منتدى الهاشمية - بلبل فلسطيني

بلبل فلسطيني
6
الاهداء الى
طفل عراقي مهاجر حصل على بلبل فلسطيني وبين ليلة وضحاها فقد البلبل فبكى بكاءا كثيرا عند فقدانه لذلك جعلتني تلك القصة ان اسطرها بابيات من الشعر القليلة

بخل عني الشعر من گتله واسيني000 وخلاني اوزع للهوى سنيني
ووزعت الدموع لخاطره توزيع000 وبعد ماظل عشگ مثله اليبچيني
وشتلت سنين عمري بالجرف شتلات000 واذا نسم علي عطوره تاذيني
سگيته من الدموع ومابخلت عليه 000 وخفت من العطش بالصيف يلويني
زحت منه الشمس سويت روحي ظلال 000وشحد الشمس توصل بساتيني
ورد جوري انزرع بصفاحه مو صفصاف000 واذا نسم علي عذري يغفيني
واجيت وشايل بروحي عشگ تموز000 وكل خوفي عليه من برد تشريني
وغرفت من النهر لن الگلب عطشان 000 غرفة ماي من عنده ترويني
صرت مثل الحرامي لو طلع نص ليل 000وكل حاجة اللزمها تگول خليني
سالته على العمر بس گلي ست سنين000 يمكن خاف مني وگال يبليني
اجيته وشايل بگلبي عذاب وظيم000 يمكن ماتحمَّل لزم جفيني
غردلي بحنين بصوته المبحوح000 وخلاني ارد لسنين عشريني
ربيته على ايدي وشربيته الماي000 ومن احلى التمر تارس مواعيني
ماظنيت كل هذا التعب وياه 000 يطير بليلة ظلمه وليش ينسيني
كلش زين ادري الغربه ماتنطاق 000بس عشرة عمر مابينك وبيني
رجعت وحالي بيها هموم ماتنشال000 واحس بچلوتي نامت سچاچيني
ويسالني العذول يگللي بالله شبيك 00كل هذا الحچي ويسئلني شبيني؟
لان مايدري بيه شضيعت معذور000 انا الضيعت بلبل فلسطيني

ابو حيدر الشريفي
2011/8/17