|
حلمت حلم وبقولكم عليه السلام عليكم ورحمة الله وبركاته قبل يومين تقريباً نمت ورأيت رؤيا (( ترى الموضوع بقسم المركاز )) يعني مجرد سواليف قد تصيب وقد تخطئ ، ماراح أقول تفاصيل الرؤيا بالظبط ، ولكن بقول الشاهد الشاهد : أن سعر الذهب بيطيح وراح يطيح طيحة عنيفة جداً ، لو أقول لكم بكم كنت ناوي أبيع الذهب اللي كان معي في الحلم ما راح تصدقون السعر ، على العموم اللي عندهم ذهب ياليت يستخيرون ويستشيرون في بيعه هالأيام . ويعلم الله أني ما قلت لكم إلى لأني اعتبركم مني وفيني ، يعني مو واحد يبيع الذهب اللي معه وبعدين يرتفع سعر الذهب ويقول كله بسبب عبدالله ، أنا أقول لكم استخيرو واستشيرو وإذا تحقق الحلم ونجوتم من الخسارة ، أدعو لي بس ، يعني مالي مصلحة سواء ربحتم أو خسرتم مرة ثالثة أقول لكم (( استخيرو واستشيرو )) ومو شرط أنه يطيح بسرعة يعني ما يجي واحد بعد شهرين أو ثلاثة ويقول لي ما صار شيء وما طاح السعر ، بعض الرؤى تجلس سنين علشان تتحقق |
رد: حلمت حلم وبقولكم عليه ارتفع ارتفاع جنوني يارب يتحقق هالحلم لأن ارتفاعه ماله مبرر بس الله لا يخسر على أحد شكرا عبدالله |
رد: حلمت حلم وبقولكم عليه كنت متحمسة للرد على هذا الموضوع من زمان لكن جاني ضروف منيلة بستين نيلة وقطعتني عنكم الحمد لله عدت وهذا أول موضوع متحمسة له عقلنا والمنطق يقول طبيعي انه ينزل وينخفض الآن بدأ سعر الذهب في النزول مدري كم سعره هذه الأيام لكنه بدأ سعره بالهبوط |
رد: حلمت حلم وبقولكم عليه وأخيراً رجعنآ للمنتدى المهم ... أنآ سمعت بأنخفآض سعر الذهب وجآتني معلومه أنه بينخفض أنخفآض قبل 28 سنه يعني اللي عندهم زوآجآت وعرآيس أجلوآ زوآجآتكم ليوم ينفخض الذهب ههههههههههههه |
رد: حلمت حلم وبقولكم عليه إقتباس:
إن شاء الله بيتحقق العفو ما سويت شيء وشكرا لمرورك على الموضوع |
رد: حلمت حلم وبقولكم عليه إقتباس:
الله يعينك يارب على ظروفك وترى المنتدى مو حقك بس تراه حق الأعضاء كلهم :mad: يعني خليه مفتوح دايماً بالعكس العقل والمنطق يقول أنه راح يكمل صعوده : لأسباب كثيرة أولها أزمة اليورو وأوربا حتى الدول الضعيفة اتجهت لشراء الذهب كأمان لها والبنوك كذلك وكل الناس والتوصيات توصي بشرائه أما سعر الذهب اللحين وقصته فهي عجيبة هو يباع ويشترى بالأونصة وكان سعر الاونصة قبل عشر سنين لا تتجاوز 250 دولار ، وفي شهر 3 / 2010 م لم يتجاوز 1100 دولار للأونصة ، وأعلى سعر وصله الذهب كان في تاريخ 6 / 9 / 2011 م (( ما شاء الله تبارك الرحمان شفت الرؤيا بنفس اليوم تقريباً )) يعني قبل كتابة الموضوع هذا بثلاثة أيام ، والحلم تقريباً بنفس اليوم بس أنا من النوع اللي ينسى شوي ، كان سعره في نفس اليوم 1920 دولار للأونصة واليوم سعره أو الآن هو 1650 دولار ، وتلاقون السعر المباشر دايم على هذا الرابط تصدقون عاد أني حاولت أخلي أمي وأخواتي يبيعون ذهبهم وماكانو مقتنعين يقولون راح يرتفع ، يعني شفت الحلم وما استفدت شيء :LAUGHT~2: |
رد: حلمت حلم وبقولكم عليه إقتباس:
عوداً حميداً الشريفة العنود أما لو ينخفض للسعر قبل 28 سنة يعني يصير الكيلو 25 ألف وقبل شهر كان سعره 240 ألف ناس كثيرين بينهبلون ، وكل شيء جايز أنا عن نفسي كنسلت موضوع الزواج وفركشت الخطوبة بس مو علشان موضوع الذهب :confused: |
رد: حلمت حلم وبقولكم عليه إقتباس:
الله يسلمك أن شآءالله .... والله أنآ جآلسه أنصح أمي تأخر في شرآء الذهب لآختي لآنه بينخفض يمكن بين يوم وليله ويصير بترآب الفلووس لو يصير الكيلو بـ 25 الف بتقوم القيامه وبتصير زحمه على محلآت الذهب ههههههههههه يآلله كل تأخيره فيهآ خيره وأن شآءالله ربي بيرزقك ببنت الحلآل :) |
رد: حلمت حلم وبقولكم عليه مساكين راعين محلات الذهب بس يشترون اللحين الناس جالسة تبيع لهم ، وموقفين شراء ، والحركة قليلة عندهم ، بعدين إذا نزل السعر بيرجعو يشتغلون إن شاء الله ماندري متى ووين بيجي الخير وعلى قولتك كل تأخيرة بخيرة |
رد: حلمت حلم وبقولكم عليه السلام عليكم ماأعرف أخوي عبدالله بالنسبة للذهب مااحبه ولا عمري سألت انخفض ولا ارتفع بس أسمع من الناس وماألبسه الا اذا فيه مناسبات للمقربين لنا .. بس بصراحة تفاجأت أختي شارية بنجرتين بس ب 5000 ريال حتى شكلها بسيط مثل الاكسسوار حق الماركات هي حابة يكون كذا لانها ماتحب الذهب مثلي .. بس أظن انو مرتفع هاليومين :/ وان شاء الله ينزل سعره وبشرونا لأن زواج اختي قريب ان شاء الله :) وبعدين ليش كنسلت موضوع الزواج ايش الخبر هذا يعني عشان تكاليف الزواج :( !!! وأنصحك نصيحة أخوي عبدالله الخطوبة والملكة لا تطول لاقدر الله تحصل مشاكل والله يسخرلك بنت الحلال ماتعرف يمكن ترجع تخطبها مرة ثانية :) موفق يارب |
رد: حلمت حلم وبقولكم عليه إقتباس:
شكراً لمرورك بنت الزهراء على الموضوع يالله بنطلع شوي عن الموضوع وبشرح لكم شيء مهم في بيع وشراء الذهب علشان ما ينلعب عليكم من أصحاب محلات الذهب ، كذا مرة أطلع مع الأهل وألاقيهم يشترون أو يبيعون كأنهم يشترون قطعة ملابس يعني بالعربي يأشرون على الخاتم أو الاسوارة ويقولون بكم هذا أو يقولون لصاحب المحل بكم تشتري هذا منا . لازم تعرفون كذا شغلة بسيطة علشان تصيرون أشطر من البايع : 1 - كم سعر جرام الذهب في نفس اليوم اللي بتشترون فيه ؟ تدخلون بنفس الموقع اللي فوق وهو يعطيكم السعر في اللحظة ماعدا يومي السبت والأحد لأنه عطلة عندهم ، وأقصد باللحظة يعني السوق فاتح عندهم 24 ساعة ما يقفل لأن السوق يشمل كل دول العالم من أستراليا وشرق آسيا حتى أمريكا ، السعر اللي دايما ينعرض فهو سعر الأونصة أو الأوقية خلونا نضرب مثال على سعر اليوم وهو 1670 دولار للأوقية الأوقية بالريال تساوي = 1670 دولار × 3.75 سعر الصرف = 6262.50 ريال للأوقية والأوقية تساوي 31.069 جرام هذا ثابت ما يتغير كم سعر الجرام = 6262.50 سعر الأوقية ÷ 31.069 تغيير الوزن من أوقية لجرام = 201.56 ريال للجرام الواحد ، والمقصود هنا هو جرام الذهب عيار 24 2 - كم عيار الذهب اللي بتشترونه ، هل هو 24 أو 22 أو 21 أو 18 أو 14 أو 10 ؟ خذو هذه القاعدة علشان تعرفون كم سعر جرام العيار سعر الجرام الصافي ÷ 24 × رقم العيار = سعر جرام العيار اللحين بنأخذ الأعيرة واحد واحد علشان توصل الفكرة ذهب عيار 24 = 201.56 ÷ 24 × 24 = 201.56 ريال للجرام ذهب عيار 22 = 201.56 ÷ 24 × 22 = 184.76 ريال للجرام ذهب عيار 21 = 201.56 ÷ 24 × 21 = 176.36 ريال للجرام ذهب عيار 18 = 201.56 ÷ 24 × 18 = 151.17 ريال للجرام ذهب عيار 14 = 201.56 ÷ 24 × 14 = 117.57 ريال للجرام ذهب عيار 10 = 201.56 ÷ 24 × 10 = 83.98 ريال للجرام 3 - كيف تعرفو عيار الذهب ؟ يجي مكتوب عليه صغير رقم العيار أو رمز العيار برقم عشري أو كسر 4 - كم ثمن القطعة اللي بتشتروها ؟ توزنون القطعة وتضربون وزنها بالجرام مع سعر الجرام للعيار حقها يضاف عليه ربح الصائغ (( البيع + الصياغة )) ويكون شيء بسيط وينحسب خارج الحسبة يعني ريال أو ريالين أو ثلاثة أو عشرة على حسب الشغل وإذا كان يستاهل تزيد معه سعر الصياغة . <<< بيحقدون عليه أصحاب محلات الذهب :36_1_28: أي شيء لازم يرتفع وينخفض ، سجلي هذه الأرقام والتواريخ إذا كنتي متابعة أو أحد الأعضاء متابع اليوم = 10 / 10 / 2011 = 1720 بكره = 11 / 10 / 2011 = 1710 بعد بكره = 12 / 10 / 2011 = 1700 الخميس = 13 / 10 / 2011 = 1690 الجمعة = 14 / 10 / 2011 = 1680 أقصد بالأرقام اللي فوق أن الذهب لو وصل لها راح يرتد ويرتفع وطبعاً إن شاء الله ما راح يوصلها ولو وصلها راح ينطلق لفوق بس ما راح يتجاوز أعلى سعر وصله 06 / 09 / 2011 إن شاء الله ولو مشى زي أنا ما قلت للأيام الجاية راح تشوفيه يطيح 100 - 200 دولار بيوم واحد يعني بيوصل 1550 دولار خلال هذا الأسبوع أو الأسبوع الجاي بإذن الله لا الحمد لله مستورة مو علشان التكاليف كنسلت الموضوع والأهل يبوني اتزوج يبون يفتكون مني أخواني اللي بعدي تزوجو وتارسين البيت بزورة وإن شاء الله المرة الجاية أسوي زي جدي وأبوي يخطبون ويتزوجون بنفس اليوم (( قص ولزق على طول )) آمين يارب الله يسمع منك يوفقني بغيرها ولا تنسينا من دعواتك بس لا خلاص ما أبيها أنا اللي كنسلت الموضوع مو هم |
رد: حلمت حلم وبقولكم عليه إقتباس:
يآوويلي مآشآءالله عليك يآلعبآسي وربي أقرآ في الآرقآم أحاول أني أحفظهآ وأستوعبهآ مآفي أمل ههههههههههههههههههههههههه:eek: الله يعطيم العآفيه دآم الشغله كذآ بطلنآ من الذهب مو لآزم نشتري دآم فيهآ حسآب ومآ حسآب أنآ مآصدقت أخلص من الحسآبآت أجي أحسب عشآن أِشتري ذهب هههههههههههههههههههههه أعيد وأقول مآشآءالله عليك :p |
رد: حلمت حلم وبقولكم عليه ماشاء الله عبدالله ردك يبغاله دراسة ومخمخة عشان نستوعب أول مرة أعرف هذي المعلومات .. وراح أنبه أمي واختي عليها .. وأشكرك جداً على التوضيح يعطيك العافية .. |
رد: حلمت حلم وبقولكم عليه إقتباس:
بس سالفة قص ولزق هههههههه لا خليها كم شهر طيب ع الاقل عشان التجهيز وبعدين مو حلوة الكنسلة تجي من الرجال لا تعيدها :( والله يوفقك ببنت الحلال قريب يارب |
رد: حلمت حلم وبقولكم عليه إقتباس:
إقتباس:
الله يخليكم يارب ، حسستوني أني أحسن من فيثاغورس :laught~2: كلها سطرين ركزو فيها بس 1 - حسبة جرام الذهب 2 - حسبة عيار الذهب صدقوني ترى ينلعب علينا في محلات الذهب ، والدليل تشترون شيء مثلا قيمته 15 ألف وترجعون بعد أسبوع لنفس المحل تبيعوه ويقول لكم 12 ألف ، طيب أنتم شريتم ذهب ولا ملابس الذهب قيمته فيه مفروض ما تنقص ولا تزيد إلا بتغير السعر ، وتلاقي قيمته الأصلية هي 13500 ريال طيب ليه ما اشتريه من البداية ب 14 ألف وأخلي راعي المحل يكسب 500 ريال وبعدين نبيعه ب 13 ألف وبرضه أخلي راعي المحل يكسب 500 ريال ليه يسوي ذكي علي من البداية ، محصلين الفلوس مرمية في الشارع ؟؟؟ |
رد: حلمت حلم وبقولكم عليه إقتباس:
الله يسلمك بنت الزهراء الزواج نصيب مثل الرزق إذا ربك كاتبه لك راح تأخذه وإذا ربي ما كتبه لك ما راح تأخذه صدقيني الكنسلة ظروف ما اقدر اشرحها ، بس تأكدي لو واحد من أخوانك وصارت له نفس الظروف راح تقولين له كنسل خطوبتك آمين يارب الله يوفقنا للخير |
| كل الأوقات هي بتوقيت GMT +3. الساعة الآن 09:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Search Engine Optimization by vBSEO ©2011, Crawlability, Inc.