|
انتبهوا يا بنات من أيميلي وحتى تنبهوا أهاليكم يا ناس تخيلوا أمي كانت اليوم بمجمع ابن خلدون. وبوقت صلاة المغرب . لم راحوا للمصلى كانت فيه وحدة حاطة لها كرسي وجالسة عند الباب ومعلقة لوحة (( يمنع دخول جوالات الكاميرا للمصلى )) .وكل من دخلت اعطتها رقم وحطت جوالها بكيس وتقول امي شكيت فيها .. من متى الجوالات ممنوعة بالمصليات وغير كذا اللوحة مكتوبة بخط اليد وماعليها ختم للإدارة ولا شي وحتى الأوراق اللي توزعها مكتوبة بخط اليد !!المهم . تقول امي قلبي نغزني .وخلت اختي تنتظرها برى مع الجوالات الين ماخلصت صلاة .وبعدين راحت اختي تصلي وخلال هالوقت في حريم خلصوا صلاة .وطلعوا يدورونها ولا لقوا احد .تخيلوا اكثر من 30 جوال شالتهم اللي ما تخاف الله ومشت ,فتقول امي .لو تشوفون صياح بعض الحريم .شلون يقطع القلب .اللي لها صور بالجوال .والا اللي مصورة خواتها والا بناتها . فانتبهوا .اللي سوت الحركة هذي ممكن تعيدها بأي مجمع ثاني .وغير كذا. ياليت ننتبه صورنا بالجوال . يعني حتى لو قلنا ماراح نبيع الجوال .مانضمن انه ما ينسرق. والله يستر علينا وعلى جوالاتنا |
رد: انتبهوا يا بنات حسبي ـآلله ونعم ـآلوكيل لهذي ـآلدرجه وصلت ـآلسطآوه ـآلله يكآفيهآ وـآلله أنآ عن نفسي مآ أعطي جوآلي لآحد لو مدري مين إلآ في ـآلآعرآس مآ أحوج نفسي أخذ بدون كآميرآ عشآن لآ يقروشون عقلي وأقعد قلقآنه على جوآلي |
رد: انتبهوا يا بنات وجع يوجع قلبهاااااااااااااااااا هالحرامية الله يكسر يدها استغفلت العالم ديره كل شئ فيها ممنوع تعودوا وصدقوا |
رد: انتبهوا يا بنات اما عاد والله ما يشدونه ماوصل الغباء لها الدرجة مصلى وممنوع اي مكان فيه جوال الكاميرا ممنوع ما افكر أطبه في الرياض ملاهي حلوة بس تعامل زفت تفتيش عند البوابات ومصادرة جوالات وخليها عند الادارة وإذا جيت أبطلع أدق مشوار للادارة أمسك سرى أخذ جوالي أدق ع السواق يجينا مستوى منحط قال ترفيه وقال سياحة خلي ملاهيهم لهم .. انا حتى في الزواجات محد يتجرء يأخذ جوالي ما عمري رحت إلا لزواجات غالين علي يحترموني ويحشموني يدخلوني بجوالي إذا مو واثقين فيني لحد يعزمني . |
رد: انتبهوا يا بنات الشريفة العنود فاطمة الهاشمية بلقيس الهاشمية شكراً لمروركم الكريم المشكلة أنها سرقت وسرقت وين ؟ في بيت الله المسجد استغفر الله العلي العظيم |
رد: انتبهوا يا بنات شكرا لك بس الشرها مو عليها على الي يحطون جوالاتهم معقوله الغباء وصل فيهم وين داخلين قصر افراح |
رد: انتبهوا يا بنات إقتباس:
عبدالله بن حميد شكراً لمرورك الكريم مرة قريت قصة أقوى من هذي وصايرة بجامع كبير قام الإمام يبي يصلي على الجنازة وقام أحد المصلين يقول لا تصلون عليه قالو الناس والإمام ليه ؟؟ قال لهم أنه يطلب المتوفي مبلغ وأنه ماراح يسامحه إلا إذا سددو عياله وقامو عياله يبكون وقدام الناس وواحد قام يقول يالله نقط له والكل تفاعل وجمعو القطه وعطوها الديان ويوم بدو يصلون وخلصو الصلاة وانتظرو عيال الميت يجون ويشيلون أبوهم علشان يدفنونه ما حصلوهم والجنازة طولت في المسجد شوي واحد من المصلين حس أنهم مسوين فلم ، قرب على الجنازة وحس أنها خفيفه شوي ولمس وعرف أنها بطانية وشوية ملابس ، وطلع الديان وعيال المتوفي واللي اقترح القطه عصابة ، لعبو على الناس واستغلو عواطفهم ، يا ما حتشوف |
| كل الأوقات هي بتوقيت GMT +3. الساعة الآن 10:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Search Engine Optimization by vBSEO ©2011, Crawlability, Inc.