|
" مشاكل وحلول " السلام عليكم ورحمة الله وبركاته .. أخواني واخواتي ..رأيت في هذه الفكرة مخرج لبعض المشاكل ..وان شاء الله تلقى القبول لديكم ويثبت الموضوع لأهميته .. هناك مشاكل قد تعرض علينا من المقربين والأصدقاء ونقف عاجزين عن حلها او لانستطيع الأدلاء بآراءنا كوننا قليلين الخبرة في الحياة .. ولذلك أحب أن يكون هذا الموضوع طرحاً لأي مشكلة اجتماعية ونلتمس لها الحلول فبيننا من له باع في الحياة وبيننا ذو عقل راجح ..وماخاب من استشار ..وبالتأكيد ستكون المشاكل سطحية غير عائلية متعمقة لأن البيوت أسرار ..:) |
رد على: " مشاكل وحلول " ببدأ بنفسي ..وياليت الاقي عند المدرسين والمدرسات وأهل التربية والتعليم حل للمعاناة .. عندي أخ الله يصلحه انا بفهمه بعض المواد زي الرياضيات والأنجليزي ..لما بشرح يطالع بالسقف ومايبغا ينتبه ولو عصبت مافي نتيجة ولو ضربت يضحك ..ولو سبته امي راح تزعل ..:mad: كيف اقدر اوصله المعلومة واخليه ينتبه ويلتزم وقت الشرح ؟ مع العلم اني درست اخواني اكبر منه قبل ويفهموا مني الحمد لله ومافي اي مشاكل ..:36_1_4: |
رد على: " مشاكل وحلول " السلام عليكم ورحمة الله وبركاته موضوع جميل وفكرة راائعه انه يكون هناك ترابط قوي بين الاعضاء بطرح مثل هذه الافكار اختي العزيزة انا اعتقد ان طريقة الحرماان ماا استخدمتيها معه جربيها ورااح تلاحظين الفرق احرميه من كل شيء يحبه حتى ينفذ اللي تبين واذا نفذ اعطيه طلبه هذا مجرد راي لا اكثر وانا مستخدمه مع اخوي الزغار ومااشي تماام ههههههههه واما عن الجميع فلابد ان كل وااحد لدي مشكل فهذه الدنياا تطال الجميع وانا اولهم ولكن ننتظر حتى نرى ماا ذا يجري مع اول مشكلة حتى نجد الحل دمتم بود |
رد على: " مشاكل وحلول " فكرة روعة ههههههه أعجبني هذا التنبية يعني ترا العيب مو فيني . مع العلم اني درست اخواني اكبر منه قبل ويفهموا مني الحمد كيف مستواه الدراسي عاااامة ؟ وكيف مستواه الدراسي في هذه المواد بالتحديد ؟ أنا من وجهة نظري لازم أعرف التفاصيل لأنه ممكن كرة لهذه المواد بالذات فيكون العلاج غير لما يكون ضعف عام في جميع المواد . |
رد على: " مشاكل وحلول " بداية شكرا قمر على طرح الموضوع وحلو أننا نتساعد على حل مشاكل بعضنا لأننا أفراد أسرة واحدة . الله يكون في عونك الولد شقققققققققققققيييييي . الولد شكله ما يحب هذي المواد ويبغى يطفشك بأي طريقه طبعا يضحك لأنه حقق اللي يبغى وهو تطفيشك . على العموم هو يبغى له سياسة من نوع خاص حاولي بشتى الطرق والله يكون في عونك استخدمي أسلوب التشويق رفع المعنويات الجوائز المدح عند الآخرين إذا فهم شئ حتى لو شئ بسيط لا يذكر أمدحيه عند القاصي والداني (في البيت) وهو يسمع يمكن يتشجع يمكن يكون من النوع اللي يحب الشهرة والأضواء. ووووووووووووووو وبس هذا اللي يحضرني |
رد على: " مشاكل وحلول " إقتباس:
انتا عشانك راجل تقدر تحرم ..بس يصير خير .. وشكرا عالمرور وابداء رايك ..وانا بفكر احرمه من الكلام معي لأنه حيموت لو ماتكلم ...:D |
رد على: " مشاكل وحلول " إقتباس:
مستواه متفوق ونسبته عالية ومن الاوائل على مدرسته ..في الانجليزي مع العصيدة اللي نسويها قبل الامتحانات يجيب درجة ممتازة بس ضروري ينقص ..اما الرياضيات عشان فيها تركيز قوي وماينتبه لي.. يجيب جيد جدا وتكون هي المادة الوحيدة اللي نازلة درجتها في الشهادة .. ويالله الاقي حل عندك ..:001: |
رد على: " مشاكل وحلول " إقتباس:
بس رفع المعنويات ماعتقد يحتاج هو شاطر ماشاء الله بس المادتين هذي مطلع روحي معاه .. الجوائز ..برضها فكرة بس انا بهديه بعد النجاح كتشجيع له ..يعني يبغالها ميزانية !:D المدح!!!!..بس والله مابيفهم الا لما تطلع روحي ..يعني اكذب على نفسي وعليه ويشوف نفسه عليا ..:mad: انا بجرب الجوائز يمكن تجيب حل ..ومشكورين كلكم عالحلول وياريت تطرحو اي مشكلة ..عشان نناقشها:020: |
| كل الأوقات هي بتوقيت GMT +3. الساعة الآن 08:47 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Search Engine Optimization by vBSEO ©2011, Crawlability, Inc.