يامرحبـا ترحيبـة العيـن للعـيـن
لعيون من غنـت وعينـي حزينـه
غنت على الطاروق والعين والغيـن
وغنيـت يـارب الهـواوي تعينـه
الوقت يالزينـه علـى حـد سكيـن
والسالم اللـي منـه رافـع يدينـه
ارسلت عبـره للقلـوب الرحيميـن
وجتني على العبرات شرهه سمينـه
تقول فيـن ورايـحِِ ويـن هالحيـن
واقـول مليـت الصبـر والسكينـه
يالله منـي لاتضـيـع البراهـيـن
ولا تحرم المضنون شوفـة ضنينـه
الغدر ماهو لي ولانـي لـه أثنيـن
لو العمـر فوقـي تـرازم أسنينـه
لي رغبة املوك العرب والسلاطين
وبي رهبة الحاكم لظلـم السجينـه
سافرت يم الشوق والشـوق مقفيـن
وقلبي بحر ماهـز موجـه سفينـه
ماهزتـه وحـده ووحـده وثنتيـن
يشتال معها مـن الموانـي مدينـه
أشهـد الله والثـقـات الموامـيـن
اللـي يـردون الثميـنـه ثميـنـه
أني ابي هذي على الشرع والديـن
وابي على روحي لروحـي طبينـه
وإن رادها الله يالرجـال الفطينيـن
مانـي بناخيكـم علـى المستهينـه
ردوا لـي الجافـل ثمنهـا ملاييـن
وأخذوا على لروحي لروحي ضمينه