شكرا لك من كل قلبى على موضوعك الشيق والحلو مثلك وبارك الله فيك وعلى فكرة بقول لك قصه صلت معى كان عندى خادمه سيرلانكيه مسيحيه واول مرة تدخل السعوديه جايه من قريه ولاتفهم شىء وعذبتنى فيه هبل وعدم استيعاب غير طبيعى ففكرت مادام انا خسرت فلوسى والمكتب اذا بيرجعها بيطول وانا حرمه كبيرة ماقدر استناة لكن احول معها لعل وعسى يجى منها تفهم لو بعض الشىء وقمت وعرضت عليها الاسلام واجتهدة في هذا وجبت لها كتب بلغتها السنهاليه وقران كذالك وبعدين وديتها للتعريف بلاسلام للجاليات في الرياض بين مفرق 11 و12 وجلست تدرس الاسلام شهر كل يوم العصر اوديها حتى اسلمت والله العظيم ماتصدقونى لو قلت لكم انى بكيت لمن نطقت الشهادتين بين يدى الشيخ المختص بلاسلام وقام يختبر عقيدتها هل هى صادقه ام لا ففعلا اسلمت بلرغم زوجها واولادها واهلها كلهم مسيح واخبرتهم ولكن زعلو منها وقالت سوف ادخلهم غصب عنهم كلهم في الاسلام هذا الاسلام مرة حلو انا كنت مجنون لمن كنت مسيحيه وتغيرت تصرفاتها وفهمها معايا واشتريتلها انا واولادى هدايا كثيرة ووديتها تاخذ عمرة معايا ودخلتها الحرم ولمن شافت الكعبه في الدخول سجدة وقعدة تبكى على مافات من عمرها فى المسيحيه وطافة وسعة وشربة زمزم وهى تدعو وتسلم على كل شويه لدرجة خاصمتها سلمى على الكعبه وفكينى وهى من شدة الفرح لاتدرى ماذا تفعل ودخلتها الحطيم وقلت هنا صلى وادعى وسلمى على الكعبه ففعلت والله هذا كان قبل 4 سنوات