|
البامية الويكة شفتكم حبيتو الكفته المصرية قلت اكمل لحبايبي اكلاتي من المطبخ المصري نقلته من منتدى ستات مصر البامية الويكة مش عارفة في حد يعرفها ولا لاء اصل ديه اكلة صعيدي شحط محط جدتي ام ابويا الله يرحمها هي اللي معلمهالنا اصل جدتي ام ابويا صعيدية فمعلمانا الاكل الصعيدي اللي علي اصوله و ام امي الله يرحمها فلاحة و معلمانا اصول الاكل الفلاحي فإحنا كده نكون عملنا زي مينا موحد القطرين ندخل علي الويكة بأه و بلاش رغي الموضوع سهل خاااالص و بسيط نجيب البامية الكبيرة ديه http://3.bp.blogspot.com/_rITz10k8SZ...0/images87.jpg ونقمعها عااادي جدا و نقطعها بالشكل ده http://2.bp.blogspot.com/_rITz10k8SZ...1229816095.jpg و بعدين نحطها في شوية ماية و عليها شوية ملح صغننين علي النار بس شوي ماية كتير و بعد ما نحس انها طريت و استوت نركنها علي جنب لحد ما تبرد و بعدين نحطها في الخلاط جدتي كان عندها عصايا بشكل معين كده اسمها مفركة كانوا بيستخدموها علشان يفركوا البامية بحيث البامية تكون مفروكة مش مطحونة في الخلاط بس بصراحة انا ماحبتهاش كده الخلاط بيخليها انعم و احسن و بعدين تزوديلها شربة و تضربي تاني زودي شربة لحد ما قومها يكون عامل زي قوام الملوخية و حطيها في حلة و حطيها علي النار تاني علشان تاخدلها غلوة واحدة و تطفي عليها و في اثناء ذلك تكوني محضرة شوية ثوم علشان تعملي الطشة او التقلية زي بتاعة الملوخية بالضبط ثوم و ملح و فلفل و كسبرة ناشفة مطحونة ناعم و تضربيهم في المطحنة او الهون زي ما تحبي و تجيبي طاسة و تعملي الطشة ديه بالسمن البلدي طبعا و تحطيها علي البامية الويكة اللي في الحلة و تقلبي كويس و تتغرف في سلطانية و ممكن يتحط عليها ليمون بعد ما نغرف بيديها طعم حلو برضه وصحة وعافية |
رد: البامية الويكة إقتباس:
ايووووووووووووووووووووووووه اهي دي الاكله الي بترم العظم مشكورة يا ست الكل ما ننحرمش تحياتي |
رد: البامية الويكة اول مرة اسمع فيها آكلة صعيدية قح ودي اجربها بس يا ترى تعجبهم يا خوفي لا يقولوا لي اشربيها انتي :035: تسلم ايدك ام البنات احلى ست بيت مو متلنا دوبنا تعرفنا على طريق المطبخ |
رد: البامية الويكة ايوه حبينا الكفته المصرية وان شاء الله نحب الباميا الويكة يسلم ايدييييييك ام البنات |
رد: البامية الويكة أحب الباميا مع الرز الأبيض راح أجرب الطريقة هذي ممكن تكون طعمة تسلم الأيادي |
رد: البامية الويكة مشكوريييييين على مروركم مطبخي المصري لااازم كووووووووووووووووووووووولكم تجربوها لذيذة أووي على مسؤليتي صلحتها اكثر من مرررررة لزوجي وبناتي وكمان صلحتها عند اهلي عجبتهم كولهم والآربعاء الجاي عازمة صحباتي ابعملها ليهم ان شاء الله |
| كل الأوقات هي بتوقيت GMT +3. الساعة الآن 02:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Search Engine Optimization by vBSEO ©2011, Crawlability, Inc.