صباح الخير عليكم جميعاً ...

أنا وحدة من متابعين قسم الجرافولوجي بهالمنتدى من زمان وسجلت وماتفعلت عضويتي فاضطريت اسجل مره ثانية واخيرا جاء الفرج وجاني التفعيل

من فتره بدأت أهتم بهالعلم وكان نفسي اتعلمه وكنت انتظر تفعيلي عشان استشير الاخت الهاشمية بمين تنصحني من المدربين المتواجدين بمدينة جدة بس تأخر التفعيل فأخذت قبل شهر المستوى الأول مع الدكتور حمود الصميلي بشهادة من الاكاديمية الدولية لتحليل خط اليد واستفدت كثير وبانتظار المستوى الثاني

لكن المشكلة اني حابه اطور نفسي زيادة عن طريق القراءة أكثر بس الكتب المختصة بالخط العربي بهذا المجال معدومة ، نفسي أعرف أكثر خاصة مايتعلق بالأحرف وطرق كتابتها والشخبطات ودلالاتها ..
قرأت بموضوع قديم لك يا أخت هاشمية اسماء مراجع عربية عن الجرافولوجي بس ما أعرف كيف أقدر اوفرها .. أتمنى تدليني على الطريقة اللي أقدر أحصل فيها هذي المراجع وراح أكون جداً ممتنة لك

مرحباً nada,,

كيف حالك إن شاء الله تمام ..

ايوه جلست فترة موقفة تفعيل العضويات

طيب الحمد لله بما أنك تدربتي على يد مدرب من خريج الاكاديمية الدولية لتحليل خط اليد في فرنسا يعني تدرب على يد المدرب العالمي أبو عمار الأنصاري

نصيحة أخوية أكملي المستوى الثاني فيه معلومات غزيرة جداً ومفيدة خاصة ما يتعلق بالأمراض ودلالاتها وبالأحرف راح تستفيدي كثيراً ولو كنتي في الرياض كان أعطيتك إياه ..
أفضل طريقة للاستزادة من هذا العلم الدورات التدريبية .. أرسلي لي ايميلك وممكن أخدمك في بعض المذكرات فيها معلومات مختصرة وصحيحة من إعدادي ..

بالنسبة للمراجع مافيه مرجع يشفي الغليل للاستزادة إلا هذا الكتاب ..

هلا اختي الهاشمية ...
الحمدلله انا تمام ربي يسلمك

حقيقة أنا متشوقة لحضور المستوى الثاني بس أنتظر موعده ويارب مايتعارض مع أوقات دوامي بس
والدكتور ابو عمار الانصاري موسوعة ماشاءالله ربي يحفظه وينفع بعلمه

طبعاً الرسائل الخاصة لسه مو مفعلة عندي وحتى الرسائل عن طريق ملفك الشخصي، ماادري كيف أقدر ارسلك ايميلي
وللأسف رابط الكتاب مارضى يفتح معايه ودخلت على موقع الدار بس مالقيت الكتاب ):

وقبل كل شىء أنا أشكرك على تجاوبك وتواضعك خاصة اني عضوة جديدة معاكم وعارفه من غير ماتقولي _ من خلال متابعتي لردودك على بقية الأعضاء _ انك ماتقصري مع أحد


ربي يحفظك

طيب اذا سمحتيلي عندي سؤال صغير << شكلك بتطرديني من المنتدى (:
عرفت انه الميول المتغيرة هي اللي تكون مره باتجاه الكتابه ومره عكسها ومره عموديه ، لكن اذا كانت الميول كلها باتجاه الكتابة بس بدرجات مختلفة مره 70 مره 80 مره 65 ومرات 90 كل هذا بنفس الورقه ، هنا نعتبرها ميول متغيرة ؟
لانه اذا بناخذ كل الصفات الموجودة تحت هالمعدلات بتطلع صفات متناقضة ..

وشىء ثاني .. هل هذا الايميل admin@gbnlp هو الايميل اللي ممكن الطلب منه لشراء مراجع الدكتور عبدالجليل الانصاري بعلم الجرافولوجي ؟ بس حبيت اتأكد لانه اخذته من احد المنتديات وأرسلت من فتره بس مالقيت رد .

سامحيني اختي الهاشمية على كثرة اسئلتي بس يمكن اهتمامي بهذا العلم يدفعني لطرح الاسئلة للاستفادة من اصحاب العلم والخبرة ...

ماشالله الله يزيدك اختي الهاشميه
ويجزاك خير على تجاوبك..
nadaسبحان الله نفس الميول انا بعد حبيت هالعلم الله يسهل علي وعليك وناخذ المستويات كلها...

السلام عليكم ورحمة الله وبركاته

اختي الهاشميةصراحة صفقة قوية لج

وتفضلي باقة الورد تستاهلينها

وكل لشخصك الكريم
صراحة قمة في العطاء والتواضع الله يوفقج ويزيدج نور وعلم

تقبلي تحياتي