|
رساله لكل هاشميه راى الهاشميـــات هل ترضى بالزواج الميسر قليل التكلفه ضعيف المهر هل ترضى باقامة فرحها فى استراحه او المنزل هل تقبل باقل من الذهب تكلفة ونوعية هل تقبل اختصار المدعوات هل ترفض الطقاقه هل ترفض الكوشه هل ترفض الشرعه هل تترك المباهة فى الفرح هل تعلمى ان الزواج العادى قد يودى الى سعاده اسريه تصدقى ذلك ــــــــــــــــــــــــــــــــــــــــــــــــــ ـــــــــــــــــــــــــــــــــــــــ هل تعلمى بان بعض زواجات التى يكتنفها بعض المكابرات والغرور من قبل الاسرتين اهل العريس والعروسه لايدوم ابدا وان دام هذا يكون هناك حياه تعيسه وشقاء واسره مفككه ليه ماهو السبب لن الزواج لم يتم بطاعة الرحمان بل دخله غرور الشيطان والتكابر والتعالى فى الافراح بالاسراف الاموال وغيرها التى لاترضى الرب ولا الانسان العاقل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ هل تعلمى ان الزواج العادى المتواضع فيه خيرا كثيرا والله على مااقوله شهيد اذا كانت الاسره اهل العريس والعروسه مقتنعين بالقناعه ولايهمهم كلام الناس واقاموا فرحهم بالتواضع بعيد عن التكابر والغرور صدقونى يالهاشميات سوف تكون اسره مرتاحة البال لاتتحمل الديون ولاغيرها صدقونى تعيش اسره ذات سياده وسعاده مابعدها سعاده ( والفتاه تكون فى مملكتها دون ان يزيح عرشها ويظل حبها الاول والاخير هو زوجها وايضا الزوج يعتبر زوجته هى ( الحياه والموت ) ولايرى فى عينه احلى واجمل منها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ فكروا كثيرا فى امور التواضع وانا اقولها وبكل صراحه لابد من الوقوف امام الاسره فى طلب المهور والادار العجزه اولا لك ابحثى عن حياتك وسعادتك وان يكون شعارك ( العفه والشرف ) انت زجاجه اذا كسرت انتهى امرها لن يبصرها احد فكونى عاقله والمنطق هو عقلك والرجاحه هى السعاده وادعو الله العلى القدير ان يوفق جميع بنات المسلمين ويبعد عنهم شرور الحاقدين والذائبه المفترسه عند كل زباله ((((( اعرف ان فى البعض قد لايعجبه ماقلت ولكن رسالتى وامانتى اقولها ولله الحمد قلتها ))) |
رد: رساله لكل هاشميه رساله إلى كل إمرأه هذا من الأفضل ان يكون عنوانا لموضوعك .. ! هذه الأمور ليست مقتصره علي الهاشميات وحسب .. لماذا هذه النظره ..! لماذا هذا التحيز ..! لم تكن هذه الأمور تخص يوما قبيله معينه .. هي أمور عاديه روتينيه موجوده عند كل القبائل .. بغض النظر عن المهور والزواج والتكاليف هذا يرجع لكل عائله ونظرتها وليست لكل هاشمية ..!!! مع ان المهور الهاشميه اعتقد انها جدن عادله لا افراط ولا تفريط .. هناك عائلات تقبل وعائلات لاتقبل .. ومن حق الفتاه ليله الزفاف .. ليله العمر ولو كانت بسيطه .. لا بأس النقاط اللي ذكرتها هذه نظرتك .. يمكن أن تكون صحيحه ويمكن أن تكون خاطئه .. هناك حفلات كبيرة قامت وبعيدا عن المظاهر الزوجين كانوا فيها سعداااء للغايه ... السر مو بالقله او بالكثره السر بطبيعه الشخص نفسه .. باحترامه بتقديره للحياه الزوجيه .. هكذا تستمر .. ولو اان التكلف بالشي يزعج أحيانا ولكن ليست هذه المشكله .. المشكلة بالعقول .. يعطيك العافيه .. |
رد: رساله لكل هاشميه طرح يستحق النقاش شكرا بس أنا مثل حكاية احساس ضايقني العنوان ومثل رايها هذي رسالة لكل امرأة في العالم رايي بصراحة هذي ليلة العمر مايصير تكون كأنها عزومة عادية كنها حفلة نجاح وإلا حفلة ميلاد هذا زواج وهذي ليلة العمر أحلى الليالي من جواتي ما ابحب البذخ والاسراف وأخاف من المكابرة بس ليلة العمر طيب ايش نسوي أما المهر والذهب مو مشكلة أنا شخصيا أرضى بالقليل أما ليلة العمر مو متخيلة كيف تصير بيسطة |
رد: رساله لكل هاشميه إقتباس:
أنا مو هاشمية لكن ما يمنع اكتب رايي ايش ارفض كوشة وايش أرفض شرعة واي فرحة تنعمل في المنزل ليش مين قالك اغلبنا ساكنات في قصور حتى تعمل فرحتها في المنزل اي منزل بعضنا في شقق على قدنا كلامك مو مقبول ابد كل اخواتنا وقريباتنا وصحباتنا تزوجوا زي الناس والعالم وعايشين ومبسوطين هذي ليلة العمر الوحدة مو بتتجوز كل سنة عشان تقول لنا منزل واستراحة ومدري ايش لو كان كتب الكتاب ممكن نعملها في استراحة ونحط ديجي مو شرط مطربة بس الفرح لا مو ممكن |
رد: رساله لكل هاشميه ربما رسالتى وجهة للهاشميات لكونى هاشمى والموضوع هاشمى والمنتدى هاشميه ولاكتبت للحقد ومنترى ان تفسر الموضوع بطريقتها تفسرها كماتريد وكان عليكم قرات الموضوع كاملا لتعرفوا اننى قلت العامه ولى رد قادم لن هذا الرد فى وقت متاخر وكل واحده حره فى زواجها |
رد: رساله لكل هاشميه مو شرط ، راح أذكر لك قصتين زواج انتهت بالطلاق : الأولى : صارت من كثر الإسراف ، فيه عائلة سوت زواج مو هاشميين ، تخيل مع كل كرت دعوة للزفاف بداخل الكرت جنيه ذهب يعني قيمته 800 ريال × 500 كرت = 400 ألف تكلفة كروت الدعوه من غير الحفل و و و و و و ، وشهرين وبعدها طلاق الثانية : قبيلة مهر نسائها ريال واحد ، ليس تقليل بقيمة نسائها ، الموضوع عادة عندهم ، كان الزوج يقول لزوجته أنتي قيمتك مثل قيمة علبة البيبسي ، وراحت بيت أهلها وفي النهاية طلقها . ومثالين لاستمرار الزواج : الأول : زواج كل الفنانين حضروه وكل أنواع المبالغة فيه ولا زال مستمر . والثاني : زواج أقل من عادي وكله على بعضه ما كلف 10 ألف ولازال مستمر . الإسراف والصدقة : يمكن ماله دخل الموضوع بس ودي أبين نقطة : تخيل واحد يتصدق ب 200 ألف سنوياً والثاني يتصدق ب 400ريال لكن الأول عنده 10 مليون والثاني عنده 20 ألف ، مين الشخص المتصدق بنظرك ؟ أكيد راح نقول الأول ، لا ، الصدقة 2.50 % من مالك في السنة وشخص آخر غني أكل ببوفيه مفتوح وكان قيمة فاتورته 300 ريال وشخص آخر فقير طبخ له كيلو رز ب 6 ريال أكل نصفه ورمى نصفه مين المبذر بنظرك ؟ أكيد الأول ، لا ، الأول أخذ صحنه وأكل على قده ، والثاني رمى رز يأكل عائلة . والخلاصة : المال يجي ويروح والدنيا تدور ، يمكن البنت تاخذ فقير وربك يغنيهم ، ويمكن تاخذ غني وبعد خمس سنوات يكون فقير . بس إذا أخذت من ترضى دينه وخلقه فلحت غني أو فقير إنسان تحس معه بالأمان ، تعرف أنها غالية عنده ، تعرف أنه ما راح يتركها ، تعرف أنه بيعزها ويكرمها ، وبيحسن معها في العشرة طول العمر هذي هي الفالحة . الموضوع مو موضوع هاشميات فقط ، يمكن تلاقي واحدة ما تتفق بالرأي مع أختها ، هي تبي تسوي زواجها خرافي وأختها راضية بأي زواج <<<< ملقوف داخل عرض :36_1_8: تقبل مروري أخوي |
رد: رساله لكل هاشميه إقتباس:
جنية ذهب ههههااا هذا الزواج كان قبل لا يرتفع الذهب والا بعد ليتني كنت من ضمن المدعويين هعهعهع اقول يا العباسي وايش دراك ان عدد المعازيم 500 لا تكون تقرب لك ما عزمتنا الله يهديك والا يمكن عندكم محل طباعة كروت اغلب الزواجات اللي فيها اسراف زايد أو حتى مباهاة مو شرط اسراف تنتهي الزواجات بالفشل لما كنت في الثانوي اخو صحبتي متزوج بنت عمه والعمان كلهم أغنياء أبو البنت وأبو الولد وحطوا زواج مكلف ناسية وش حطو فيه بالضبط بس كانوا البنات يتكلموا عن زواجهم وفيه ومافيه آخرتهم كم شهر وتطلقوا عاداتنا في المهور 40-50 ألف والأكثرية ماشين على الأربعين احنا زواجاتنا عادية قصور عادية ما تكلف وطقاقات مو غاليات زواجات عادية مثل أكثر الخلق وهي ليلة العمر حتى الكوشة ما نخسر فيها مثل بعض العالم صحبتي الورد بس اللي على الكوشة معبي الكوشة ب 50 ألف يقدر الواحد ما يخسر في زواجة بس ما توصل للبيت او استراحة او يتنازل عن كوشة وشرعة مو معقول الا إذا كانت الاستراحة مثل الاستراحات الحديثة ما تفرق عن قصور الأفراح في القاعة والتنظيم وسعرها أقل . |
رد: رساله لكل هاشميه إقتباس:
اكيد كل وحدة حره في زواجها قاعدين نسولف ليش تضايقت |
رد: رساله لكل هاشميه إقتباس:
منذو مبطي صار الزواج وكنا مدعوين في الزواج بالرياض وكان زواج حضارم عايشين في أوروبا وسوو زواجهم بالرياض :) وكانت عندنا مؤسسة دعاية وإعلان بس خسرنا فيها وقفلناها ، هبلو فينا المصارية والشوام ، اعطي الخباز خبزه لو أكل نصه :6: |
رد: رساله لكل هاشميه لا والله البنت تبغى حالها حال البنات لما تقعد معاهم ماتحس نفسها اقل منهم أنا متحسرة على حالي ومقهورة زواجي كان في البيت وعائلي وديجي بيتنا كبير ويوسع بس برضوا ما أخذت راحتي في عزومة صحباتي وزفة زي الخلق :001:أنا من بين اخواتي المنحوسة وحدة من اخواتي تزوجت مرتين وكلها في قصور أفراح واختي التانية زواجها كان في أوتيل فخم أنا اللي كنت هادية ولساني مقطوع لعبوا علي واخواتي قويات حصلوا افراح زي بقية الخلق وكلهم سعيدات |
| كل الأوقات هي بتوقيت GMT +3. الساعة الآن 11:01 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Search Engine Optimization by vBSEO ©2011, Crawlability, Inc.