03-12-2010, 12:36 AM
| المشاركة رقم: 1 | ||||||||||||||||||||||||||||||
| المنتدى :
مطبخ الهاشمية  البامية الويكة شفتكم حبيتو الكفته المصرية قلت اكمل لحبايبي اكلاتي من المطبخ المصري نقلته من منتدى ستات مصر البامية الويكة مش عارفة في حد يعرفها ولا لاء اصل ديه اكلة صعيدي شحط محط جدتي ام ابويا الله يرحمها هي اللي معلمهالنا اصل جدتي ام ابويا صعيدية فمعلمانا الاكل الصعيدي اللي علي اصوله و ام امي الله يرحمها فلاحة و معلمانا اصول الاكل الفلاحي فإحنا كده نكون عملنا زي مينا موحد القطرين ندخل علي الويكة بأه و بلاش رغي الموضوع سهل خاااالص و بسيط نجيب البامية الكبيرة ديه  ونقمعها عااادي جدا و نقطعها بالشكل ده  و بعدين نحطها في شوية ماية و عليها شوية ملح صغننين علي النار بس شوي ماية كتير و بعد ما نحس انها طريت و استوت نركنها علي جنب لحد ما تبرد و بعدين نحطها في الخلاط جدتي كان عندها عصايا بشكل معين كده اسمها مفركة كانوا بيستخدموها علشان يفركوا البامية بحيث البامية تكون مفروكة مش مطحونة في الخلاط بس بصراحة انا ماحبتهاش كده الخلاط بيخليها انعم و احسن و بعدين تزوديلها شربة و تضربي تاني زودي شربة لحد ما قومها يكون عامل زي قوام الملوخية و حطيها في حلة و حطيها علي النار تاني علشان تاخدلها غلوة واحدة و تطفي عليها و في اثناء ذلك تكوني محضرة شوية ثوم علشان تعملي الطشة او التقلية زي بتاعة الملوخية بالضبط ثوم و ملح و فلفل و كسبرة ناشفة مطحونة ناعم و تضربيهم في المطحنة او الهون زي ما تحبي و تجيبي طاسة و تعملي الطشة ديه بالسمن البلدي طبعا و تحطيها علي البامية الويكة اللي في الحلة و تقلبي كويس و تتغرف في سلطانية و ممكن يتحط عليها ليمون بعد ما نغرف بيديها طعم حلو برضه وصحة وعافية
| ||||||||||||||||||||||||||||||
|  | ||||||||||||||||||||||||||||||
| العلامات المرجعية |
| يشاهد الموضوع حالياً: 1 (0 عضو و 1 ضيف) | |
| |
المواضيع المتشابهة | ||||
| الموضوع | كاتب الموضوع | المنتدى | مشاركات | المشاركة الأخيرة |
| تريدين شعر قوى و لمع و بدون تقصف اليكى الوصفة التالية بالصور | زلبانى بس | منتدى الكمبيوتر والانترنت | 0 | 04-25-2010 07:37 PM |
| أي العبارات التالية تؤلمك ؟؟؟ | سهاد الهاشمي | المنتدى العام المفتوح | 13 | 06-16-2008 06:22 AM |
| هذا برنامج يسمى الدخول الي عالم الاخراج من الافلامUlead VideoStudio | الشريف خـالد | منتدى الكمبيوتر والانترنت | 2 | 12-01-2007 10:22 PM |
أم فهد 
العرض الشجري
