقتباس: انا لما كنت بماليزيا جالسين نتمشى الا شوي ركبنا القارب ويركب معنا واحد غامق البشره وزوجته كمان نفس اللون ولابسين شورتات ومدري كيف الا انا اقول لزوجي مشاءالله ذولا افارقه تجار الي جاين لماليزيا انا على بالي كلهم مجاعه قال زوجي له وير ار يو فروم<<من فين انتا؟ قال سعودي ^_* وياليت زوجتك تثمن كلامها قبل تنطقوا^_*  اقتباس: طبعا انا لسه ماخلصت اللغة ان شاء الله باقي شهر .. المهم انا عادة وقت البريك اطلع مع واحد من الشباب سعودي ونتقهوى وكنا كل يوم نطلب نفس الطلب شاهي وملعقتين سكر .. مره دخلنا انا واياه وكان يكلم اهله وطلب قالها ابي شاهي الاسترالية سوت شاهي وانا مفهي الحين هو كلمها عربي وهي فهمت فاستنتجت انها لبنانية وقاعد تطقطق علينا ثمان شهور لكن فضحها الشاهي طبعا من اصعب المواقف في اللغة لما تروح تحلق عجزت اوصف شلون ابي احلق شعري المهم مرة رحت وتفلسفت وقلت لها ابي شعرها على قدام لاني مصلع سوت شي غريب صرت كني ديك الله يقطعها خلتني احلق شعري صفر فنصيحة حاولوا تعرفوا وش تقولون بالضبط عند الحلاق موقف أخير فيه حديقة كنا نمر عليها يوميا في طريقنا للمعهد وكان نفسي اجلس فيها .. المهم قلت لخويي نطلع نتقهوى ونتغدا في الحديقة وفعلا اخذنا اكل وجلسنا وكان فيها شي غريب ان مافيها احد مع انه تصير زحمة في الويك اند المهم جلسنا وتبطحنا مادرينا الا الشرطة جايين ومحوطينا وركبونا في البوكس حقهم طلع ان الحديقة مقفلة لان صار فيها جريمة وفيها لوحة كبر جبهتي معلقة عند الباب بس ماشفناها وخذلك تحقيق ساعتين لين دروا اننا مال امنا دخل وفكونا ووقعونا على تعهد اننا ما نقتحم مواقع الجرائم مره ثانية  اقتباس: انا مره بماليزيا رايح انا واحد من العيال مسوي انا ملك اللغه وانا اعرف شوي بس شفته متفلت قلت عط الحر فرصه ههههههه المهم وقفنا تكسي وقاله خويي نبي هالمكان المهم جلس الرجال يسب ومشا قلت له هاه وش قال ؟ قالي : لا ما يعرف المهم سلكت له وقفنا ثاني ونفس الأول يسب ويمشي وبرضوا قلت له وش قال ؟ قالي : ما يدل المهم انا قلت له اقووووول بلا فقش بس من اليوم يسبون فيك وانت مسوي على بالك هاااااات الخريطه بس انت ووجهك والله انك سبيكه واوقف تكسي واجلس اتميلح اول شي المهم قلت له نبي نروووح لهالمكان ..... نزل من السياره وجلس يسب ويصارخ وخويي ميت ضحك يقولي مسوي اجل المهم بالموضوع يوم هدا راعي التكسي قلت له وش فيك معصب قال :: المكان الي تبونه يا ......... وراااااااااااااااااااااااااااكم  اقتباس: بس اذكر موقف لي في مدينة كالاجاري في كندا سكنت بفندق ساند مان اوتيل في الداون تاون الدور 12 المهم الباب حق السويت اللي انا ماخذه مثل اي فندق يفتح بالكارد من الخارج يعني ما فيه يده للباب المهم كنت سهران بغرفتي ما عندي احد كنت بس لابس شورت ومو لابس تي شيرت من باب اني حران يعني هههههههه المهم يوم جاء الصبح دقيت على المطعم حق الفندق وطلبت فطور جاء الفطور طال عمرك وافطر واخذ راحتي يوم خلصت طلعت الفطور عند الباب عشان تجي الروم سيرفس وتاخذ الصحون المهم يوم طلعت الا الباب يسكر حق الغرفه وانا بره هههههههههههههههههه والله توهقت ما معي كارد وهقه من جد ومن قو القراده الروم سيرفس معاها ماستر كي ذاك اليوم بالذات ما داومت الصبح العن ام النحاسه من جد يا ولد وش اسوي وش اسوي قلت ما فيه الا انزل للرسيبشن بس المشكله شورت وحافي وبدون تي شيرت والكرشه طالعه والحاله حاله والله اني نازل وانا ناقد على نفسي هههههههههههههههههه المهم نزلت للرسبشن وعند باب اللفت طلعت راسي من الباب وانا انادي المديره الصباحيه اذكر اسمها كاثرين اقول كاثرين كاثرين ما تسمع طلعت من الاسانصير والا الناس واااااجد باللوبي العن ام الاحراج وجهي صار طماطه وتشوفني كاثرين وتضحك المهم طلعت لي كارد جديد وركبت اللفت وانا راكب الا تركب معي وحده توها طالعه من المسبح لابسه مايوه وحاطه على راسها فوطه قلت في نفسي هاللحين انا من اليوم ناقد على نفسي وهذي هي ووجها كل شي طالع وما استحت هههههههههههههههههههههههههههههههههههههههههههههههههه ههه طبعا هالرحله كانت اول مره اسافر لحالي خارج المملكه كان عمري 18 اسف على التطويل ههههههههههههههههه  اقتباس: اول اسبوع لي في المعهد في فانكوفر كان معنا واحد بالكلاسس من جنبهاا بالانجليزي مايفرق بين يس ونو جت المدرسه تسآل what is your favorite sport ? قال الولد بكل ثقه : i love salah انا احب السله !! وتقول له المدرسه what is salah ?.1 يقولها you don`t know salah وانا جالس ورا وميييييييت ضحك قالت وش يقول هذا قلت يقول انه يحب الباسكت بوول والله المسكين طاح وجهه  اقتباس: والله مرة من المرات كنت في مدينة برشلونة في أسبانيا قاعد أنا وخويي نتمشى بالشارع نمشي طبيعي عادي مررة وشوي إلى واحد منهم يناظر رجل خويي وجاء واحد ثاني نفس الحركة يناظر رجل خويي يالله وشفيهم هذولي وشوي إلى أغلب الناس يناظرون رجول خويي وحنا مستغربييييييييين ؟!!!؟؟!!؟!؟!؟!!!!!!!!!!!!!!!!!!!! ونناظر أنفسنا متكشخين ومتظبطين إيه والله إلى شوي وأنا تذكرت انه لابس وش تتوقعووووووون إلى ولابس ( زبـــيـــريـــات ) الله يفشله وأكتممممممم ابو ابو ابو ابو ابو ابو ابو الضحكة والله اقرب تكسي ووصلنا الفندق بسلامة وفقعت وجهه الله يفشلة .  اما هذا موقف نكته بس بالسعوديه مو مواقف مبتعثين .gif) اقتباس: كنت متاخر على الصلاه وكان الامام يقرا في سوره من السور ولما دخلت والا الامام يقول الضاااالين ومع التكبيره قلت آآآمين والا اللي قدامي يضحكون والا الامام وقف عن القرآآيه دقايق بس وكمل اقتباس: ههههههههههههه يعطيكم العفيه شباب على التفاعل... أنا ذهبت للخارج بس مافي شئ يذكر رغم أني(مفلت فيE)لكن الله ميسرهاا لكن أخوي يقول كن ساكن عند عائله لتعلم اللغه.. فعاد في بسه حقت تربيه ما لا حظ وجودها في البيت.. فمره دخل غرفته.. فلقيها على سريره طبعاً خوينا يحسبها مثل العريات الى عندنا أخذ سلكـ المسجل ولسع فيها .. طبعاً العائله أستغربوا!! البسه اذا شافت اخوي تشرد وتنوز عنه وهو مو دارى عن الهرجه.. المهم دخل هذاكـ اليوم وهي موجوده في الصاله أخذ الحذيان (مكرومين) ورمى عليها .. ويهاوشهم يقول (ليه تخلون الباب مفتوح)هههه المهم أشتكوا أخوى على المسؤولين ورفضوا أنه يجلس عندهم في البيت..  اقتباس: ههههههه ههههههه لا هذا موقف صار لعمتي .. يوم كانت في لندن .. تقول كنت اتقضى من أحد السوبر ماركت مع صديقتي .. على بال ما يرجع زوجي .. و شارية اغراض كثار .. المهم : يوم حاسبت تبي أكياس ثانية .. قالت له : Give me kiss :|:|:| << جمعت عربي ،انجليزي .. تقول أشوف الرجال يبتسم ..?!! ما دريت إلى صدقتي تسحبني .. وتقول الله يفشلك و تضحك ههههههه ..  اقتباس: والله ما كان طاري علي أحط سالفة 911 لأني قلت ابغى استر عليهم وكذا << انطم بس مرتن من المرارير .. وهي أصلا أول مرة طبت ساقي الشهبا لأمريكا جونا مندوبين من الملحقية يستلمونا ويوقعون اوراق في المطار على استلامنا << غدينا سريلانكيات طبعا الشباب اللي استقبلونا جزاهم الله خير .. لو تقول لواحد منهم عمت مساءاً يا هذا .. قال لك على تراب ولا تسوي لي فيها مجتهد من الحين << الأخلاق السعودية أصيلة ومستحيل يغيرها الزمن المهم وهم اللي يلقطونا في فان ابيض والظاهر انه ديزل .. لان صوت المكينة فيه تفتفه < ميكانيكي ؟ ويمسكون بنا الدايري حق واشنطن طبعا وانا اخوكم في الله فاق خشتي على هالخضار والربيع اللي عندهم واقول ااااااااااالله يا زين (امريكيا) وبعد قيادة دامت من الزمن ما يقارب النص ساعه او مايليها < لا تعليق وصلنا لفندق .. قالوا لنا كل واحد ياخذ له غرفة .. وامرحوا واذا جا بكره الصبح الساعه 7 صباحا بنجي نقشكم للملحقية قلنا لهم تم طبعا كانت الساعه تقريبا 1 او 2 الظهر .. وكان عدد السعوديين اللي معي 12 تقريبا .. واحد منهم خويي جعله يسلم قلنا لهم طيب واللي يبي ياكل وش يسوي ؟؟ قالوا عندكم مربع مطاعم مقابل للفندق رحوا كلوا فيه جعلكم الغصة قلنا تم المهم كل واحد منا دور له سعودي يشاركه في الغرفة .. وانا معي خويي .. رحنا ذبينا شنطنا وصلينا الظهر والعصر ... وجينا مدحدرين لـ اللوبي وتجمعنا كلنا تقريبا .. وقررنا نروح ناكل لقينا مطعم بيتزا .. دخلناه .. وطلبنا .. والله العظيم مدري وشلون طلبت انا .. لان ثقافتي يوم كنت في السعودية كانت فغنسية (يعني فرنسية للي ما يعرفون اللغة الفرنسية) المهم يوم دقينا وشبعنا وما عاد قدرنا نشوف .. حاسبنا على قد الفاتورة وطلعنا مااااااا أمدانا نطلع .. الا وذاك اللي طالع ورانا يزاعق علينا .. وحنا كل واحد منا طايرة بوهته حسيت انه شرشح مندوبنا وحنا ما نفهم عليه .. وكل واحد منا طق الابتسامة في وجهه .. يوم قفلت مع الرجال .. تركنا ودخل المطعم المهم قال واحد من العيال .. هذا عامل في المطعم .. ويقول الحين يالشهبان اللهبان .. اها وراكم طلعتوا ما عطيتوا الحرمة اللي خدمتكم بخشيش؟ المهم اننا كنا نطالع خوينا هاللي ترجم لنا وما علقنا على كلامه .. نحسبه مسوي فاهم .. وبيسوي علينا انه هو الولد اللي مقطوع سره في شيكاقو المهم رجعنا للفندق بعد ما تمشينا وفرفرنا حول الفندق الين تشلخ الزفلت .. كنا وقتها ننتظر غروب الشمس عشان نصلي المغرب جميع .. بس جت الساعه 8 والشمس ما عندها نية تغيب قالوا العيال حنا بنروح لغرفنا .. قلت أجل اذا غابت الشمس دقيت عليكم من تلفون غرفتي عشان نصلي جميع .. قالوا OK Ya Mutawa3 رحت انا وخويي لغرفتنا .. يوم غابت الشمس الساعه 9 تقريبا .. واقول ارفع السماعه واضغط رقم غرفة العيال القريبين من غرفتنا وكان رقم غرفتهم 614 دقيت أول مرة 614 .. وسمعت صوت صمت غريب << لا تتفلسف وقل انه ما رن التلفون قلت يا ولد خلني اجرب #614 .. ونفس الشي ما فيه أي صوت وقمت ضغطت *614 .. ورن .. نص رنه .. يعني كذا طووووووو .. وطلع صوت حرمة تقول 911can I help you .. وانا اللي ابلع أوم العاااااااااااافية ورجعت تقول ناين ون ون كان آي هلب يو قلت .. آآآآآآآآآآآآآآآآآآآآآآآآآآآآآآآ .... آآآآآآآآآآآآآآآآآآآآآآآآآآآآ .. Wrong number sorry قالت لي وش اللي رونق نمبر .. ما فيه احد يدق علينا بالغلط قلت هذا اللي صار يا أخت الغجر قالت اوكي ريلاكس اند كوم داون .. قلت اوكي باااااااااااااااي واسكر السماعه والله العظيم اني في لحظتها ما صرت افكر الا بشكلي انا وكراعيني الشهب ولابس برتقالي ومدخليني قوانتنامو وبعد هواجيس أخذت مني مأخذها .. قال خويي وش فيييييييك ؟؟ قلت له دقيت على العيال وردوا علي الشرطة ما امداني اكمل كلامي .. الا ورن تلفون الغرفة .. رفعت السماعه .. والينه واحد من الرسبشن .. يقول .. اقول يالغلا في أحد داقن على 911 قلت لا يا غلاهم .. بالغلط قسم قال اوكي قفل السماعه وبعدها بـ 56 ثانية << لأن قلبي كان يدق 1000 دقه في الثانيه انطق علينا باب الغرفة عااااااااااااااااااااااااااااااااااد هناااااااااااااااااااااااااااااااا تذكرت ابوي يوم كان يقول لي انت رجال يا ولدي .. وتمنيت ان ابوي يكون معي في هذيك اللحظة عشان يدري ان الشرطة اذا طقوا الباب في أمريكا .. تضيع المراجل كل ابووهاااااااااااااا قلت لخويي تصرف طبيعي جدااا كاننا ما سوينا شي <<< من الخوف قمت اتكلم كأني ممثل في فيلم وثائقي رومنسي << لا تشرهون عليه فتحت الباب .. وشفت قدامي سكرتي الفندق ومعه اثنين شرطه قالوا لي انتوا متصلين على 911 .. عاد الحين حلهااااااااااا .. اللغة رايحة في خرايط أمها .. والشكل يروع وحاولت اشرح لهم بهالطريقة telephone .. up .. dial 614 .. no sound .. then square 614 .. no sound .. then star 614 .. then woman said 911 can I help you قال واحد من هالشرطه .. طيب معليش ندخل نشوف الغرفة .. قلت ايه .. دخلوا .. وشافوا خويي قاعد على الكنب .. ويتراعد من الخوف .. قرب من الشرطي وهمس له .. قال له خويي No المهم قال الشرطي .. خلاص .. ما فيه شي صاير .. بس انتبهوا لا عاد تتصلون على 911 قلت شرهتك على اللي بيرفع السماعه اصلا .. لو تبي بعد خذ التلفون ما يغلى عليك قال لا والله يابو فهد انت واضح انك كريم .. والعذر والسموحة على الازعاج .. قلت يا هلا ومرحبا وان ما شالتكم الأرض ترى الرقبة سداده << أولا يالنصاب انت كنت قامط العافية .. ثانيا يرحم أمك لا عاد تقول أمثال المهم من بعدها يا طويلين العمر والسلامة وانا ما ادق على رقم الا انا عارفه مضبوط حتى يوم طلعت لي جوال أمريكي .. جبت لي مفك .. وقلعت رقم 9 منه .. الله يستر يجي يوم أحلم اني ادق على 911 وما ادري الا وهم يصحوني من النوم .. وهو احنا نائصين يعني .................................................. .................... السالفة بايخة جدا .. لكني ما كتبتها الا يوم طلبوها مني بعض الشباب وبعدين عادي موضوعي واصير فيه بايخ << يا ثقل دمك العذر عن الاطالة تحيات أخوكم ابوفهد من (امريكيا)  اقتباس: نفس ماهو في العنوان <<<<<<<<<<<<<< من كثرها ناسي المواقف الي مر بها فضيحة ماودك احد يطلع معي عشان مايجيب العيد طبعاً في كلمات متشابه واذا صرت مسوي فهلوي تتكلم بسرعة هاتك يا اعياد اخرها اكلم المحامية ابي اقول لها I'll call you قلت لها I'll kill you يعني بدال ما اقول لها راح اتصل فيك قلت راح اقتلك على طول حضرت الأعتذار وهي فاهمة الي يكلمها دبشه عشان كذا مشتها والثاني وانا في ماكدونالدز اول ماجيت يمكن لي اسبوعين فيه وجبه عندهم اسمها سناااك جيتك مدرعم وقلت ابي سنك يعني ثعبان <<<<<<<< خلك على البيض الله يرحم والديك طبعاً ماراح اقول وش رد علي بخليها مستوره من الفضاوة وعندي اختبار بكرا ومتنيل بستين نيله قلت اعطيكم كم موقف اتمنى تعجبكم  انتهى ... ويارب أني أكون دخلت السرور على اللي تواجدوا بالموضوع ..وكسبت اجر ..ادخال السرور على قلب مسلم.. وكل عام والجميع بألف خير وصحه ..واقرب الى الله ..
| ||||||||||||||||||||||||||||||
|  | ||||||||||||||||||||||||||||||
|
01-23-2012, 06:36 PM
| المشاركة رقم: 2 | ||||||||||||||||||||||||||||||||||||
| كاتب الموضوع :
ريحانة الوادى المنتدى :
المنتدى العام المفتوح  رد: اضحك مع المبتعثين السعوديين الله يعطيك العافية يا عمة ريحانة على الموضوع الفكاهي
| ||||||||||||||||||||||||||||||||||||
|
| | ||||||||||||||||||||||||||||||||||||
|
01-23-2012, 11:11 PM
| المشاركة رقم: 3 | ||||||||||||||||||||||||||||||||||||
| كاتب الموضوع :
ريحانة الوادى المنتدى :
المنتدى العام المفتوح رد: اضحك مع المبتعثين السعوديين ههههههههههههههههههههههههههههههههههههههههههههههه مواقف مضحكة مشكوووووووووووووووووورة خالة ريحانة
| ||||||||||||||||||||||||||||||||||||
|
| | ||||||||||||||||||||||||||||||||||||
|
01-24-2012, 12:45 AM
| المشاركة رقم: 4 | ||||||||||||||||||||||||||||||||||||
| كاتب الموضوع :
ريحانة الوادى المنتدى :
المنتدى العام المفتوح رد: اضحك مع المبتعثين السعوديين
| ||||||||||||||||||||||||||||||||||||
|
| | ||||||||||||||||||||||||||||||||||||
 |
| العلامات المرجعية |
| يشاهد الموضوع حالياً: 1 (0 عضو و 1 ضيف) | |
| |
المواضيع المتشابهة | ||||
| الموضوع | كاتب الموضوع | المنتدى | مشاركات | المشاركة الأخيرة |
| (((((أكره كل السعوديين بلا استثناء))))) | السيد ماجد | المنتدى العام المفتوح | 5 | 01-17-2009 01:11 AM |
| السعوديين في الفضاء!!! | طيف | صور × صور | 5 | 06-18-2008 09:44 PM |
| اضحك مع غير البشر | بسمة بني هاشم | ابتسم وامرح | 3 | 06-09-2008 06:17 AM |
| قضية الأسرى السعوديين فى العراق | الشريف العماري | المنتدى العام المفتوح | 2 | 01-25-2007 06:44 PM |
| اضحك مع طفلك .. تبتسم لك الحياة | صريح للغاية | لحياة اجتاعية أفضل | 0 | 10-08-2006 01:58 PM |
ريحانة الوادى 
العرض العادي
