منتدى الهاشمية - أمس نفس اليوم وبكره نفس أمس

أيام كثيرة مضت من حياتنا لكن بدون فايدة
نحس الوقت يمشي بسرعه بدون مانحس فيه
الروتين اليومي نفس الشي
أمس نفس اليوم وبكره نفسأامس وعلى هالحاله

بس لو ملأنا حياتنا بشي يفيدنا شي يخلي حسناتنا تزيد
شي يخلي نفسيتنا تزين ويخلينا دايم فرحانين
صدقوني بنصير اسعد ناس في العالم

ساعد المحتاجين
اكفل يتيم
لو ماتقدر مالياً
تشارك أنت / أنتي مع أحد من معارفك
أو أصدقائك
وبكذا يكون الأجر أعم وأكثر
وراح تكسب أجر أكثر منهم تعرف ليه؟؟
لأنك حثيتهم على هالشي

حافظ على صلاتك حاول تخشع قدر الإمكان
وابعد عنك الهواجيس وأنت تصلي
واستشعر أنك أمام الله

داوم على الذكر دائما وعشان ماتنسى
علق على باب غرفتك مجموعه أذكار
في الممر في الصالة
في أي مكان في البيت
عشان ماتنسى
واللي حولك بعد ماينسوا

داوم على أذكار الصباح والمساء
فيها راحه نفسيه عجيبة

تبسم في وجيه الناس فعلى كل ابتسامه تكسب صدقه
وتفرح قلوبهم وتخليهم يحبوك أكثر واأكثر

أبعد عنك الحسد والحقد والغيره
وخل قلبك أبيض نظيف
ترى الدنيا والله ماتسوى اننا نتزاعل ونغتاب بعض فيها

احرص على أنك تقرأ القرآن يومياً
حتى ولو نص وجه خل قرآنك
جنب السرير قبل ماتنام
اقرا لك شوي

حاسب نفسك
أنا اليوم اغتبت؟ جرحت أحد ؟ سبيت أحد؟
أنا اليوم ماجلست مع أمي كثير؟ انا اليوم ما استغليت يومي بشي يفيدني؟
حاسب نفسك قبل لا تنام
وانتظر بكره يجي عشان تصحح اخطائك
ويكون يومك أحلى من الأمس

أكثر من الدعاء لأن الدعاء هو العباده
لاتقطع الصلة بينك وبين ربك
تضرع له إلجأ له
توكل عليه
هو اللي يفرج همك ويستجيب دعاك
ويحقق أمانيك
ولا تستعجل في الإجابه
لأن ربي يحب عبده اللحوح في الدعاء
ولا تنسى تدعي لإخوانك المسلمين

نفعنا الله وإياكم
ووفقنا لما يحب ويرضى