الى كل سعودي وسعودية مكافح((عالجرح))‎

**فاطمة الهاشمية** · 04-28-2010, 12:18 AM

إلى كل سعودية وسعودي..

ارفع القبعه احتراما وتقديرا..

بارككم الرب وجزاكم الجنه خير جزاء للصابرين ..

كلنا تمر علينا لحظات تفكير عنيفه..تاخذ الواحد لبعيد..
وكل شخص له اجواء خاصه تحفز مثل هالافكار وتخرجها للخارج..
والافكار والهواجيس تختلف من شخص لاخر..وتختلف جوده هالافكار برضو من شخص لاخر..

وبينما انا في الباص (القلب له بس اذا كانت راجعه للبيت)
..
و شمس بريده اللطيفه تطبخني على نار هادئه..

او برد يلهف الضلوع

وثمن قفز لعقلي الملئ بـخربشات عبيطه ..حقيقة واستكشاف..

اكتشفت انا نحن الشعب السعودي العظيم..شعب.. قوي..مكافح..صبور..

شعب شعاره فلها وربك يحلها ..بكل مايعنيه هذا الشعار من معاني وفوائد..

ليه؟..

اولا..على الرغم من الضايقه المالية اللى يعيشها اغلب الشعب..
والتطفير والفقر اللى يشع ويلمع من عيوننا..
الا اننا اكثر بشريه في العالم تتسوق..شغالين مقاضي من سوق لسوق..من محل لمحل..
مايمديك تسمع عن كريم رائع رهيب فله الا خلص..
بلوزة حلوة في المحل الفلاني تعال افلقني اذا لقيتها في اي فرع من فروع المحل..
روج وردي خاقوقي..جزمه فلات مريحه..تنورة سوداء راكزه..مافيه بح اختفت

وياليته عالاسواق ابد فرمنا ابو المطاعم فرم..
مطاعم الاسواق تشتكي..مطاعم الشوارع..
امه لا اله الا الله عندها..
فتح تشيليز وابل بيز ولو تشوف الطوابير حولها تقول هذولاء ماعمرهم شافوا أكل..
مطفرين و شغالين بلع..

من ناحيه الدراسة..
عندنا من اسوأ الجامعات والمدارس..اغبى الانظمه والقوانيين..تعقيدات ومصاعب ..

مبانينا خربانه.. مدارسنا مكسره(اذا جيت بدخل الفصل متاهه..لازم اتأكد ان كل بلاطه بمشي عليها ثابته تفاديا لاي تعكرف والا طيحه ممكن تسبب فشيله).. حماماتنا زكيه(الله الله يا الحمامات على اخر الدوام وبما ان التصريف عندنا على قدر عالى ماتشم غير روائح الفل والياسمين)..
الجامعاااات ..
المكافئات ماتصرف(سنه تحضيريه ثم يمسحون بك الارض ويشوفون عنك شاطر والا لا وبهذله وتتفل العافيه ونتساب وقلة ولي )

بس وفي المقابل الشعب شغال تعليم..طلابنا كثييييير
..الجامعات والمدارس مليانه..
واجبات وبحوث تعجيزية نقدم..
امتحانات صعبه نحل..
انشطه نشتغل..
تفوف نتفوق..
نظام التراكمي من اولى ثانوي تحسب الدرجات..
القدرات..
التحصيلي.
تخصصات قليلة ترضى الطموحات..
ومازال طلابنا يحصدون الـ99 والـ100..
هب عليكم..ماتعوق معهم ماشاء الله..

سقط سوق الاسهم سقطه..
عورت المجتمع وضربته على قفاه ضربه موجعه..
المؤشر احمر احمر احمر..
والشراء اخضر اخضر اخضر..
ومازال شعبي الجميل يشتغل بالاسهم..

بناتنا يقولون..
عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..
عيالنا يقولون..
بناتنا..شينات..دلوعات..مايتحملون مسئوليه..ركبهم سود..مهورهم غاليه..
ومع ذلك الزواجات على افى من يشيل..
القاعات فل..
المشاغل زحمه..
وماليزيا تشتكى..

مافيه اماكن نتمشى فيها..
لاطبيعه ولا تطور..(ياحبايبي انا..طلعع النخيل والعثيم من خشومنا..دخلوها في كل شئ حللو ابوها تحليل)..
فماذا فعلنا؟؟..
افترشنا المخططات..
مترنا الاسواق..

شوارعنا محفره..مكسره..معفنه..
وفوق كل ذا نعاني من زحمه مو طبيعيه..

وسياراتنا .. لا امطرت مانطلع ومع ذالك يشرى لهم

واذا اخربت السياره يعني مثلا مسحت الغبار وانت ماتدري

يجيك كف يعدل راسك والعان واذا امطرت وهم طالعين بسياره يحطونه علينا ويمسح بوجيهنا البلاط

ومع ذالك متحملينهم ..

ودراهم واكلوونا .. وفواتير وتلزيق فاتوره بفاتوره ومع ذالك يسددون
وشسمووه

النت عندنا خايس..
وندخل النت ونسولف ونتواصل ونحمل ونسوى اشياء كثيييير

ولا بيهمنا..

هذا الموضوع الى كل سعودية وسعودي مكافح..
سلخته الشمس واعدمت جلده..
اتعبه الكبت وكتم نفسه..
قتلته الواسطه وحطمت اماله ..

صامدون صامدون.. صامدون..
سنعيش..سنلعب..سنحب .وسنرقص ونغنى ولو حتى بدون موسيقى..

والله اننا قويين..
لله دركم ما أعظمكم

المواضيع المتشابهة
الموضوع	كاتب الموضوع	المنتدى	مشاركات	المشاركة الأخيرة
نحسبه سعودي	بلقيس الهاشمية	الحكواتي	0	06-18-2010 12:03 AM
ال محسن سعودي -حسينيون من بحر انساب الرفاعي ص 27و 28 جزء رابع	السيد الغازي	كل ما يخص آل البيت	1	01-31-2010 01:29 PM
مواطن سعودي اسمه فيصل يعلن اسلامه	محمد ال نامي	المنتدى العام المفتوح	3	10-21-2009 10:27 PM
أمير سعودي يغزو الدانمركيون في قعر دارهم على أثر الأحداث	بلقيس الهاشمية	نصرة القرآن والسنة ونبي الأمة	6	04-26-2006 01:04 AM

يشاهد الموضوع حالياً: 1 (0 عضو و 1 ضيف)

الإهداءات

تشغيل بواسطة Data Layer