منتدى الهاشمية

لبوة
ياثكلة بضميري والليالي شهود غفت حدر الظلع ماتقبل الشكوى00
اسولفها على الشمات من يحچون مايدرون لو طش الخبر بلوة00
علامات العشگ بالعين مرسولات تركن بالگلب عن الهجر سلوة 00
يسألني الفطير الماعرف بالحال ويگللي على كيفك شنهي هالبلوة00
مايدري الگلب عطشان من سنين لو بالنيل يغرگ مااظن يروى00
حرمان الشباب يعيش وي الروح شگد تعذب وماحصل اليسوة00
هام على البراري يريد حل للشوگ فتش بالوجوه ومالگه الحلوة00
يشوف الناس كلها معيده بعيدين بس هوه الوحيد اليبچي عالخوة00
يسئل عل الكحل هاي العيون منين مايلگه جواب وياكل الگوة00
ولك حتى الجواب الناس تبخل بيه ماشفنه سؤال بحاجة الرشوة00
مو ضلت همومي تفيض منها الغيض واحس روحي على بعدك دوم ماتقوى00
مد ايدك بروحي وشوف حالي شلون لان فرگاك خلف باگلب حصوة00
ويجيك الماعرف يحچي00 ويدمر الروح ولك شتريد يالماتعرف النخوة00
لاتعتب علي مو اكشف المستور لان انا الوحيد اللي اعشگت لبوة00
ابو حيدر الشريفي

2011/7/8