منتدى الهاشمية - مواقع تسوق للأطفال

منتدى الهاشمية (http://www.alhashemih.org/vb/)

- الهاشميات (http://www.alhashemih.org/vb/f42/)

- - مواقع تسوق للأطفال (http://www.alhashemih.org/vb/t11545/)

مواقع تسوق للأطفال

السلام عليكم ورحمة الله وبركاته

مرحبمبكم جميعاً هذي مواقع للتسوق عبر الانترنت وخاصة للأطفال ..

أنا بطبيعتي ما أحب الأسواق ولا أطيق زحمتها ولا دوشتها أكثر من ساعة في السوق يعتبر بالنسبة لي عذاب نفسي وجسدي :047: من شان كذا أفضل التسوق بالنت أريح وأجود وأرخص خاصة ملابس الأطفال اللي في الأسواق ما تعجبني والماركات تكون أسعارها مبالغ فيها خاصة أن الطفل يكبر بسرعة (يعني مايمديه يكرف القطعة ويحلل المبلغ اللي اندفع فيها :109: .. )

اختاروا من القائمة Toys, Kids & Baby

وابحثوا على راحتكم راح تلاقوا أشياء أسعارها مناسبة وبعضها تعتبر رخيصة وجداً رائعة :36_1_11:

أول رابط الأمازون أظن مافيه أحد ما يعرف الأمازوم ((بتاع كلوو:004:))

http://www.amazon.com/

http://www4.jcpenney.com/jcp/default.aspx

http://www.gap.com/browse/division.do?cid=6344

http://www.please-mum.co.uk/

http://www.mimmo.com/

http://www.shopestyle.com/

http://www.childrensalon.com/

رد: مواقع تسوق للأطفال

فكرة حلوة هشومة

وحدة من زميلاتي تقترح عليا نشتري من النت

بس مو عارفة كيف الطريقة

وكيف ممكن يوصلوها ؟

صادقة اكيد بتكون أسرع واريح وارخص :004:

في السوق مثلا تلقين حاجة 180 فجأة تصير 65 ريال بعد فترة بسيطة

تلاعب بالأسعار

انتي مثلي ماااحب ابدا الزحمة بالسوق اطفش واضايق واكره اليوم اللي طلعت فيه السوق بس مضطرة :szok:

اشوى خلصنا وقضينا ملابس العيد :muza:

رد: مواقع تسوق للأطفال

الطلبيات من النت يبغالها خبرة

احنا متعودين أوقات التخفيضات نلملم اللي يعجبنا حتى لو قبل العيد بفترة طويلة عادي ما يضر

نجمع من التخفيضات ونركن في الدواليب

الماركات إذا سوت تخفيضات تلاقين أشياء تجنن ورخيصة

رد: مواقع تسوق للأطفال

إقتباس:

المشاركة الأصلية كتبت بواسطة ""بنت الزهراء"" (المشاركة 54145)

فكرة حلوة هشومة

وحدة من زميلاتي تقترح عليا نشتري من النت

بس مو عارفة كيف الطريقة

وكيف ممكن يوصلوها ؟

احنا من زماااااااااااااان متعودين نطلب قبل النت أيام الكاتلوجات نختار وخالي يساعدنا يطلبها وتوصل على البريد أيام زمان ماكان فيه بضائع وأسواق مثل الآن خلاص تعودنا نجيب من برا حتى لو نفس الأسعار الخامة تختلف خاصة الملابس الشتوية جودة شئ مو طبيعي وكل ما تغسليها ترجع تتجدد والله عندنا جاكيت توارثته الأجيال هههههههههه طفشنا من شكله وكل مرة نغسله يرجع كأنه جديد الآن الملابس غسلة غسلتين يا تنمش يا تهتري ..!

كان عندنا كاتلوج نتعامل معه روووعة فجأة تغيرت خامته لاحظنا على الملابس مو نفس الجودة نفس الشكل لكن الجودة اختلفت طلع ايش الطرد واصلنا من الأردن مع انو كان زمان يجي من أمريكا ما أدري ايش سالفتهم عاملين لهم مصنع في الأدرن أو ايش ؟ المهم تغيرت الجودة تماما وبطلنا نجيب منهم ..

حتى لو الأسعار غالية أو تبغي ماركات جيبي من برا أعرف وحدة من صحبات أختي شارية شنطة سفر ماركة إلا بعد فترة انكسرت كفراتها استغربت في الآخر اكتشفت إنها مو ماركة حتى المحلات الفخمة أنا ما أثق فيها طالما أنها هنا ..

كل شئ نحاول نجيبة من برا سوا غالي أو رخيص ..

الطلبيات يبغالها تعرفي لغة حتى تقدري تطلبي ويوصلوا على البريد بس نصيحة لا تستخدمي بطاقات فيزا أو بطاقات فيها رصيد كبير لأنك راح تنسرقي وأحيانا كل فترة تلاقي رصيدك ينقص .. استخدمي بطاقات خاصة بالنت عبيها فقط بالمبلغ اللي راح تطلبي فيه أو أي مبلغ بسيط ..