منتدى الهاشمية - بعض اللقافة والكلمات اللي ترفع الضغط !!!

منتدى الهاشمية (http://www.alhashemih.org/vb/)

- ابتسم وامرح (http://www.alhashemih.org/vb/f32/)

بعض اللقافة والكلمات اللي ترفع الضغط !!!

السلام عليكم ورحمة الله وبركاته

بعض اللقافة والكلمات اللي ترفع الضغط

وودك تتوطى في بطن اللي قالها ...

مثــلا :-

أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .

يجي أحد أخوانك ويفتح الباب عليك ويقول :- بتنام ! ! !

(( لا أبرقص على رابح صقر ,, أكيد أبنام ))

أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا العزيمـه "

(( لا رحنـــا ,, أكيد جينا وأنت وش تشوف ))

والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,

يجي أحد من أهلك وينادي بصوت عالي >>> بتطلع ! ! !

(( أبدخل ,, أيه أبطلع ))

أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,

أنت بكل ذوق تفتح القزازه وتقوله :- آمر؟

يقولك :-بتمشي با السياره ! ! !

(( لا بفحط وأسوي خمسات . . . . أكيد أنا ماشي ))

مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتليفوون ! ! !

((لا بتصور معه كم صوور تذكاريه , , أكيد أبكلم ))

ماسك مذكرة أو كتاب وقاعد تقرا . . جاء أحد وقالك :قاعد تقرا ! ! !

(( لا أفرش اسناني , , , أيه أقرا ))

أو مثلا تتسبح بالمسبح بالإستراحه يجي واحد من أصدقائك يمر عليك ويقول :- فلان تسبح ! ! !

(( لا أتروش . . . ما تشوف أيه قاعد أسبح ))

ولا تعالــو شوفو قنواتنا وأسئلتهم البديهيه البايخه . . , ,

برنامج أهداءات يتصل واحد يطلب أغنيه ؟

ترد عليه المذيعه بكل سخافه : أنت بتحب هذه الأغنيّة ! ! !

(( لا ما أحبها بس طالبها أستهبل , , إيه أحبها ليش أجل متصل ))

أو مثلا بالعيد جايـيـن يقابلون مع الناس شوفو حوارتهم :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- وش تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( أكيد يبي يقولهم هالعباره , أجل وش يقول بهالمناسبه ))

والأسخف من هالبديهيات اللي تضيع وقتنا إذا تقابلو مع الاطفال , , ,

يقول المذيع للبزر :- أنت تحب ماما وبابا ! ! !

(( أيه يحبهم أجل تبي يقول لا ))

المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !

(( لا أبروح أكفخهم وأسوي هوشه ))

واحد شاايل شنطته ومتجه عند بوابه المطار ويشووفه احد بالصدفه هلا والله علومك اخبارك شو تسووي في المطار

(( والله جاي اشوف مباراه الاتحاد والأهلي... اكيد اني بسافر ))

اللي يجي يصحيك من النوم!! فلان فلان واذا صحيت يسالك : نايم؟؟
((لا ارقص ...اكيد نايم ))

الي يتصل على تلفون البيت وارد عليه واكلمه ويسئلني انت في البيت ؟؟؟

بالله هذا ايش ارد عليه؟؟؟

تحياتي للجميـــــــــــع
:zly: