|
طريقة عمل كبسة اللخم أهم مافي الموضوع اللخم ..طبعاً الله يعينكم عالريحة بس صبر ..:001: اللخم لما تشتروا كمية كبيرة منه تغلوه في مويه وبعدين تنظفوه وتشيلوا الجلد منه بكل سهولة وتحطوه بعدين في علبة بالفريزر وكل ماشتهيتوه مع فتة لبن أو فتة الموز تسنخدموا على قدر الحاجة .. .. دحين خلاص اللخم نظيف ..تنزلوه من الفريزير وعشان يصير طري حطوه بمويه .. وعلى بال مايلين حطو الكشنة(التقلية) المعتادة اللي تحبوها اللي هي عبارة عن : بصل.. بهار مشكل.. بقدونس (اذا حابين ) وبعدين تحطوا اللخم وتخلوه يتكشن كويس.. وبعد كذا ياأما تشلوه وتحطوا الرز ياأما تخلوه جوا الرز .. وبعدين توصل الريحة للنخاشيش حاجة جونان ..وطعم مرة مرة مرة لزيز ..:36_1_11: ولاتخافوا من اللخم تراه سمك والله بس ميت من زمان ومملوح ..:36_7_8[1]: والله نفسي انزل الصورة بس ماعندي جوال كاميرا للأسف .. ودحين اذا شفت تفاعل مع ذا الموضوع راح أنزل طريقة العصيدة الحضرمية .. (عصيدة بالتمر ) |
رد على: طريقة عمل كبسة اللخم أول مرة أزور المطبخ وما لفت أنتباهي كلمة (اللخم وهي قريبة من لللحم) واللخم يا بنتي: أكله أحبها ولا أكلها بإستمرار ولكن أول مره أعرفها مع الرز ويسون اللخم مع الصلصل الذي أفضله أنا وهو لذيذ جدا بس معرفله ومشكورة يابنتي: ويبيلي أزور المطبخ عشان أتعلم الطبخ خصوصا الأكلات الشعبية أموت فيها طعمها يهبل ومشكورة على الطبيخ وعلى قولتك بدون صورة أزين كان كسرت الشاشه بارك الله فيك |
رد على: طريقة عمل كبسة اللخم أنت الوحيد اللي أعطيت الموضوع وجه ..هههههههههه ماعليه شكلهم الجماعة انكتموا من الريحة قبل مايخشوا ..:047: اللخم اللي بتقول عليه في الصلصة اسمه عندنا (صانة لخم) بس صرنا نقوله ايدام لخم .. وهذا طريقتة سهلة مرة ..وينأكل عندنا في حضرموت مع (البرواتة ) اللي هو زي الفطاير حق الهنود بس أحلى طبعاً لول وبعدين ترا الكبسة اللي كتبت عنها ياأخ شيبة تقدر أنت تسويها مع مراقبة الأهل بس أهم شي اللخم ومين اللي حينظفه ؟ واذا عزمت تشتريه وتخلي الأهل ينظفوه لاتقولهم عضوة قالتلنا عالوصفة اسمها قمر عشان محد يدعي علي ..:36_1_21:.. |
رد على: طريقة عمل كبسة اللخم أولا / يابنتي وأختي الطبخ مشروع كبير ويبيله تركيز والتركيز عند الحريم على قولة البدو الله يهديهم وعندنا نقول لهم الشرائف أي بالجمع ثانيا / بالنسبة في عدم الرد صدقيني اللي زاروا (أكثر من 24) زائر وزائره وهذا شهادة لك يا أختاه ونجاح فيه ناس تكتب المقادير وتلخبطوا بدل ما يردون راحوا يطبقون الطبخه الزينه (الشعبيه) بسررررررررررررعة قبل (!!!!:) ) المهم يوم شبعو أفتكروا أنهم ردوا هما كدا وأنتي ست العارفين ثالثا / وبعظهم أعذريهم ماعندهم نظر قولتي ليه ؟ عشانهم من محبين الحلاء يفتكرون الحلاء يحليهم زيادة !!!!! رابعا / بالنسبه لردك والله أني مت من الضحك على هالزائرين بيني وبينك ماعندهم نظر:D :6: خلاص دحين أرتحتي والا كمان أفش غليلي ؟ خامسا / دائم أهلي جنبي ولله الحمــــد أما يرفعوا عليك دعوى ما صارت على قبل كذا المهم بس عشان أوضح لك بعض ما ذكرت وطبخاتك تجنن وراح أغامر وأسويها والجميل شرحك في سهل ومفهوم ومشكورة الله يجبر بخاطرك سمعتي المثل اللي يقول بارك الله من زار وخفف تعالي بوش في وذنك أكثرهم دببه بس ماتقولي لحـــد ! يفكروا أنهم فالحين مع الحلاء والله الفلاحه بااااااااا ينه هههه:confused: مايعرفوا أكلات بحريه كيفهم هاؤلاء زاروا وخذوا الفائدة ههههههه |
رد على: طريقة عمل كبسة اللخم ما فيه وقت نرد .... فتحت فمي وتنحت أنا بس تخيلت الرائحة تدودهت يسلمو شيبة الحمد .. أكثرهم دببه خخخخخخخخ أحس أنك صادق |
رد على: طريقة عمل كبسة اللخم بلقيس مشكورة عالمرور .. الريحة جابتك هههههههههه |
رد على: طريقة عمل كبسة اللخم هذا الطبخ ولا بلاش والله من زمان عن اللخم إن شاء الله أخلي الوالدة تصلحه قمر بن هاشم يعطيك العافية |
| كل الأوقات هي بتوقيت GMT +3. الساعة الآن 09:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Search Engine Optimization by vBSEO ©2011, Crawlability, Inc.