|
مشكلة مشكلة ,,أريد حلا!! السلام عليكم ورحمة الله وبركاته أنا فتاة عمري 21 سنة مخطوبة (ملكة ) منذ عامين وزواجي بإذن الله تحدد ,, مشكلتي هي زوجي أو خطيبي زي مايقولون وعمره 28 ,,, مو عارفة أتعامل معاه ,,مع إنه نسيبي بس ماادري وش يرضيه صراحة الرجال تقليدي ويبغى المرأة بصفات معينة وأنا و الله الشاهد عليي حاولت أتغير عشانه ,,يعني مثلا يحب طريقة معينة بالحجاب, ليس مثل ماتعودت عليها وغيرتها ,, عصبي جدا وأنا عصبية مااعرف أتعامل معاه ,,, وأعاني من قلة بالعاطفة المقدمة لي ,, يعني أحس تعامله معاي مو كأي مخطوبة كلام حلو نادرا إن لم يكن قليلا جدا هدايا نااادرا جدا ,,كنت اقدم له ,,بس ماحسيت أنه يهتم بها فصرت ماأهديه لما اقول أني متضايقة بالدراسة وضغط الأمتحانات لاسيما إني أدرس طب (يقول يعني مكلمة عشان تشتكي لي) أنا أكون مكلمة أبغى حنانه وحبه كأي أمرأة تطلب رجال في هالموضوع بالذات وفي حالات التعب مثل ماهو لما يكون تعبان يطلب مني أني أقدره وأعذره واريحه قلت إن السبب قد يكون من المشاكل الكثيرة اللي صارت بيننا وكرهته فيني ,,,بس بجد أنا تغيرت أشياء واجد أحاول أرضيه فيها,, لكن هو ماينسى يقول لي أنتي قبل سنة قلتي كذا ,,, أو سويتي كذا يعني حتى لو فكرت أن اتغير يظل يذكر كل أخطائي البسيطة بنظر أي انسان طبيعي والعظيمة في نظره و الله انا مثقفة وأقرأ كتب وكتب دينية وأتناقش مع الناس وعندي أهل متفهمين ,,حاولت بقدر الامكان أحل مشاكلي ,,عشان أحافظ على زوجي ,, بس مافي فايدة أنا من النوع اللي أقرأ روايات كثيرجدا وأعتبرها مثل الهواية في أوقات فراغي مثل أي أنسان عنده هواية ,,صار يقول لي أن سبب تفكيري العاطفي هي الروايات وهي اللي تخرب البيوت ويحاول بطريقة أو بإخرى يمنعني منها أو من أتكلم كلمة يقول هذا اللي استفدناه من الروايات,, أحس روحي محطمة ,,تعبت كثير عشان أحافظ عليه,, وصرت أفكر بالطلاق لأن أنا وحدة أفكر بالعاطفة يقول عني بالرغم أني عقلانية كثير ,, وهو واحد شرقي يقول يستحي يعبر عن عواطفه ومايعرف يقول لزوجته أحبك لما قلت له خلاص لو مافي حل نتطلق ,,, قال شيلي هالفكرة من بالك أنا ماتزوجت عشان اطلق ,, أنتي لازم ترضي بزوجك مثل ماهو وتحاولي تغيري نفسك لين ماترضيه ,,أصلا هذا المرأة الكاملة ماقول ماعنده ايجابيات بصراحة يعتبر كريم على قد حاله ,, مثقف بدرجة كبيرة ,, أحسه على نياته في بعض الامور ورجال أثق فيه ومتدين وأشعر بحبه بعض الاحيان اللي أكون فيها اسعد مخلوقة بالدنيا خايفة من حياتي القادمة ,, أنا وحدة بكرة أكون في مستشفى ودوام وبيت وأولاد لو ماحصلت لي الراحة الزوجية اللي مو لايقيتها أحين هل بقدر أسير بيت كامل ,, أنا طرحت المشكلة لأني أبغى مساعدة ,, هل أنا غلطانة أن واصلت لهالوقت معاه ,,أو هو الغلطان ,, لو كنت غلطانة وشو غلطي وش لازم أسوي ,,, أدعوا لي بالحياة السعيدة معه |
رد على: مشكلة مشكلة ,,أريد حلا!! عزيزتي : حطي ببالك ان الزواج مو كلام حب طول الوفت الحياه مد وجزر طبعا وشد يفيد بالرجل اذا كان لسانه ينقط عسل وهدايا ومادري ايش وأخلاقة زفت ومهمل بعيالة وبيته وزوجته ومثل ماقلتي انه مثقف وطيب واخلاقه عاليه والله هذا اهم شئ وخلي عنك كلام الروايات لأن كلها خيال مالها حقيقه ونصيحة مني قللي من قراءتها خاصه الرويات الرومانسيه لأنها لاتودي ولاتجيب وضرها اكثر من نفعها حاولي تشوفي وين الغلط بالضبط وعدليه يمكن فيك ومو حاسه حاولي تسأليه وش الي يعجبه ووش الي يكرهة على شان تكوني على وعي غيري من طريقة اسلوبك معه حاولي تسمعين كلامه لأن الرجل يحب المراءة المطيعة ولسيت الهبله الي تطيعه بكل شئ على حساب كرامتها .... وترى العصبيه الزايده هي سبب المشاكل حاولي تمتصي غضبه اذا عصب اضحكي معه غيري الموضوع حتى ولو كنتي معصبة اكثر منها ... اسئليه اذا هو يحبك ويبغاك تكوني زوجه له وام لعياله او انه يبغى يتزوج والسلام بغض النظر عن الأشياء التانيه وشيلي فكرة الطلاق من راسك حتى ولو كنت تفكري فيها لاتعودي نفسك عليها حاولي تتئقلمي مع الوضع الي انتي فيه ولاتقولي له انك تبغى تتطلقي لأنه بيعتبره نوع من التهديد ............ وانتي مثل ماقلتي ان زواجك تحدد ومملكة من سنتين يعني توك تشوفين اخطاءه وينك عنها من زمان مع ان الأشياء الي قلتيها مأعتبرها اخطاء !! المووهم ماعلينا لأن مو هذا وقته ,,, عزيزتي حطي ببالك انك اذا تطلقتي راح تصيرين من عداد المطلقات وحطي تحت كلمه المطلقات الف خط يعني راح تخسرين اشياء كثيره وانتي مالك ذنب وفي عز شبابك هذا من جهه ومن جهة اخرى انك قلتي انك تدرسين طب يعني لو احد راح يخبط راح يحسب الف حساب لانك بتكوني مشغوله عن بيته وعياله لأن الطب يبغاله وحده متفرغه واستخيري مره ومرتين وعشر على الأقل يكوون الطلاق بهذي الفتره ولاالطلاق بعدين .... والله يوفقك يارب |
رد على: مشكلة مشكلة ,,أريد حلا!! كان الله في عونك أوف !! كلمة طلاق مريعة .. جبارة .. أبغض الحلال وكثيراً يقولون "الطلاق مشكلة تحل مشكلة" يمكن بطلاقك تحلي المشكلة المعروضة الآن ويمكن عكس ذلك .. نصيحتي الآن لكي هي : الاستخارة صلي صلاة الاستخارة واقرأي دعاءها (تجديها في حصن المسلم وكتب الأذكار) وكرري الصلاة كثيرا إلى أن يستقر قلبك على شئ وعسى أن تكرهوا شيئا وهو خير لكم ولي عودة بإذن الله أسأل الله أن يفرج لنا ولكي ويسعدنا دنيا وآخرة تقبلي تحيتي |
رد على: مشكلة مشكلة ,,أريد حلا!! عزيزتي لقد تضمن تعليق (بعض من كل) نصائح قيمة جدا كما نصحتك الهاشمية القرشية بالإستخارة وأنا أنضم إلى مسألة الإستخارة مع الأخذ في الإعتبار النصائح المقدمة لك سلفا وقد قال النبي عليه الصلاة والسلام: إستفتي قلبك وإن أفتوك وإن أفتوك وإن أفتوك |
| كل الأوقات هي بتوقيت GMT +3. الساعة الآن 09:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Search Engine Optimization by vBSEO ©2011, Crawlability, Inc.