|
رد: معاتبة الحبيب أهون من فقدانه مشكلتنا نسامح وقلوبنا طيبة :( حصل لي موقف وندمت اني سامحت وراح اسامح واسامح بس الى متى؟ :mad: ماقدر ازعل على احد فترة طويلة خصوصا من ناس احبهم وجرحوني :047: تقدرين توقفيهم عند حدهم اذا طنشتيهم وماكلمتيهم بس بالأخير تضعفي وتسامحي :( الله يسامحهم شكرا هشومة ع الموضوع |
رد: معاتبة الحبيب أهون من فقدانه السماح حلو ويرفع من المقام بس اعتقد إذا واحد خانك وخصوصا بمشاعرك صعب تسامحه ولازم تسمع الشاعر اللي يقول كان حتة منك ، بس اتخلى عنك ، مادام أنجرحت أدفن ذكرياتك واشطبه من حياتك وما تبصش لتحت تخيلو كنا قروب واحد يمكن ستة أشخاص درسنا مع بعض نروح ونتمشى مع بعض ونسافر مع بعض استمرت صداقتنا من عمر 12 سنة إلى 25 سنة كنا ما نمل من بعض نجلس بالايام مع بعض ومانطفش المهم جات فترة وتقريباً عمرنا بالعشرين تخاصمت أنا وواحد وماكان فيه أحد من العيال الباقيين وصرنا مانكلم بعض نهائياً بس نجامل بعض قدام الباقيين بالسلام فقط جلسنا اسبوعين ، وعرفو كل العيال أننا متزاعلين مع بعض ، والله كلهم حاولو يصلحونا ماعرفو ، جلسنا سنتين أو ثلاث سنوات بعدها ونحن على نفس النظام نطلع مع بعض ونروح الاستراحة والشقه مع بعض ونسهر مع بعض بس بيننا سلام وعليكم السلام ومايدق علي ولا أدق عليه ، العيال خلاص وصلو لمرحلة أنهم نسو موضوع زعلنا وتعودو عليه وماودهم يتدخلون المهم بيوم من الأيام كنت بالشقة لحالي وشوي وهو يدخل علي وتأخرو العيال وكنا نتابع التلفزيون وكان الريموت عندي واقفل التلفزيون أبيه يتكلم وماتكلم بس جلس يلتفت علي ويتبسم ، وأنا اتبسم له ، والله يا ناس كلمتين ونسينا كل اللي صار ، أنا قلت له يافلان (( صافية لبن )) ورد علي وقال صافية ، وصار يسألني يقول ليه يوم العيال يقولون بنصلح وأنت تقول لا ، وأسأله نفس السؤال ، وإجاباتنا وحده كل واحد يقول للثاني كنت أبيك أنت اللي تعتذر وكل واحد راكب رأسه إبليس ، المهم اتفقنا أننا ما نعلم أحد وخصوصاً أصحابنا اللي معنا وش اللي صار وأول ما دخلو علينا جلسنا شوي ، وشوي هو يذب علي وأنا أذب عليه ، والعيال مصدومين لدرجة أنهم ولا واحد تكلم يخافون يتكلمون ويخربون علينا ، وبعدين كل يوم واحد يجيني وش صار وكيف صلحتو مع بعض ؟ وأنا مو راضي أعلم وهو مو راضي يعلم ، الخلاصة إن بعض الزعل حتى لو طول أحيان وحتى لو تدخلو فيه ناس ويبون يحلونه وما انحل ، مو معناه إن الموضوع كبير وصعب ، أحيان الموضوع يكون كبرياء ولازم واحد من المتخاصمين يتنازل ، ومع مرور الأيام راح يلاقي الشخص اللي تنازل وجاء يطلب السماح من صاحبه كل إحترام وتقدير ويحافظ عليه أكثر ويحاول يتجنب الاشياء اللي تزعله ، ويمكن يتمنى أنه هو اللي بدأ بالسماح شكراً يالهاشمية على الموضوع |
رد: معاتبة الحبيب أهون من فقدانه مقال روووعة وهذي هيا الخلاصة وقدرتنا على السماح تختلف باختلاف الجرح الذي تعرضنا لــــه |
رد: معاتبة الحبيب أهون من فقدانه يستوجب العفو الفتى اذا اعترف ***وتاب عما قد جنــاه واقترف إذا اعترف وتاب على عيني وراسي المشكل في اللي يخطئ ويتمادى ينطيبق عليه المثل شين وقوي عين :mad: يسلمو هشومة على أحلى مقال |
| كل الأوقات هي بتوقيت GMT +3. الساعة الآن 03:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Search Engine Optimization by vBSEO ©2011, Crawlability, Inc.