منتدى الهاشمية - قصة عن كيد النساء

وحدة تقول ان بنات اخوها كبر بناتها و صديقات مرة ودايم مع بعض جت الصيفية وسافر اخوي ببناته لمكة وحطهم بشقة وسافر لسفراته كالعادة عشرين يوم ويرجع لهم
بناتي صاحو يبون الروحة لمكة معهم ورجلي اللي هو ابوهم مافيه امل يوديهم بخيل ولا عمره سافر بهم وكل يوم يهددهابالعرس المهم قررت اني احتال عليه عشان بناتي قلت له ان مرة اخوي راحت لمكة معها اختها مطلقة وموظفة وجميلة مرة ياعمري كل هالزين ولا بعد جاها نصيبها تقول وهو ساكت بعدين قالت وحدة من البنات يبااااه بنروح معهم تكفى قال ان شاء الله
تقول اول مرة يفكر يسافر بنا ومن بكرة ونحن عندهم في مكة ورحت لمرت اخوي قلت يالله لبسي الشغالة عباة زينة وغطيها بنقول هذي اختك سعاد المطلقة........ وقالوا للشغالة لا تحكين ترى هالرجال ان درا انك شغالة بيذبح:LAUGHT~2:
تقول الرجال طار بنا طيره من مكة لجدة للطايف حنا ومرت اخوي وشغالتها تقول كل التمشيات قدام سعاد(الشغالة) وانه اجودي وسنع وكررررررريم
يوم رجعوا للرياض قال لزوجته الصراحة انا اعجبتني سعاد وهدوئها وابيك تخطبينها لي وانتي ام العيال الغالية وتصيرون انتي واياها مثل الخوات قالت تستاهل ياابو فلان بس مب انا اللي اخطب لك دق على اختها وشاورها قال زين وخذ الرقم ودق قالت والله حسافة ياابو فلان البنت البارح ملكتها ليتك متقدم قبل:cp1:
اهم شئ سافروا وعينوا خير