|
قصيدة تجرح القلب </span> تــدري وش اللي يجرح القلب جرحيــــن ويمـــد حبــــل الحـــزن فيـــك ويشــــــده انـــك تناظــر طفــل مـن غيـــر ابويــــن يمشــــي ودمعــــه سايــل فـــوق خــــــده منظــر صعيـب ويقســـم القلب قسميـــــن لا قــام يمســــح دمعـــــه بكــــف يـــــــده يمشـي ولا يــدري طريقــه علـى ويـــــن ليــن التعـــــب من كثـــر ماتــــاه هـــــده اثقـــل حـــروف يشيلـهـا فـيـــه حرفيــــن لا أب يــــــدري بــــــــه ولا أمٍ تـــــــرده في خطوتــه رحلـــة ودمعـــة وسـكيـــــن وحــــــظ توســــد بالمــراســـي مـخـــــده جيــت اسألـة باللـه قـللــي ولــد ميـــن ؟؟ وبغــى يجــاوب .. واختنــق صــوت رده أنـــا يتيـــــم ومــا لدربــــي عنــاويــــــن وجــــزر الحـــزن فينــي يســـاوي لمـــده وطعــم الطفولــــة ما عرفتـه لهـا لحيــــن وثــوب السعــــادة صـــرت مانيـب قــــده ابكــي إلـــى من شفت غيــري سعيديــــن ليـــن البكــــــا فينــــي يوصـــــل لحـــده واقفـــى ورحت امسح دموعي من العيــن وعينـــــي تناظــــر دمعتـــه فـــوق خــده وهذا اللـــي يجـــرح القلــــب جرحيــــن ويمــد حبـــل الحــــزن غصـب ويشــــده |
رد: قصيدة تجرح القلب شعر حزين ومعبر ويجمل مشاعر انسانية عظيمة سلمت أناملك الذهبية دمتي بكل حب وعطاء |
رد: قصيدة تجرح القلب شعر مؤثر وصح لسانك يعطيك العافية |
رد: قصيدة تجرح القلب وطعــم الطفولــــة ما عرفتـه لهـا لحيــــن وثــوب السعــــادة صـــرت مانيـب قـــــده يااااااااااااااااااااااااااااااااه يقطع القلب شكرا يا مبدعة |
| كل الأوقات هي بتوقيت GMT +3. الساعة الآن 08:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Search Engine Optimization by vBSEO ©2011, Crawlability, Inc.