مواقف محرجة من الأطفال :



- تقول أحد الأمهات : جانا ضيوف وجابوا معهم هديه للمولود الجديد فكان ابني يريد فتحها فقلت له ( اصبر اللين يمشوا) صار يدخل ويطلع ولما مل الولد من الانتظار دخل وقال بصوت مرتفع...( خلاص أبفتحها شكلهم بينامون عندنا!! ).

***

- واحدة ثانية تقول : ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال ريحة رأسها شينه: !! - يقصد الحناء - شوفوا الإحراج اللي صار لي ..!!.

***

- وتقول أخرى : جتني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، ولما قلت لها عيب ردت وقالت شكلها شغالة.
***

- وهذه من جد يبغالها بالشنطه على رأسها : أخذت من أختي شنطه ورحنا لحفله ومعنا بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة وهي تقول ( حقت ماما هاتيها ) !!! وأنا أحاول أسكتها والبنت إلا تبي شنطة أمها .





منقول

شكرا لك على خفه ظلك