منتدى الهاشمية

[

الدكتور

گال لي الدكتور ارد اكشف عليك وارد اشوف عيوب البجسمك شگد
عيونك من الظيم غطاها الغباروصار عشر سنين باليها الرمد
والجروح البلگلب ماتنحسب وفكرت احسبها بس ضاع العدد
ظلوع صدرك كل ضلع ملوي بصوبوكل ضلع مختلف مايشبه احد
حتى گلبك واگع بنص الضلوع يطيح كل ساعه بكتر ماله سند
من اشوف العافيه ابچي عليك وانا ادري بيك لابت لاولد
وحتى شريان الگلب مملي جروح وابد مو مضمون چم ساعه وخمد
الناس كل دمها سريع ويمشي حيل وانت من دون الخلگ دمك جمد
واليشوف الحال يتحسر عليك وهمه مايدرون كل جسمك عمد
گتله سولف والنتيجه ياطبيب گال صدكني فلا تنفع ابد
تحسر وجر له جگاره وگال گوم ومن كثر ماتعب من فحصي گعد
ماتگلي شنهو الباقي واشوف؟ مااظن تفيد بالدنيا بعد
انت ميت لكن تغطيه اهدوم لكن اصبر هذا مكتوب ووعد
حتى لو هيكل العظمي ماتفيد ولو يجي التلميذ بس شافك شرد
والله غير الموت ماينفع علاج والعمر مكتوب مايعبر الحد
وين اهلي وين اخوتي والصديج لومتت ماريد من يلطم الخد
لان بالدنيا عشت وحدي غريب والحزن شيفيد لو صرت بلحد
سامحوني خاف طولت الكلام لكن شنفع المريض اللي رگد